بلد العاهات
 

بلد العاهات


مغترب: ( كلنا شركاء ) 19/2/2006

لأول مرة تقريباً في تاريخ البشرية تجد أن الشاب يفرح بوجود عاهة في جسده.
نعم إنه يفرح!
أتعرف لماذا؟
لأنه يمكن أن يدفع بدل العسكرية.
في بلدي الحبيب وبعد سنوات طويلة من الدراسة المستميتة للحصول على تلك الكرتونة (كما يسميها أحد الدكاترة), وبعد الصراع المرير مع الدكاترة ومع الزمن المتسارع,بعد كل هذا يخرج الشاب ليجد نفسه في صراع من أجل البقاء بعد أن كان في صراع من أجل الكرتونة.
لقد حصل على الكرتونة ولكن يا إلهي!!! هناك سنوات أخرى من العذاب!
سنوات العسكرية!!!!
وفي يوم من الأيام صدر قرار دفع البدل لمن سجل على دفتر عسكريته خدمات ثابتة.
وهنا بدأ الصراع, صراع من أجل الحصول الخدمات الثابتة.
وهنا تأتي المفارقة.
كيف أحصل على خدمات ثابتة؟
يا ريت كان فيني شي عاهة تؤهلني للحصول على الخدمات الثابتة.
نيالو رفيقي, طلعلوا خدمات ثابتة لأن معو ضعف شديد بنظره.
نيالو رفيقي التاني لأن معو خلع بكتفو.
لكن شفت فلان الله يصلحو, لعمى شو حظاتو قلال, ليش؟
لأنو راح عمل عملية ليزر لعيونوا وصحح الضعف.
له له....الله يصلحو على هالعملة,,,روّح من إيدو فرصة العمر....
يلا.... نصيبو.....
يا ريتك يا أمي جبتيني معي شي عاهة.
يا ريتك يا أبي ما جبت غير ولد وحيد.
يا ريتني ما كنت سوري.............
أنا سوري آه يا نيالي.

:shock: :shock: :shock: :shock:

انا مرشح ما بياخدوني عالجيش

انا مدعوم ما بياخدوني:lol:

لا مو هون الشغلة ..
الحلاوة كمان انو الواحد صاير عبفرح لما عبكون وحيد (يعني مافي غير ولد بالعيلة وباقي اخواتو بنات او لما بكون مافي غيرو بالعيلة ) :lol:

يعني اللي بكون وحيد
بجاكر اللي مالو وحيد انو مابروح ع الجيش ..

أنا بصفتي الوحيد هون يللي خادم عسكرية
بحب قلكون أنو هالتجربة مانها بهاسوء يللي عم تصوروه
بالعكس .... تجربة كتير مهمة بحياة الشاب
يللي حالياً عم يقضي كل مراحل عمرو بين الكتب و الكمبيوتر
و يمكن أعنف رياضة عم يمارسها هلأ هي الكونترا أو الفيفا 2007

بصراحة فترة الجيش كانت من أهم مراحل حياتي ....يمكن كان فيها صعوبة ببعض الفترات
بس كانت ايجابياتها أكتر بكتير
بيكفي أنو صار عندي أخ بكل مدينة بسوريا
و تعرفت على ناس ....و على مناطق ما كنت متوقع بحياتي اتعرف عليهون
و لو رجع الزمن هلأ و خيروني بين الاعفاء ( مو البدل بس ) أو الخدمة .....رح اختار الخدمة




بقى هالموضوع من أساسو .....عيب

ليش كل الناس خدمت متل ماخدمت انت
:larg::larg::larg:


بعدين ع فكرة انا مع فكرة العسكرية يعني ومالي ضدا هه
للتنييه فقط ..

وخاصة اذا كانت متل عسكريتك :p

لا جد ...... أنا شايف أنو خدمة العلم ضرورية للشباب
و عيب الواحد يتهرب منها

اكيد رفيق اب سمرا
اكيد ..

والله ما بعرف شو بدي قول يا صديقي ...
لما تكون عاسس 5 سنين ...بجامعه علميه ..
بتتخرج من هون ...بيشحطوك سنيتين ...حياتك الاجتماعيه ..و معارفك ...بتصير صفر ..
اللي تعلمتو بالجامعه بيصير صفر ...الدراسة بتنساها ...بيورجوك ذل ما بتشوفو برى ..و لا حدا يقللي هادا حكي مو صحيح ..لأنو شايف بعيني ..و قاعد مع طبيب شرعي بالجيش ...لذلك لا حدا يقللي هادا حكي من فوق الاساطيح ...
و دخلك على شو ضروريه حرق سنتين من عمرك ...؟؟
يعني والله ما بعرف ...حدا هيك بينبسط على سنتين راحو من عمرو ...!!! ؟؟

ع فكره انا عمناقش نقاش ...عبستوضح مو اكتر ...يعني انا مالي عم تفه او احتقر فكرتك ,,,لأ ابدا ..:D

طبعا هاد الحكي مزبوط ..هاد من اسس الخدمه كرمال كسر نفسيه المكلف

ما بس معارفك حليب امك اللي رضعتو

هون انت و حظك بجوز تنبسط متل مادماكس يكون حظك حلو

واذا كان حظك متل حظي مانيالك

هههههههههههههه ...حلوه هي ...
بس ابو شريك ..و حياة عيونك ..ما رح جرب حظي ..الله وكيلك ...انا بتخرج من هون ....ولا لا ..مالي مستني ...قبل التخرج رح اسعى بشي سفره ...انشالله على موزامبيق ...انشالله على نيكاراجوا ...
بس ما رح ضل ببلد العاهات ...

:o بئااا الكونتر عم تعتبرها رياضة مو عنيفة ....

بيكفي النطة على الكابي بالأيطالي كتير بتخوف :o

:p:p:p أنااااا خدمات ثابتة سوري منك ..

بس لو لزم الموضوع بصير هوستج ..:lol:


مية فلة عمو ...:sosweet:

مرحبا:D

اول شي بدي أكد على كل كلمة حكاها مادماكس :سوريا:
وبدي ضيف وقلك انك اذا سافرت او (هربت) قبل ماتخدم جيش، رح يكون عذابك بالغربة مضاعف ،وما ماحدا رح يحس قديش كلامي صحيح الا اللي خادم جيش ومجرب
وبغض النظر عن كل مساويء الخدمة، بيكفي انها بتعلمك تعتمد على نفسك بكل شي، ولما بيقولو انو العسكرية بتعملك رجل لازم تصدق هالكلام
الواحد منا مابيصدق ايمتى يهرب من البلد مشان مايخدم بالجيش، بس لما بيصير برا، وبيصير يبكي دم لأنو مشتاق لأهلو ورفقاتو وبلدو، بس مو قدران ينزل بسبب الجيش،وبيصير يبكي متل الطفل لما بيمر بأول مشكلة ومابيعرف كيف يحلها لأنو ما تعود يعتمد على حاله، ساعتها بيعض اصابعه ندم
ومو صحيح ابدا انو اللي بيخدم عسكرية بيضيع من عمرو سنتين، بالعكس تماما،
روح اسأل وشوف كم شخص بيقدم البكالوريا وهو عسكري وبينجح وبيطلع من الجيش عالجامعة، برأيك هي مو فائدة؟؟ وهذا مثال واحد من امثلة كتيرة
انامعك انو بس خلال الدورة 6 شهور، مارح تقدر تعمل فيهن شي،لأنك بتكون عم تتدرب على أشياء كتيرة، بس بعد هيك، رح تلاقي عندك وقت فراغ طويل، ماحدا بيمنعك تعمل فيه شومابدك، (طبعا اذا انت عندك استعداد تستفيد من الوقت)
من خلال تجربتي في الجيش، (وللعلم خدمت سنتين ونص في جبل الشيخ، وما ادراك ما جبل الشيخ) تعلمت كيف استغل وقت الفراغ بأمور كتيرة تتعلق باختصاصي وعملي في الحياة المدنية، عدا عن ان الجيش بيعلمك الصبر والتعامل مع المشاكل بحكمة، و بيعلمك تتعامل مع نوعيات كتيرة ومختلفة من الاشخاص، منها الجيد ومنها السيء، وبتمر بتجارب لايمكن تمر فيها بالحياة العادية.
بقى حاول تنظر لهالموضوع من خلال ايجابياته اكتر من سلبياته، وصدقني انك رح تستفيد
والي رجعة
:سوريا::سوريا:

لما بيناديك وطنك .... بتتمنى يكون عندك عاه !!! كيف زابطه معك ما بعرف ....

تخيل صار حرب شو موقفك قلي .......

موقفك عاه :frown:

يمكن الخدمه صعبه ب بلدك بس هيك الدنيا شو بدك تعمل .....

بس صدقني احلا شي بالدنيا انك تخدم بلدك ... بعرف انو بلدك ما عم يخدمك بالمره .... بس حميد ربك نحنا عرب !!

والله متل ما قالوا الشباب العسكرية مهمة و خدمة وطنية...
و لما أي شب رح يحاول يسافر او بمعنى أصح يهرب فلازم يكون مستعد لسنين رح تكون اقسى بكتير من خدمة
العلم لمدة سنتين بس...
انا بغالطك الرايي لانو صحيح خدمة العلم قاسية على الشب و ممكن اضوعلو سنتين من عمرو لكن الاكيد انو ممكن بهل السنتين بلدو تكون بحاجة ألو اكتر ما هو بحاجة للراحة ببلاد الغربة!!


:D