|
المال..و السعادة..
مرحبا..
بدي وجه سؤال بظن أنو كل شخص فينا لازم يعرف شو جوابو عليه.. هداك النهار كنت قاعد مع 2 من رفقاتي و انفتح الموضوع و اكتشفت أنون مقتنعين أنو المصاري هي الهدف الأوحد و اللي معو مصاري بيقدر يشتري السعادة.. فشو رأيكن ..هل المال هو كل شي بالحياة و لا في شي أهم؟؟ |
المال وسيلة وليس غاية!! وحتى لو امتلكت وسيلة المال فما رح تكفي هالوسيلة لحالها لحتى تعيش بسعادة!! لانو السعادة مش قصور ولا سيارات! ياما ناس اغنياء ومعهن اموال بينما من جوة محطمين وحياتهن مدمرة..بصراحة انا بشعر انو كترة المال فيها مضرة لانها بتلهي الانسان وبتجرو لاشيا غلط (طالما بقدر يجيب بالمصاري شو ما بدو)..
السعادة شعور عميق سامي صعب الانسان يوصفه !! يعني ممكن تعيش حياتك كلها وما تشعر بالسعادة غير للحظة او تنتين!! او بضعة ايام! في كتير تعريفات للسعادة وفي ناس بشوفوا انو السعادة هي الحب وناس بشوفوا انو السعادة هي القناعة والرضا وناس بشوفوا انو السعادة هو الايمان والقرب من الله.. كل انسان عندو رأي يختلف عن الاخر وتعبير مختلف عن السعادة! بس الشي اللي انا متاكدة منو منيح انو السعادة لا تباع ولا تشترى ! وشكرا عالموضوع الحلو :D |
المال وسيلة لتحقيق السعادة بس عمرو ما كان اساس للسعادة والدليل الناس اللي معها ملايين وتعبانة انا برأيي شوية حب على حبتين قناعة بيكفوا للسعادة
|
ما حدا بيقدر يشتري السعادة
لانها شعور جواتنا المال زينة و بيخلي الانسان يفرح جد لانو بلبيلو كلشي بس مش دايما المال بيكون كلشي بالدنيا السعادة فيها تجي من دون المال و ما في شي بيشتري القلب المال جزء من السعادة مش كلها.. يسلمو :D |
كلامك رائع اخت مروة وعجبنى كتير صحيح المال وسيلة ومش غاية لكن انا بشوف ان القناعة اللى انتى مؤمنة بيها دى بتختلف حسب سيكولوجيا الافراد يعنى فى ناس اتربوا واتاصل فيهم مبدأ ان المال كل شئ وناس اتربوا على ان المال شئ ع الهامش , واضح انك اتربيتى على الاسلوب الاول , احسن تربية
|
السعادة لما بتكون مقتنع وراضي بالحياة يلي انت عايشها سواء اكان معك مصاري او لا
ولكن بشكل عام الانسان بحب التملك والعيش برفاهية وبظن انو هي هية السعادة وهاد الاعتقاد خاطىء100% |
والله أنا من ناحيتي بشوف المال وسيلة وغاية بحد ذاتو أنا متأكد انو كتير رح يزعلوا مني أو رح يحطوا خط احمر تحت كلامي بس هاد واقعنا يعني كل حياتنا غايتها ووسيلتها المال المال صار هدف لغالب الناس بس المهم انو أساليب كسب المال تكون شريفة هاد المهم بالنسبة الي ومن ناحية السعادة فانا بظن انو الشخص اذا كان سعيد فالمال بيزيد سعادتو واذا كان تعيس فالمال ممكن يخفف عنو شوي من تعاستو والمال مو شرط للسعادة فمتل ما حكوا الاخوة قبلي يا ما ناس أغنياء كانو تعيسين بحياتهون وبالمقابل يا ما ناس فقراء كانو سعيدين ومرتاحين تحياتي :larg: |
اقتباس:
|
اقتباس:
|
اقتباس:
وأنا ما حطيت خط أحمر تحت كلماتك لأنتقدك لألألأ منشان أشرلك عل الحكي المنطقي بس :D |
اكيد لأ المال ما بيشتري السعادة
بس اذا عرفنا كيف نستغل المال بطريقة ناجحة و جيدة ممكن المال يوصلنا للسعادة يعني المال هو وسيلة ساعة بتربحنا و ساعة بتخسرنا :Dشكرا عالموضوع |
المال شرط لازم وغير كافي
|
المال ما بجيب الصحة
بس انا برايي المال بجيب السعادة لانو تعاسة كتير من الناس بيكون سببها المال و الشغلة نسبية يعني وئت يكون 88 من الناس سعادتون مبنية على المال وفي فرء بين التفكير من شخص لتاني يعني في ناس بتفكر انو السعادة بتتصنع و في ناس بتؤل انو السعادة موجودة يسلمو علموضوع الحلو:D |
والله شوف لأحكيلك
ولا أحكيلك لتشوووووووووووووووف هو المال ضروري بكتيييييييييييييييييييير شغلات بس المال برأيي نقمة وليس نعمة لانو يلي عندو مال بيضل بالو مشغول علي اما يلي متل حالاتي منتوف وع النجلة بالو فاضي راضي ماعندو شي يخاف عليه وفي كتيييييييييييير ناس اغنياء ما بيقدرو يفوتو لقمة الفول لمعدتهم والحمد لله على الصحة والعافية |
عندي وجهة نظر بسيطة هلأ اكيد المصاري بتلعب دور بالسعادة
يعني في معادلة ليست عكسية وبرأيي فيها صحة منطقية هي كلآتي مثلا زواج + تفليس = فشل بس الاكيد انو موشرط مصاري + زواج = سعادة هاد مثال بسيط ان شالله تكونو فهمتو وجهة نظري البسيطة ومتل ماقالو الشباب الصحة اهم من كل شي وفي حكمة بسيطة بتقول بما معناه : لاتستغرب من المرض بل استغرب من الصحة |
اقتباس:
ســــــــــــــــــــــــ ـــــــــــــــــــــــــ ــــــــــييريتل |
لاء عمي لاء
شو معك وما معك خليني لحالي الله يخليك :D |
طيب انت بطريق وأنا بطريق
هيك تمام ؟. :frown: :D |
| الساعة بإيدك هلق يا سيدي 06:10 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون