أخوية

أخوية (http://www.akhawia.net/forum.php)
-   السقيفة (http://www.akhawia.net/forumdisplay.php?f=58)
-   -   الشعب العربي و الحضارة (http://www.akhawia.net/showthread.php?t=80528)

ابو_الرحباني 21/09/2007 05:03
الشعب العربي و الحضارة
 
اعزائي القراء اليكم فيما يلي بعض الافكار عن الشعب العربي و الحضارة فقصة الشعب العربي مع الحضارة قصة قديمة جدا قدم الازل ولكن المثير للسخرية في البدء كان الشعب العربي و الحضارة اصدقاء اعزاء فكان عنوان الحضارة هي الحضارة العربية اما الان فقد اصبحت الحضارة الد اعداء الشعب العربي و ترونهم يتمسكون بمفاهيم غربية غبية لا علاقة لها بالحضارة كأن ترتدي الفتيات التنانير القصيرة و الكنزات البطن و غيرها فهذة هي الحضارة ترا شخص جاهل يقول لك (شو نوع موبايلك خيو ) فتجيبة باسم نوع فيبتسم و يقول لك انك انسان غير متحضر بالشكل التالي (انت واحد مو ملاحء الحضارة معلم انا معي ان 90 هاد الحضارة) فيا ترى هل هذة هية الحضارة الحقيقية و هل تلاحظون الانحدار الذي توصلنا اليه فنحن الان و للأسف نشوه صورة الحضارة ...... ربما هذا الكلام هراء او خرافات و لكنها للاسف الحقيقة
سلاحف النينجا

ASH 21/09/2007 05:04
اول شي اهلا و سهلا يا صاحبي

تاني شي ولله كلامك صح ميه الميه ... فعلا الحضاره عنى ماشيه بالعكس

فسحة أمل 21/09/2007 13:41
نووووورت أخوية ...... وأهلين فيك مخربش زميل..... على جدرانها......
لح رد عليك بلسان زعيم التحشيش الرائع زياد الرحباني مع شوية تعديلات ...........
لا تسأل بالنسبة لبكرة شو...... لأنو أكيد لح يكون شي فاشل ..... مدامو الشعب .... متل عادتو عنيد برخصة ...
والفلم الأمريكي الطويل تعرب ..... وصار أطول ....... وبكذا جزء...... والعقل بهل الأيام ما عاد زينة ..... صار بالتصنيف العربي طينة ....... وخليك عايش بفسحة أمل فرشها على قياسك...... وتصبح على وطن ....... دورها.....:D

ابو_الرحباني 22/09/2007 16:47
ولله يا اخي الكريم الفكرة انو نحنا شغلتنا متل ما قال المعلم زياد انو نخرب كل شي بهدف التعديل .....بس كمان فكر فيها ولله يا صاحبي لا انا ولا انت طالع بايدنا شي غير انو نئعد نتحسر على حالتنا و مستحيل هلشي يتغير لانو هيك الواقع فارض عيلنا يعني بلمختصر المفيد معك مليون بتسوى مليون و المشكلة انو يلي متلنا حتى النغلة ما بنسواها بئا حلها و مارح تنحل
سلاحف النينجا

mhmmad 22/09/2007 16:57
لك يا أبو الرحباني هلأ نحن عم نتقدم بس مو نحن فايتين بالحيط فنحن عم نتقدم بالحيط

ابو_الرحباني 22/09/2007 17:00
ولله يا شريك بدك صلحلك شغلة .. مو نحنا فايتين بالحيط نحنا ما دخلنا الحيط هوي يلي فايت فينا
سلاحف النينجا

فسحة أمل 22/09/2007 17:11
اقتباس:
كاتب النص الأصلي : ابو_الرحباني (مشاركة 759896)
ولله يا شريك بدك صلحلك شغلة .. مو نحنا فايتين بالحيط نحنا ما دخلنا الحيط هوي يلي فايت فينا
سلاحف النينجا
:o:o:o:o :da7ook::da7ook::da7ook::da7ook::da7ook::da7ook:


بربي انك قبضاي:gem:
ونهفة من نهفات هالزمن:nirvana:

تقبل مروري.....:D لا مو وردة بوكيه:mimo:

فسحة أمل 22/09/2007 17:14
اقتباس:
كاتب النص الأصلي : ابو_الرحباني (مشاركة 759872)
ولله يا اخي الكريم الفكرة انو نحنا شغلتنا متل ما قال المعلم زياد انو نخرب كل شي بهدف التعديل .....بس كمان فكر فيها ولله يا صاحبي لا انا ولا انت طالع بايدنا شي غير انو نئعد نتحسر على حالتنا و مستحيل هلشي يتغير لانو هيك الواقع فارض عيلنا يعني بلمختصر المفيد معك مليون بتسوى مليون و المشكلة انو يلي متلنا حتى النغلة ما بنسواها بئا حلها و مارح تنحل
سلاحف النينجا
تمام الحكي..... ما هوي الكل مطنش ..... والكل مسكر دينيه وعم يعيط ..... فشوف شو آخرتها......

سلام:D

ابو_الرحباني 22/09/2007 17:25
ولله عادي شريك و يسلمة علورد :lol: بس المهم شريك اخرتها مبينة متل اولها مسكرة مسكرة و ما رح تزبط ابدن
سلاحف النينجا

mhmmad 22/09/2007 17:30
شو هالحيط اللي ما شاف غيرنا حتى يفوت فيه

فسحة أمل 22/09/2007 17:32
اقتباس:
كاتب النص الأصلي : ابو_الرحباني (مشاركة 759948)
ولله عادي شريك و يسلمة علورد :lol: بس المهم شريك اخرتها مبينة متل اولها مسكرة مسكرة و ما رح تزبط ابدن
سلاحف النينجا
يا سيدي هيي اول 75 سنة صعبة بعدين بتهون ....
سلملي على عدنان ولينا من صوبك ......:lol:
سلام:D

ابو_الرحباني 22/09/2007 17:51
احلا شي بالموضوع انو بس الواحد ياكل الكم بياكلو و بيضل ساكت ههههههههههههههههههههههههه هه عرفت كيف بئا انسا بليرة و خود الكم ايزي

فسحة أمل 22/09/2007 17:55
أي أيزي ....... خليها لربك ...... إذا بس الكم أكلينو وساكتين .......بتكون قمة الحضارة.......
ذكرتني بنهاية رجل شجاع .......... :p
خليها ربك ...... طنش تعش تنتعش......

ابو_الرحباني 22/09/2007 18:07
ولله يا موعلم .... هل تعلم انو نحنا في شغلات ما حدا بينافسنا فيها ... معنا حزام اسود 12 دان بفن نشر الغسيل و خصوصي الغسيل الوسخ معنا حزام اسود 12 دان بفن طق البراغي اكبر برغي عنا ما بياكل ثواني لينطق بقا شو رئيك ... فنانين ما هيك .. ههههههههههههههههههههههههه ههههههههههههههه عوجة و بتضل عوجة
سلاحف النينجا


الساعة بإيدك هلق يا سيدي 02:43 (بحسب عمك غرينتش الكبير +3)

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.02574 seconds with 10 queries