|
عيون و رماد
كنت عم شوف هلأ اعلان لمسلسل مصري جديد اسمو عيون و رماد ...... بطولة أيمن زيدان بصراحة لما شفت مقاطع من المسلسل و شفت أيمن زيدان عم يحكي باللهجة المصرية .... ما قدرت غير اضحك هلأ يمكن البعض من الجمهور المصري ( يللي ما بيعرفوا أيمن زيدان ) يتقبلوه بهالدور بس يللي متعود عليه باللهجة الشامية ( يللي كلها رجولة ) ما بظن كتير رح ينبلع معو بهاللون الجديد و يللي بيذكر مفيد الوحش و لا أسامة و لا ...و لا ..... ما بظن رح يعبي راسو هيك دور و السؤال يللي بحب اسألو : شو يللي بيطلبو الممثل السوري .....و ما قدر يحصل عليه بالدراما السورية ..؟؟ |
خي شي اكيد أن برئي المصاري و الإحترام من شركات الإنتاج
و اثبات المقدرة و هوي احسن من (جمال سليمان) مثلا |
اقتباس:
يعني بسوريا كانت ميزانية العمل كلها بايدو أما اذا الشغلة بينو و بين جمال سليمان ........ فينحرقوا هني التنين :frown: لأنو ماني شايف انهون عم يزيدوا شي على رصيدهون الفني و الأعمال يللي كانوا يعملوها بسوريا ...كانت أرقى بكتير |
هلأ سؤال لاحزت انوو كتيييير من الممثلين السوريين عم بيياخدو ادوار رئيسيه بمسلسلات مصريه متل جمال سليمان وتيم حسن وايمن زيدان مع انو لو عملو بالسوري بكون احلى لانو بصراحه ما بحب المسلسلات المصريه مو بقوة السوريه
|
بس لازم ثبتوا انفسهم باكتر من مطرح وخاصة بالزحمة الفنية اللي صايرة هلآ والله الواحد صار
ما يعرف اسامي الممثلين من كثرهم |
[=Madmax;
شو يللي بيطلبو الممثل السوري .....و ما قدر يحصل عليه بالدراما السورية ..؟؟ الممثل السوري يحلم دومابالسينما لذلك توجه الى مصر بركي بيدحشو بشي فلم وبتنأش معو .......بما انو مصر عاصمة السينما ........ولكن مع ذلك مصر تشن هجمة عنيفة على الفنانين في سورية وكأن الفن اصبح حكرا للمصريين؟يعني متل ابن الفلاح يلي بينزل عل شام ليدرس بالجامعة ابن الشام بينظرلو نظرة الازدراء والفوقية وهذا حقيقة لا يمكن نكرانها بالكلام اللطيف وهذا تماما ما حل بالفنان السوري....والكارثة ان لا يتقن الفنان السوري اللهجة المصرية كما نرى في الاعمال السورية يكون المسلسل شامي واذا بلهجة الفنان ساحلية يعني بصراحة شي بيضرب على العصب ...عزيزي مدماكس:الموضوع مهم جدا وخصوصا ان تيم حسن السنة يقوم بدور الملك فاروق وهذه شخصية تعني لمصر تاريخ بحد ذاته والكارثة ان لا يتقن تيم الدور واللهجة عندها يا ويلو ويا سواد ليلو من المصريين حتى وان اتقن الدور واللهجة سوف ينتقدونه اليس كذلك؟؟؟؟؟؟؟؟؟؟؟ |
يا عمي الزلمة هاد عمل دورين خرافيات ما بلبقلو غيرهم بمسلسل "نهاية رجل شجاع" و "اخوة التراب"
هوووووووووون كانت بالفعل معمولات لأيمن زيدان .. بس لما دخل بالكوميديا زيادة .. يعني لحد "يوميات مدير عام" كان رائع وبعدين بدا التخبيص عموما أنا بعتبر انو أيمن زيدان راحت أيام عزّو ونازل من سيء لأسوأ |
جمال سليمان لما عمل المسلسل المصرى اتحب جدا يمكن فى ناس اعترضوا وهاجموا شوى بس كانوا نقاد بس كشعب وناس عاديين حبوه جدا جدا وماحدا اعترض عليه جومانه حبيتها بس بعد كدة لما اخدت ادور مش حلوة ما بقيت بطيقها صراحة
يعنى مش مشكلة انه يكون فى اشتراك بين الممثلين بس تكون ادوار لايقه عليهم بذكر مسلسل الطارق كان شىء اكتر من رائع وعمل قيم وفى مجموعه من الممثلين من بلاد كتير كلهم كانوا رائعين |
عن جد معك حق ... انو الممثليين السوريين كلهم عم يدورو
او عم يبحبشو على اشيا ال يععني رح توصلهم للعالميه اكتر نهار جمال سليمان بدور صعيدي وعن جد ما لبقلو على قد ما كان بالدراما السوريه جذاب وبياخد العقل .. وهلا ايمن زيدان .. وبعدين بتصير موضه ... :D |
عالجهنم ان شاالله يحكو كردي أنا شو هاممني...
كانو إلون أيامن هدول الممثلين..انتهى دورن وإجا دور غيرن |
اقتباس:
2-مزبوط بس إذا الجنان ضرب و بدون يطلعو على مصر شو فيك تحكي يا خي ---------------------------------- على الهامش ليش المصريين ما بيمثلو بالدراما السورية و ليش السوريين ما بيمثلو بيلهجتون :D |
جمال سليمان يقرر الإقامة الدائمة مع عائلته في القاهرة
قرر الممثل السوري جمال سليمان الإقامة الدائمة في مصر، بعد شرائه شقة سكنية في منطقة المعادي بالقاهرة. مشيراً إلى أن خطوته جاءت بسبب العروض الدرامية في السينما والتلفزيون التي تنهال عليه، عقب نجاحه في أداء شخصية «أبو الدهب» في مسلسل «حدائق الشيطان» الذي عرض في شهر رمضان الماضي.
وأوضح سليمان أن عائلته ستنتقل من دمشق للعيش معه لأنه سيمضي الوقت الأطول في القاهرة العام المقبل إثر تعاقده على بطولة فيلمين سينمائيين أحدهما مع المخرج خالد يوسف. اخبار مونتريال |
اقتباس:
ازا اللغة الانجليزية بدخّلو عليها لهجتهم وهي "لغة" مختلفة :shock: |
اقتباس:
|
طيب انه ليه متقبلين ان المطربين يغنوا باكثر من لهجة وخاصة اللهجة المصرية
يعنى انا بشوفها هى هى مش فارقة كتير |
| الساعة بإيدك هلق يا سيدي 16:07 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون