سفينة أميركية بـ 12 مليار دولار إلى السعودية
 

واشنطن ـ محمد سعيد
لفت رئيس وكالة مبيعات الأسلحة في وزارة الدفاع الأميركية (البنتاغون) الجنرال جفري كوهلر إلى أنّ صفقة الأسلحة المقترحة للسعودية، التي قد تصل قيمتها إلى نحو 20 مليار دولار، ستؤدّي إلى تحديث قدرات القوّات الجوية السعودية وتوفير سفن جديدة للأسطول البحري السعودي حيث ستشمل الصفقة سفينة حربية مقاتلة تبلغ قيمتها 12 مليار دولار.
وأوضح كوهلر أنّ السعودييين «مهتمون جداً» بالسفينة الحربية «ليتورال» التي يمكن لها العمل قرب السواحل، وقد تمّ تصميمها لسلاح البحرية الأميركية، ويقوم بإنتاجها طاقم مشترك من شركتي صناعة الأسلحة الأميركية «لوكهيد مارتن» و«جنرال ديناميكس»، مشيراً إلى أنّ الصفقة تشمل أيضاً قنابل «ذكيّة» موجّهة بالأقمار الاصطناعية تنتجها شركة «بوينغ» الأميركية، ستكون «عامل ردع» لأيّ عمل عسكري إيراني، حيث إنّها «متناهية الدقّة في التصويب على إحدى نوافذ مبنى من إحدى الطائرات وفي أيّ ظرف مناخي».
وكانت وزيرة الخارجيّة الأميركيّة كوندوليزا رايس قد كشفت عن صفقة الأسلحة للمرّة الأولى رسمياً في أواخر تمّوز الماضي، عشيّة جولتها في الشرق الأوسط التي شملت في مطلع آب الماضي السعودية ومصر وفلسطين المحتلّة.
والصفقة التي ستحظى السعوديّة بحصّة الأسد منها، وقّعت أيضاً مع الإمارات وسلطنة عمان وقطر والبحرين، وستوفّر «تمتين القدرات الدفاعيّة لشركائنا من خلال رزمة تكنولوجيا عسكريّة لتأمين السلام في الخليج العربي»، على حدّ تعبير رايس.
وشدّد كوهلر على أنّ الصفقة تحتاج إلى موافقة الكونغرس الأميركي، حيث ينتظر أن تواجه معارضة شديدة، بعدما كان 114 عضواً في مجلس النوّاب من الحزبين الديموقراطي والجمهوري، قد وجّهوا رسالة إلى الرئيس الأميركي جورج بوش عارضوا فيها بيع الأسلحة المتطورة إلى الرياض، مؤكّدين أنّهم سيصوّتون ضدّ إبرام الصفقة، بسبب ما وصفوه بأنّه «الدور غير البنّاء» للسعودية في القضية الفلسطينية لرعايتها اتفاق مكة بين حركتي «فتح» و«حماس»،. كذلك اتّهم النوّاب، الذين لفتو إلى أنّ الصفقة عموماً ستؤدّي إلى عدم الاستقرار في المنطقة، الرياض بتمويل أنشطة المقاومة في العراق ومناطق أخرى من العالم، معتبرين أن السعودية لا تمثل «حليفاً حقيقياً» في «الحرب على الإرهاب» أو تعزيز مصالح واشنطن في المنطقة.
وطبقاً لقانون الحدّ من تصدير السلاح الصادر في عام 1976، هدّد النواب المعارضون للصفقة بإيقافها إذا عرضت على الكونغرس، المتوقّع في الخريف المقبل، وانتقدوا إصرار السعودية على شروط مسبقة للالتقاء مع الإسرائيليين، كما ادعوا أنّها لا تريد القيام بمزيد من الجهود لمنع عبور سعوديين إلى العراق.

شي بيضحّك يا جماعة ...

أنّو صفقة أسلحة حربيّة لكذا و كذا و كذا و كذا .... بالأخير هههههههههه لتأمين السلام :lol:

سذاجة سذاجة و العياذ بالله

رزق الهبل ع الجدبان :lol:

بدها حلم الله:lol:

هي لاسر عسكري ولاشي
بس السعودين بدون يفتحو مطعم كبسة بالكاري ومالقو مطرح عالبحر فاستاجروا هالشختورة وبكرا بس الامركان بدنياها بيرجعو بياخدوها...الله يرحم ربك يابو وديع ,سلف ودين...بس هالمرة بلادين؟

....ملعوبة .......وقديمة .......بدون ...يعطوا كم سلاح ....لهلعرب ...ويخلوهون يتناقروا بين بعضون ...
وبس ...يخلصوا ...بيطبوا الأميركان ...عليهون ...وبيشفطوا النفطات تبعونون .....مو معروفة يعني :pos:

وفي مثل ...يمكن مو مصرح لألي ...قولوا ...بس بدي ...قولوا ...يعني يمكن مو كتير عالم بتعرفوا ..قللي اياه جدي الله يرحموا
والمثل هوي ...
اتدحرج الشخاخ .... لعند الخرى وقللوا مرحبا يا ابن عمي ....
يعني ..المغزى ...انو ...اللي متلي تعا لعندي ...
ألأميركان ..دوروا على شي دولة عربية ....غبية ...ومو همها ...غير البزخ ومظاهر الترف ...
وعطوهون ...شوية امتيازات ...بعد ما اتضحكوا عليهون ...
وبعدين ...بيعملوا اللي بدون اياه ,,,,
يعني لولا السعودية ..مانا متل أمريكا ...ما بتجي أمريكا ..لعندا ..وبتقللا مرحبا
برأيكون ..دولة عظمى متل أمريكا ...شو بدها ..بكسب رضا دولة عربية ..متل السعودية ..اللي ما بتجي قد ولاية أمريكية ...لو ما في مصالح بالموضوع :jakoush:

