|
زواج المسلسلات يقع شرعاً والممثلات يجمعن بين الأزواج
فتوى: زواج المسلسلات يقع شرعاً والممثلات يجمعن بين الأزواج دبي- العربية.نت جدّد عدد من علماء الأزهر، عبر الصحف والمواقع الإلكترونية، رفض مشاهد الزواج والطلاق في المسلسلات التلفزيونية التي تنتجها الشركات المصرية، بحجة أن هذا الزواج يقع شرعا، وبذلك فإن الممثلة المتزوجة حقيقة، وتعقد قرانها تمثيلاً، تكون قد تزوجت مرتين. وكانت فتوى شاعت في مصر قبل سنوات تحرّم عقد القران في الأعمال التلفزيونية، لكنها اختفت ثم عادت لتظهر بقوة خلال رمضان الحالي، خاصة وأن أغلب المسلسلات لا تخلو من حالة زواج واحدة على الأقل. وتستند الفتوى إلى أن إجراءات الزواج والطلاق لا "هزل" فيها، بناء على الحديث النبوي الذي يقول: "ثلاث جدّهن جدّ، وهزلهن جدّ، النكاح والعتق والطلاق". وهو ما يعني عدم الاستخفاف بأي من هذه الأمور الثلاثة، وفق تقرير نشرته صحيفة "الأخبار" اللبنانية الثلاثاء 25-9-2007. وتخلص إلى أن ظهور ممثلة وممثل وبينهما مأذون على الشاشة، ثم عقد القران بالطريقة الشرعية، اعتماداً على العبارات المتفق عليها شرعاً، يعني أن الزواج قد تمّ بينهما. وإذا كانت الممثلة متزوجة في الحقيقة، فهي بذلك تجمع بين زوجين |
ههههههههههههههههههه اي الزود معا ههههههه شو بس الرجال بيحقلو 4 :p (مزحة)
والله هي سمعا ممكن يكون مزبوط والله اعلم معنا بالتمثيل هاللف والحضن وووو الخ بعد عقد القران شرعي ههههههه مافيو زنى يسلمووو عالخبر |
[quote=
معنا بالتمثيل هاللف والحضن وووو الخ بعد عقد القران شرعي ههههههه مافيو زنى [/quote] طيب مافي زنى (بحال كانت هالفتوى عقلانية) شو مشان المتفرجين ببيوتن؟ يعنى والله ما حدا بيليقها على حاله وعلى مرته العالم تشوفن بهيك أوضاع. وأهلا وسهلا |
اقتباس:
اكيد ماحدى بيرضى ذاتي هيك مستوى من المسلسلات او ان كان الافلام جابت على راس العالم البلا الشباب بد ون يتجوزو والصبايا بدون ينسترو بس مافي شي بحال الشباب وال ها معو شوية مصاري بيبلش يطلب ويتطلب بدو عصاية طقى من ضعفا وعلى بنت عيلة ومدخل ومين اهلا وشو بيشتغل ابوها وووووو الخ وكتر الزني و الحراااام يالله نهاية العالم يسلمووو مرة تانية |
هو يعني على زمن الرسول .. كان في مسلسلات .. ؟؟
والله هو اذا كان في معناتها هالفتوة صحيحة .. بس اذا ما في هاد اسمو حكي فاضي :? |
:o عنجد طب ما حدا أد الممثلات
اللهم زد وبارك :lol: لك شو هاد يا الازهر بجنن كل فتوى احلى من التانية!! مع اني بعرف انو "الاعمال بالنيات" متل ما قال الرسول عليه السلام .وازا اخدنا هالحديث منلاقي انو هالفتوى مش منطقية..لانو الممثلة لما بتمثل انها متزوجة ما بكون بنيتها تتزوج فعلا او تتطلق فعلا من الممثل!! |
هاد الحكي غلط ، شو هل حكي خلص طلع الممثل متزوج معناها نحسبة عليه زواجه
وبعدين لاتمام الزواج مو كانو في شي اسمو لازم يكون في ولي امر ماهيه عم يكون ولي امرها اصلن ممثل يعني مو واحد من محرمتها متل اخوها او ابوها يا اخي هدول تبع الازهر بحسهم ماعندهم شغل بلشو يشتغلو على المسلسلات وانا بنصحهم يروحو يفتحو صالون حلاقه او عرباية ترمس او شي محل فلافل احسنلهم |
ليش مستغربين
بزمانا ( اليزابيت تايلر ) حملت أثناء تصوير فيلم كليوباترا ( من بطل الفيلم ) كانو عم يصوروا مشهد شديد الواقعية و رجعوا تزوجوا بعد الفيلم  |
إذا في مجال حدا يحطلنا تركيبة مخون لتبع الأزهر
مشان يلي بتعبدو أي سعدو ما عميل هيك فتاوى |
تبعون الأزهر سمحوا لفرنسا بمنع الحجاب وبنفس الوقت بيدعوا للبس الحجاب
شو هدول شوية ناس بتستتر بالدين مشان مناصب ومصالح يا سيدي نانسي عجرم فيها خير أكتر منهم هاد رأي ...... |
:lol::lol::lol::lol::D:D:D
|
بس ليتم الزواج لازم يكون اسم العروس والعريس واسماء ابوهون وامهون صح
كيف رح يتم الزواج وهي بأسم فني والله تسالي هالازهر |
والله يا ابو الريم الهيئة انو المقصود هون مو الاسماء المستعارة اللي بيستخدموها بالمسلسلات انما الاشخاص بحد ذاتن و الله اعلم:D
شو رايك بهالفتوى افحمتك مو هيك:o:o |
اقتباس:
خلي يفتولنا فتوة انو حرام ينعرض اكل بلمسلسلات حاكم الناس صايمة .. احترماً للصايمين |
اقتباس:
شو بدك تقطع ارزاق برامج الطبخ؟ :lol: |
يارتني ممثل ويكون الدور عم إتجوز سلاف فواخرجي ويكون هلا الكلام صحيح بس الله بسماه بيخليني اطلقها
|
اقتباس:
فعلا الازهر فيه قصور واخطاء اتمنى اصلا حها ليعود الازهر لسابق عهده ولمكانته لكن المؤكد ان ما زال بالازهر علماء افاضل يعلمون الطلاب من كل انحاء العالم العربى ومن خارجه علوم القرآن والحديث والفقه واللغه العربيه،،،، |
اقتباس:
تحياتي لك :D |
| الساعة بإيدك هلق يا سيدي 00:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون