حوار هادئ مع ملحد .. اذا بتقدر تفضل نتحاور !!
 

مرحبا يا جماعة
بحب أعرفكم على حالي .. أنا عضو جديد اسمي ( google ) .. حلو ؟؟
حاليا مقيم خارج سورية .. وعبدرس هندسة كهرباءية .. سمعت كتييييير عن منتداكن من عدة أشخاص .. طبعا ناس مدحت وناس .. :confo: .. لذلك أنا حبيت أدخل واطرح موضوع لحوار هادئ خفيف نضيف مع شخص ملحد .. اي شخص مو مهم سوري أو أمريكي أو ..او ..
الحوار رح يبدا بأسئلة معروفة للجميع ..
من هو الله بنظر الملحد ؟
ما هي فلسفة الخلق من وجهة نظر الملحد ؟؟

يعني بالمشرمحي .. نحن منين جينا .. ولوين رايحين .. ومن هالشغلات يعني

طبعا هادا كبداية .. وبرجع بزكركن ..انا بطلب حوار هادئ بعيد عن التجريح .. كما في ( بعض ) الحوارات السابقة في المنتدى اللي شفتها قبل شوي ..

مين بحب يبدا .. ميت أهلا وسهلا .. يجاوبلي على هالأسئلة .. وخلينا نتناقش بالأجوبة .. مني كلمة .. ومنك كلمة .. يمكن بالنهاية نقدر نفهم شلون كل واحد منا بفكر ... ونطلع بنتيجة تخلينا نستفيد ونفيد ..

صديقكم الجديد / google

يا ميت اهلا وسهلا حبيب نورت المنتدى
وموق بدراستك :D
ومشكور على حوارك الحلو :D

شكرا goodheart وبانتظار الردود على أسئلتي عزيزي ...

مرحبا حبيب ...
الله وكيلك صرلي أكتر من تلت ساعة عمبكتب جواب ... ما شفت غير طلعلي رسالة خطأ بالمتصفح و إنمحا كلشي ...
بيجوز لأني كاتب شوية شغلات عكس الله شايف الله شو كبير ...
اى كلن .. هلأ بحاول إكتب نفس الشغلات مرة تاني .. مع إنو هلأ أنا بحالة إحباط بعد ما إنمحا كلشي أول مرة ... :cry:
و لنشوف ... يا أما بترك الجواب لبكرا ...
بس أنا متشوق للنقاش معك ..

اهلين اخي
بس انا ما بغدر جاوبك الني مسيحي مؤمن ومش ملحد والسؤال مش موجه الي حبيب واهلين فيك معنا مره تانيه

في موضوع بالمنتدى ممكن انو يجيب على كتير من اسئلتك

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

:D

saeed عزيزي
انا حابب أسمع منك كمان .. انا دخلت على موضوع ( من فلسفة الالحاد ) ويمكن لاحظت معي انو الحوار اتجه نحو التهجم والتجريح وفلان مسيحي والآخر مسلم ... وهذاك ملحد ... وكل واحد بيدافع عن وجهة نظرو .. انا معكن انو كل واحد بدافع عن وجهة نظره بس المفروض نتحاور بأدلة .. منطق .. فكر .. وحجة .. وأهم شي الدليل أو الحجة ..
عندك جواب معناها بتعطيني دليل على كلامك ... سواء كان من المنطق أو الدين أو أي مصدر منطقي لنتحاور فيه

طبعا الدعوة مفتوحة للجميع .. ولكن أحب أن أسمع وجهة نظر الملحدين بالنسبة لهالموضوع

وشكرا سلفا