تفكير سليم! ولذلك لازم نحنا العرب نحاول انو نتوحد وما يكون في بيناتنا طائفية (عالاقل كل دولة تهتم انو شعبها ما تكون فيو طائفية) لانو سبب وقوعنا في كل هالمشاكل والازمات هو انو نحنا شعب راسو يابس كل واحد بكون معند على رايو وفكرتو حتى لو انها غلط ..وبتلاقي كل واحد متعصب لدينو او حتى لالحادو ومش مستعد يسمع التاني او يتقبلو!! والمشكلة الاساسية بين العربي-العربي و الغربي- العربي ان كل واحد فيهن بكون مفكر حالو ثقافتو احسن ودينو احسن وتفكيره احسن واللي قبالو اكيد متخلف واهبل!! متناسيين انو في شي بالعالم اسمو *تعايش* وفي شي اسمو *الاختلاف لا يفسد للود قضية*!
الله بعين :pos:

شو قصتك انتي بالذات عم تدافعي عن السعودية وكأنها قلب العروبة النابض أو الأم الحنون للعرب :x !!
لكن ياعمي اللي ايدو بالمي مو متل اللي ايدو بالنار ... تعي عالسعودية جربيلك شهر واحد بسسسسسسسسسس وبراهنك رهن وبحلق شواربي اذا مابتكرهي وبتلعني الساعة اللي اجيتي فيها على هالبلد المنحوس بكل معنى الكلمة ... والذي لايوجد به اي نوع من انواع حقوق الانسان ... هلق بدي اسئلك اذا واحد من عرب 48 عندكم كان مريض وعم يموت وراح على مستشفى اسرائيلي بيستقبلوه بالمشفى ولا لأ !!
أنا بقول اكيد بيستقبلوه لأنهم راح يحطوا الاعتبارات الانسانية بهالحالة بينما بالسعودية بتطلع روحك على باب المشفى وماراح يعالجوكي ... الا اذا رحتي على مشفى خاص وماادراكي مالمشفى الخاص اقل شي بدها تكلفك 1500 دولار لأبسط عملية .... انا عطيتك مثال واحد بسسسس وهدا غيض من فيض بتحبي اعطيكي امثلة تانية ماعندي مانع بس 10 صفحات ماراح تكفي
لك انا صاحبي سعودي عندو مرارة مارضيو يعالجوه بالمشفى الحكومي الا بعد ماجاب واسطة تقيلة وتحت اشراف جمعية اصدقاء المرضى الخيرية اللي دفعتلو تكاليف العملية !!

لعلمك لايوجد روابط بين السعودية وسوريا غير الرابط الاقتصادي بسسسسسسسسسسسس
غير هيك مافي اي رابط يربطني انا كسوري باي شخص سعودي واللغة عندي لاتعتبر رابط

سلام

غنية غبية العرب كلهن اغبيا!! والدليل انو بعد في انظمة ديكتاتورية مستبدة! وانو المثقفين واللي عندن نتفة عئل اغلبهن هاجروا هالبلاد العربية! so متل ما اولت وبرجع بئول كلنا في ذات الخندق!!!
يا اخي اوكي ما بدكو تئولوا انكو بتنتموا للعرب اوكي على راحتكو! بس انا اللي لاحظتو انكو كتير حاقدين عالسعوديين (بتزكروني بالمشاعر المتبادلة بين الفلسطينية والاردنية :pos:) هلأ رح كون صريحة معكو في حياتي كلها لم اقابل انسان عربي (مية بالمية) هههه كل اللي بعرفهن هني بس من عرب ال 48 :lol: so ما فيي اعرف مين احسن من التاني بس بشكل عام انسان عربي عاش باسرائيل ما بتفرق عندو الجنسيات العربية المختلفة! يعني عرب ال 48 عندهن نوعا ما نظرة تكبر (مش كلهن) بس بصراحة يعني الكل هون بال 48 بشوف انو الدول العربية (بدون استثناء) فيها تاخر وتخلف! و على فكرة التخلف مش بس تشدد التخلف هو كمان نظام الحكم بالوراثة ;) يعني الحكم الديكتاتوري بالدولة ما بقل تخلفا عن تشدد المتدينين!!

ليك عشان ما تفهمني غلط او اي حدا يفسرني غلط انا ما عندي مشكلة بالتدين بالعكس التدين احسن شي بالعالم! لكن انا ضد التطرف والتشدد! يعني في فرق شاسع بين شيوخ الخليج وشيوخ الغرب خدلك على سبيل المتال الشيخ البريطاني حمزة يوسف او خد المغني السابق يوسف اسلام! هدو متلا بمثلوا الاسلام الصحيح بينما الخليج والسعودية خاصة عم بشوهوا الاسلام!
اما التفكير اللي بختلف من عربي الى اخر فا نوعا ما معك حىء بهالنقطة في فروقات بس كمان بلاش نكون كتير متيبسين ومتحجرين ونصّر انو نحنا بس صح والبائي غلط لانو ساعتها منصير متل المتشددين اللي بشوفوا انو هني بس صح وبالتالي منصير متخلفين متلهن!

معك حق اخر سؤال لازم نسالو للانسان هو شو دينك!
بس بحب ازكرك انو في كتير برامج مسيحية تانية متل زكريا بطرس ياللي كمان بتهاجم الاسلام! باختصار في عنا حرب ديانات شرسة كتير عشان هيك عم ائول لازم تفكيرنا يكون اعمق من هيك!
مع تحياتي:D