|
الغيرة ومتى بتصير شك ؟
مسا الخير شباب وصبايا .........
احيانا كتيرة ما منقدر نفصل بين الغيرة والغيرة الزايدة وحتى الشك يعني بتمنى تشاركوني بارائكم وافكاركم وتجاوب سؤالي ... 1-كيف ممكن نتعامل مع غيرة الطرف الاخر حتى ما تقضي على الحب وما تتحول لشك مدمر للعلاقة 2- متى بتتحول الغيرة لشك ؟ :adal: |
اقتباس:
إذا بدك تحب ماتشك وإذا بدك تشك ماتحب:o مع تحياتي ماس |
الغيره حلو انا بحبها بس اكيد بحدود
الغيره ممكن توصل لشي مدمر و هاد مو معناه الشك لا بس الغيره هيه شي طبيعي عند الانسان بس ممكن انها توصل لشي بيسمو مرض بيقتل صاحبو حلو الواحد يغار بس لحد معين مشان ما يحرق حالو و يحرق يلي بيحو ... و مشان الواحد ما يخليها توصل لهل حد لازم يورجي الطرف التاني انو شوف انا عم اعمل كل شي قدامك مشان ما تغار و تشك ، لو بدي العب بعمل الشي من وراك هاد راي وشكرا على الموضوع |
يي
.. انا دخلتت مفكرك كتبت الغبرة و كيف بتصير .. صحيح ز.. شلون بتصير الغبرة غبرة ؟ |
الغيرة هي اول دليل على انه في شخص بحبك و بهتم لامرك و حلو الواحد يغار على حبيبه لانه بعكس نوع من الاهميه والغيرة بتخلق جو رومنسي بين الي بحبو بس طبعا كل شي بزيد عن حده بنقلب ضده و برئي الغيرة بتتحول لشك يوم الثقة تنعدم بين الطرفين بتصير غيرتي لحبيبي كلها شكوك و وقتها بصير مرض و بصير سبب قوي انهم يخسرو بعض لانه اذا ما في ثقة بينهم معناه ما في حب |
شكرا لكل اللي ردوا وكتير شكرا jouliana لانه رد بدل ع الحكمة وبتمنى نصير صديقات ....
|
اقتباس:
الي الشرف نكون رفيقات :D |
كتير الغيرة حلوة
بس اذا كانت مفرطة فهي بالتالي غير تدمر العلاقة من شان هيك مالازم تكون كتير ظاهرة " ومن الغيرة ماقتل" ويسلمو ايديكي عالموضوع |
انا براي انو الغيره مرادفه للحب بس تكون بحدود وما تكون غيره مراضيه بس الشك مدمر للحب بدون شك
|
تسلم ايديكي انتي ع الرد يا سمية
|
اقتباس:
|
بنقلو up ............ :D
|
الغيرة أحلى منها ما في و بظن انو هي بتقرب كل اتنين من بعض اكتر واكتر
بس طبعا كلشي الو حدود هلأ كيف ممكن تتعامل مع الغيرة يمكن تحاول اد ما فيك ما تعمل اشيا تخلي الطرف الاخر يغار يعني اوقات انت بتكون عم تمزح و تتخوت بس ما بتعرف انو جواة حبيبك عم تشعل نار من الغيرة و بظن في ناس بتتعمد تثير غيرة الطرف التاني لحتى بس تعرف اديش هي غالية او زناخة يمكن :lol: الغيرة ايمتى بتتحول لشك لما هالحب كلو يدبل يعني لو شو ما كانت الغيرة قوية ازا كان في ثقة ما في داعي للشك بنوب حتى لو بلحظة غضب انفجر صمام القلب :p و نزلت هالمخلوقة او هالمخلوق سب وشتم و انو يا عمي انت بتخون وهيك بس بظن هاد مجرد حكي ازا اتنين بحبو بعض جد ما في غيرة بتصير شك الا ازا كان الحب ضعيف و الغيرة القوية حلوة ما فيها اي مشكلة و انا بحب حس حبيبي غيران عليي :lol: |
الغيرة حلوة كتير
بس لما تصير خانقة بتصير كريهة جدا وما بتصير خانقة الا بحالتين اما من اول ما تعرفه للخشص بيكون هيك ووقتها انت حر تتركه او تبقى معه او انو انت عملت شي بيخلي حبيبك يبدا يشك فيك ووقتها انت الملزم باعادة الثقة اله بس الغيرة العادية حلووووووووووووووووووووووو ووووة والله اذا حبيبي بيغار علي للحظة بحس حالي رح يطير عقلي |
| الساعة بإيدك هلق يا سيدي 12:40 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون