|
اذا صارت .. شو رح نعمل ؟؟
بنحكي كتير عن حب الوطن وعن البطولات !!
وعن الماضي العتيد اللي ما صار متلو ..!! و الايام الخوالي .. هنا دعوة لنا جميعاً .. لنحكي عن الايام اللي - الجاية - لو فرضنا صارت حرب .. وهدا شي منتمنى انو ما يصير !! ما بعرف ليش !! بنرجع للفرضية .. اندلعت - ولعت - هبت - شنت - حرب .. عنا دول كتير رح تكون فيها ... وفيها صواريخ .. واسلحة ذكية .. وفراغية .. ومثلثات .. يعني مو تبع السيوف والخناجر .. .. نحنا كشباب هذا الوطن المعطاء .. ماذا سنعطي .. وكيف ..!! |
بخجل .. بتوّقع معظمنا رح يوقف موقف المتفرج .. لأكثر من سبب لسنا بصدد ذكرها .. !!
:D |
هلأ أنتو كشباب .....ما بعرف
بس أنا كختيار هون ...... أكيد رح يطلبوني عالاحتياط  |
اي يعني ما بدها حكي بندافع عن بلدنا بروحنا وبكل شي بنملكوا شو بدنا نساوي يعني لكن نرضي بذل
|
اقتباس:
|
ابو سمرا ك ختيار .. رح يطلبوه عالاحتياط ... ماشي الحال
وبروحنا وكل شي بنملكوه ... كيف ؟؟؟ هون مربط السمكة !!! كيف ؟؟ |
اقتباس:
اكيد الشباب رح يعملوا ع حالن لانو مناظر شبابنا مناظر خرافية التعبير واشبه بالمهرجين |
اقتباس:
|
دخلك يا خيي احنا هالاء اصلا بحرب شو عاملين؟؟؟؟؟؟؟؟؟؟؟؟ |
اقتباس:
و أغلب البيوت مسلحة.. و اللي ما بيعرف يحمل سلاح .. بيبقى بيساعد الجرحى .. ما بظن رح يضل واحد سوريا متفرج .. الكل بيقاتل .. و روحو على كفو |
اقتباس:
التقسيمة حلوة ومنطقية ... بس ...... مدري انا لجوج .. مدري انا غلطان ... حاسس في شي ناقص !!! :shock: صارلي فترة عم بهبس مع حالي .. بهالقصة .. انو الحرب بس جرحى وأسلحة !! في غير هيك يمكن !!!؟؟؟:shock::? |
اقتباس:
مو بس سلاح ودوا أحمر .. :Dوشكرا جدا جزيلا |
اقتباس:
هلق بالعراق مافيك تقول حالة حرب .. صارت مقاومة .. و بفلسطين نفس الشي .. بس ظن الحرب أنو هي القتال بين جيشين .. و الشعب رح يكون عـ جنب .. مثلاً لو صارت حرب بيننا و بين العراق .. الحرب رح تصير عـ الحدود أكتر شي .. و بالداخل .. و الساحل .. ما رح تكون الحياة كتير متغيرة عن حالة اللا حرب . . عرفت كيف ؟ |
اقتباس:
صديقي هلاء نحنا عايشين بحالة اللاحرب !!! شو عم نعمل ؟؟ اللي هي بنفس الوقت ... اللا سلم ؟؟ شو عم نعمل |
والله بدك الصراحة على فرض انو صارت حرب مع مين بدي اقاتل
بدي اروح عالجيش مشان ما اعرف وين الله حاططني اقعد واشرب متي ولا اروح مع الجماعات التكفيرية اللي مو حدا عرفان شو هدفهم ولوين بدهون يوصلوا بهالحالة افضل شي اعملو بمسك سلاحي وببرك عالسطوح وب..... بلعن اخت اللي بيقرب علي وعلى اهلي وعرضي اما بالنسبة للجيش فهنن اقوى من انو يحتاجوا واحد عسكري حقو كف الله ينصرنا ولا يذلنا ويقوي هالوطن على اعدائه |
اقتباس:
والشباب والصبايا اللي كمان رح يحاربو كمان كلامن صح ... اصدقائي اللي بدي نعرفه هوي مو بس الحرب .. والسلاح ... لأنو اذا طولت الحرب .. في شي رح يكون اهم .. شي اسمو ... " مقومات صمود " .. وهوي الدور المهم !!!! اديش بنعرف عن هادا الدور !!!؟؟؟ |
مقومات الصمود ؟
بظنّ سوريا ان دخلت بحرب - لا سمح الله - ، فـ هيي الاقدر على الصمود .. ليش؟ 1) متل ما سبق وقلتو ، هيي اساساً عايشة بهالحالة " حالة الصمود " - حتى مع عدم وجود الحرب المباشرة عليها- ، يعني كـ بداية فهيي محاصرة من جميع الجبهات ومع هيك صامدة ، عم يحاولو يديقو عليها وكل يوم بيخترعولك قصة ليدحشو سوريا بالنص ، وكمان .. بعدها باقية وصامدة .. بتخيّل انو لو دولة تانية محلها كانت راحت من زمان .. لانو مافي دولة " مقطوعة " عن العالم وعلاقاتها مع دول الجوار مش ولا بدّ ، وهنن بالمقابل ما بيتمنّولها الخير كل هالقدّ .. وما بالاخير رضخت واستسلمت .. او حتى قدّمت تنازلات - بسيطة او كبيرة - لـ تنحل القصة ويلفلفوها .. 2) سوريا ولفترة منيحة كان اعتمادها الاقتصادي ذاتي ع حالها - تقريباً - ... فـ يعني ترجع مرة تانية لحالها ، فالقصة على صعوبتها ، بس بتضلّ مانها بالشغلة المستحيلة عليها .. 3) ما بظن علاقتها مع ايران عم تقوّيها من فراغ ! ولو ما الشغلة بالنهاية دين ووفى ، فأكيد مالها مصلحة من انو توقف جنبها ... |
والله وئتها لما اكون فى حرب ما اظن اكون هونيك ..يعنى اكيد متل العاده متغربه على بلدى يعنى ما بيطلع بيدى الا الدعاء ...
اما اذا كنت هونيك كان فيها ومافيها..يعنى كنت حاولت بشتى الطرء اساعد بلدى بكل شى |
| الساعة بإيدك هلق يا سيدي 20:21 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون