|
انا وحالي وسوريا والكل معنا
كتبها بالعامية لأنو ما عم الف شعر وطلعت معي هيك كتبتها ليس لسوريا فقط ان لم تكونو سوريون انظرو اليها كانها بلدكم واشعرو بما اشعر خبرتني نفسي عن شي من الجنة أنزلته الملاءكة لأنو بالسما في جنة مشان هيك نزلو سوريا الجنة التانية على الارض حالي خبرني قبل مرة وكل عم يخبرني عن سما كبيرة وزرقة وارض واسعة طاهرة عفيفة وخضرة واسعة بشجرها بميتها وبزهرها وعشبها اه يابلد الاحرار كم مرة نزلت دموعي ونشفت على شوفتك انا وقت بكون لحالي بتذكر نسمة الصبح السورية مع فيروز وفنجان القهوة مع الوالدة وبتذكر كلمة الله واكبر من الجامع وصوت جرس الكنيسة حالي خبرني قصص عن سوريا انو هو بلاها مو موجود حالي ذكرني برفقاتي وباهلي وبارض بلدي يلي لحم كتافي من خيرها ويلي ترابها سريري وسماها شمسيتي زكرتني نفسي بصباح الخير بطعمة سورية حالي خبرني عن كل ضيعة وتنور الخبز يلي فيها وكل ختيارة قاعدة قدام المصطبة لك اهههههههههههههههههههههههه هههههههه سوريا انا الذليل لأجلك انا الصنديد كرمالك انا الخادم الك لمماتي حالي خبرني عن سهرات الليلية مع ضو القمر البنفسجي وعن رقصة شامية اوقدود حلبية عن موال من جبال اللاذقية والساحل عن دبكة من السويدا ومن درعا والجولان حالي وانا اتفقنا انو سوريا متل الدم بتمشي بالشريان مابعرف شو بدي احكي اكتر ما عاد طلع معي الحكي ياارض مو من السما يا ارض من الجنة اهداء الى ASH وlolita -mam وكل الاعضاء ولحالي وسامحونا |
ولله يا صاحبي يسلمو كتير لألك
صدقني ماني عرفان شو احكي يا صاحبي بتعرف نو قدام هيك موضوع ما بعود بعرف احكي شي ولا اكتب حرف ولله العظيم انو لح جن بس انزل على سوريا يوم اي ولله شكرا يا صاحبي ASH |
و الله حلوة الغنية مثل سوريا يعني الله لا يحرمك من بلدك
و ادعيلي ربنا احب بلدي مثل ما بتحب انت و كل الشعب السوري بلدكم |
يا نيال سوريا بشعبها
وجد كتير حلوة هالمشاعر الراقية تجاه سوريا |
يسلمو على ردودكم
بس سويرا صفية مو بس للسورين ، صارت للكل |
اقتباس:
وبعرف كمان انو ما طلع معك الحكي تسلملي انت يلي ذكرتني |
اقتباس:
واكيد بتحبي بلدك من جوى مع الايام بتحسي بطعم البلد يسلمو للمرور |
اقتباس:
ونيالنا نحنا ببلدنا سوريا يا قلعة الصمود والتحدي تسلمي وشم |
الله يخليك لسوريا انت و حالك و نفسك
جد حلوووووووة :D1 |
اقتباس:
انا وحالي ونفسي روحنا فدى سوريا |
شكرا على الإهداء والله وما لكن علي يمين عزتني الدنيا وحسيت دمعتي نزلت
والله يحمي سوريا وأهلها من كل شي حتى من النسمة |
اقتباس:
انت يلي ذكرتيني شو سوريا ضحكتك من نسمة سورية شعرك من ربوع سورية اسلوبك عاش بدم سوري ولدتك سوريا لتكوني بنت سورية وتسلميلي |
اقتباس:
كل شي فيك بيزكرني بساحتها و شوارعها ، ما بدي غير نكون بيوم مع بعض بسوريا لنورجي هل خلق الزنبع من اين ينبع بس ستنى علي انت :o |
كتيييييييييييييييييير حلوة معبرة وبساطتها العامية عطتها طعم ولون حلوين الله يرجعك لبلدك :deal: |
ياعينى على هيدى الكلام لبلدنا وبلدى العروس يالى بترفع راسى لفوق
الله يحميها من اى شى حتى من دموعى الانو بخاف تكون حارقه من حرئه حبي لها تحرئها... والله مشتائتلها نفسى اشم ريحت ارضها واستمتع بنسيمها :cry: تسلم اناملك يا الالهه على هيدى الخاطره:D |
سوريا الله حاميها .....
|
| الساعة بإيدك هلق يا سيدي 04:13 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون