|
سلّملي عـلـيـه ...!!.
لماذا أجدكَ في كلّ ما غـنـّتـهُ فيروز و ما تـغـنّيه ؟.. و كيفَ لكَ التّواجد بتلكَ الكثافة في كلّ الطرقات معاً .. فلا أكاد أسمعها تشدو بواحدة من روائعها إلاّ و أرى طيفكَ يعومُ في بركة أحاسيسي ..!! و يتقمّص الكلام كلّه حتى لكأنه قيل فيكَ أنت ..!! هكذا أصبحتَ يا صديقي .. تطاردني في كلّ الأوقات .. و بأكثرها التصاقاً بي .. فلدى بزوغ الفجر إنذاراً بيوم جديد .. يدور مذياعي باحثاً عن فيروز .. و عنكَ من خلالها .. أبدأ الصبح و أتمنى "حظّي منكَ لذاك اليوم" .. لعلّي أعنون نهاري .. فتارةً "يسألني الناس عنك" ، و تارة تبتعد لتغدو " لا أنت حبيبي و لا ربينا سوى" .. حيناً أحسّ أنها "مـش فـارقـة مـعـاي" .. و طوراً تغلبُ الحقيقة كلّ شيء فأنا "عندي ثقة فيك" !! و عندما تتوه مراكبي .. و أفقد إحساسي بتواجدك .. يعلو صوتها الحنون " وينن؟.. " و يجيب الصّدى .. "ما في حدا .. لا تندهي".. أحزن مع نفحة أمل صادقة و أكابر لأنني أعلم أننا "راجعين يا هوى" .. و بعدها يحين موعد الذّهاب .. فألقي عليكَ تحية النهار .. و تصيح الدّنيا كلّها معي "ســلّملي علـيــه" !!! للأمانه منقول من صاحبي بس حبية شاركم فيه مو اكتر |
والله يا اش بيطلع متك
بس كتيييير حلوة خاصة انو فيها عن فيروز وبالمناسبة بهديها لهالخاطرة لشخص بيموت باغاني فيروز وبموت عليه وهو رح يعرف حالو وبهديك كل اغاني فيروز اش ولو انت عنا باهداء بس شو بدي بكتر الحكي زوووووووووووووووووووووء والله :D:D |
أي والله سلملي عليه :cry:..... لأنو امس انتهينا ... فلا كنا ولا كانا ...:cry: يا صاحب الوعد خلي الوعد نسيانا :hashish::hashish::hashish::hashish: :tears:
تسلم أديك..... |
الكلام كتير حلو:clap:
واغاني فيروز لحالها بتخليك تتخيل انك بتحب شخص وحابب تهدي اغانيها وحتى لو ماكان في حدا بحياتك حلو هالشعور كتير...........في حدا مجربو:oops::D |
كلام كتير حلو (مو فيو سيرة فيروز) .. يسلمو هالايدين ( آش هاد مو إلك هاد لصاحبك)
بس انت إلك :D لأنك شاركتنا فيه |
شكرا لكل يلي شاركو بهل موضوع
و انا مبسوط كتير عن جد انو عجبكم هل موضوع ، كنت متردد باني حطو بس شايف انو حبيتو وهاد المهم شكرا لكم جميعا يعني بتعرفو ولله نبسطت لوول :D |
اقتباس:
و ان شا الله المرة الجايي انت اللي تكتب مو صديقك |
حلو ، شكرا لهالشعر الفيروزي ، الmodern ..
|
اقتباس:
شكرا للمرور اقتباس:
يسلمو لمرورك |
حلوة كتير يسلم مخ صاحبك :Dو تسلم ايديك لنقلها :gem:
لك في أحلى من فيروز :clap: |
اقتباس:
وشكرا على كلامك :D |
ياعينى على هيدى الكلام على هيدى العبارات المنثوره على اغانى فيروز
بصراحه كتتتير حلوه كتير.. تسلم ايديك واناملك يعطيك الف عاااااااااااااااااااااااف يه |
اقتباس:
|
فيروز الصوت المخملي ..
فيروز صوت هدوء و رقة الصباح .. على أنغامها إعتدنا أن نرشف قهوتنا . و هي تحمينا من لسعة برد الصباح و تدثرنا بصوتها الدافئ .. كم من حزين أسعدت و كم من يائس أحيت .. و كانت هي الصوت المعبر دائماً عن لوعة المحبين ، عن شوق المغتربين ، و حتى عن ثورة الأحرار . :hart: شكرا كتيير ASH و على مشاركتك إلنا هي الكلمات الرائعة :D |
اقتباس:
أشكرك على كلامتك لي زادة الموقع جمال وشكرا لمرورك :D |
| الساعة بإيدك هلق يا سيدي 23:21 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون