|
مشروبات كحولية ضمن حرم جامعة تشرين.. وفي رمضان!!
 لم نكن نتصور أن نشاهد هذه الصور في صرح علمي كجامعة تشرين أو في فترة مقدسة كشهر رمضان المبارك, ولكن هذا ما حدث للأسف, ففي حديقة المعهد التجاري الشهيرة باللقاءات الغرامية الحارة عثرنا ظهر اليوم على علبة بيرة من نوع (بير بير) ذات نسبة الكحول المرتفعة (12%), وثلاث زجاجات (المازة) من النوع الكحولي وغير الكحولي, وكانت الرائحة النافذة تدل على أنها طازجة ومفتوحة حديثاً.اتجهنا بالصور على الفور إلى رئيس المكتب الأمني الأستاذ (علي جبيلي) الذي بيّن لنا بعد استغرابه أن هذه المشروبات قد تكون عائدة للطلاب أو العساكر المتمركزين قرب المكان, ووعدنا بمتابعة الموقف عن كثب لمنع تكرار ما حدث, مع الإشارة إلى أنه من المستحيل تفتيش الطلاب أو الزائرين. يذكر أن مثل هذه الممنوعات (مشروبات روحية – أراكيل..) شوهد سابقاً ضمن وحدات المدينة الجامعية وحتى حدائقها. عكس السير - علي وجيه |
عادي ... نحنا بتشرين ...حشاشين ... وأنا عندي محل حشيش ... ف عادي ... ليش في أطيب .. من البيرة ..وخصوصي ضمن الجامعة ... أي بتفتح المخ فتح ... وبتنشط العقل .. ومع صحن بزورات .. غير حياة .. :lol:
|
ياباطل شي طالب مالل بدو يروق
|
اي خليهون يشربو
شو بدنا فيهون اي حتى اذا شربو بالسر ما عم يخلصو من العالم .. عمش :pos: |
لك خاي شباب بدا تدرس بدا تشرب بدا تزهزه كل واحد على دينو الله بعينو
|
لو مانن زبالة صحاب موقع عكس السير ما كانو راحو شمشمو بحاويات الزبالة متل الكلاب الشاردة
|
اقتباس:
لك على الحلال انت زلمة بتفهم يعني شلون عرفت انو صحاب الموقع زبالة من عامر ياسين سارق الموقع قصدي صاحب الموقع لماهر الغبي الصحفي |
البيرة من عند الصبح بتصحصح و بتفتح المخ ولو
شو فيها الشباب ما لحقوا يشربوا القهوة :? |
انو لهالدرجة؟؟
والله ما كان مبالي هيك ما عاساس جامعة تشرين بسورية؟ لا يكونو فاتحينلة فرع بالرياض وما الي خبر!! ومن ايمت ممنوع البيرة عنا .. لاء وبنسبة كحول عالية .. والله ما كنا هيك يالله .. شو الي عما ينزعنا يعني واحد مثلا ضل يدرس شهر لشي مادة .. معقول ما يشربلو بيراي بعدة يلعن ديب هالشعب والله خبر مستاهل ينتشر .. مشان نبين للعالم اديشنا حمير لك اخخخ يعني لو كانو عرفانين مين الي شربانون كانو قوسوا؟ :frown: |
اقتباس:
|
ما بتخلوا حدا مبسوط ايييييييييييييييييييييه عشي كاس هلا بيفتح المخ بس بعد الفطور
ههههههههههههههههههههههههه ه الدكاترة عم يخلونا نسكر غصب اذا مرة مو غصب شو بيصير |
الاخ قيصر شريب منيح ما شا لله ............... والله ذكرتنا بايام الشرب كخخخخخخخخخخخخخخ
|
اقتباس:
القصــّة وما فيها ، انو في شي اسمو احترام " قدسيّــة " المكان ... يعني المفروض يكون في شوية احترام للمكان اللي انت فيه مو اكتر ... كـ مثال ، انت ما بتروح عالكنيسة وانت سكران !! ولا بتروح ع المكتبة وبتعلــّي صوتك وبتصرّخ ولا بتغنّــي .. مو بس لانو ممنوع ، و كمان لانو هالمكان الفلاني -اللي عاملينو هالعالم - انوجد للهدف الفلاني - اللي انت بيحقّــلك تستغلّو قد ما بدّك طالما ملتزم بأعرافو - ... وبس .. هي هيي القصة .. :D |
اقتباس:
قدسية شو هلق صارت القدسية تبعيت الجامعة انو ما نشرب كحول فيا ليش ما بيبطلو العالم سرقة هنيك اما هاي الشغلة ما دخلة بالقدسية ليش ما بيصير الواحد ينجح بشي مادة بس يكون شاطر فيا ما بس وقت بيكون دافع للدكتور تبعا بعدين شو الي بدايق الجامعة اذا الواحد شرب فيا شي انتي بتدايقي شي اذا شفتي شي حدي عما يشرب عندك بالجامعة؟ انا شخصيا لاء , لانو انا بشرب هنيك وما حدي بيتدايق مني القصة كتير بسيطة بس انشالله تكون وصلت فكرتي :D |
اقتباس:
والله عالجرح ، مظبوط حكيك .. بعدين شوهالفضول الغليظ يعني .. |
خيو أنا بشرب و روح قلبي الشرب بس يا شباب شي و منو..يعني شو ألها داعي الواحد رايح عالجامعة يقعد و يشرب..بعدين طبعا الجامعة ألها قدسية..و إذا في حدا عم يغلط فيها فهاد مانو مبرر لألنا أنو نغلط
يا رجل في مطاعم ممنوع الشرب فيها فكيف الجامعة...؟؟ |
اقتباس:
بس انا من مبدئ يعني شو دخلك فيون .. انو هني مخبايين وعم يشربو .. بشان احترام القدسية وكل واحد حر لأن اذا المشروب ما بعتقد فيو جرح لقدسية الشي .. |
اقتباس:
بحياتو الغلط ما بيتبرر بغلط .... و اي .. وصلت الفكرة :D |
| الساعة بإيدك هلق يا سيدي 16:00 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون