|
بخصوص السيارات الحكومية
وقع رئيس مجلس الوزراء محمد ناجي عطري اليوم الخميس على القرار الخاص بالسيارات الحكومية حيث ينص القرار على ابقاء سيارة واحدة لدى المدراء العامين ...و كذلك معاونيهم , مع تخصيص مبلغ 2000 ل.س شهرياً كنفقات اصلاح فقط فيما ينص القرار على سحب السيارات من أصحاب المناصب الادارية الأدنى 23 \ 8 \ 2007 - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - نيوزقولكون .... معقول يتطبق هالقرار ..؟؟ |
اي بيتطبق ....:sick:
بس الله اعلم ايمتا .. يمكن بعد ما نموت :pos: |
و الله السؤال هو هاد القرار بمصلحت الشعب ولا ضدوا
لإني بهيك حالة رح تكتر كتير المشاكل وأسعار فنجان القهوة رح يرتفع .....ويصير غالي كتير:lol: |
كنا بالقطعة العسكرية ..
مخصص لسيارة الزيل 1500 لتر بنزين شهرياً .. مع العلم في عشرين سيّارة من عشر سنين ما تحركو من أرضون و صرف قسائم البنزين شغال .. حزركون لمين ... ؟؟ ما في داعي تفكر و توجع راسك عم يتوزعو لهالشعب الملعون سلافوه .. بيجي الضابط بشوف مين لازمو بنزين و بيعطي لوجه الله .. لذا و لهذه الأسباب .. نحن ضد هذا القرار .. |
يعني قولتكم بلا ما ارجع حاليا على البلد
مشان مايسحبولي سيارتي كمان:p والله انا سمعت بالخبر من فترة وقريتو هون بس والله فكرتكم عم تمزحو معقولة يصير هيك يعني الحكومة بتعملها:? |
الجيش داخل بالقرار ؟؟؟؟؟؟؟؟؟
|
اقتباس:
يعني مجرد وجودها بالجيش هو هدر للمال العام |
اقتباس:
أصلاً المشكلة مو بالسيارت يللي مخصصينها للمدراء و الموظفين بس المشكلة أنو المدير رح يحتل كل سيارات الدائرة يللي بكون فيها يعني في سيارات بتكون مخصصة لنقل الموظفين ...و سيارات بتكون للورشات و ...... الخ كلها بحكم العرف بتصير سيارات المدير العام :sick: |
اقتباس:
لأن السيارات بالجيش ما بتتسلم غالباً بشكل شخصي بسلموها على أساس ضرورات الخدمة ( هيك على أساس ) يعني مثلاً سيارات للدوريات ..و سيارات للعمليات و القيادة ...الخ بس كمان متلها متل غيرها ... بتصير سيارات للضابط و عيلتو |
المدير العام مو بحاجة لسيارة الدولة لانو فيه يشتري افخم من اللي خلفها لهيك من هالناحية ما رح يتأثر
بس بيأثر عليه القرار من ناحية انو هو كل همو بنزينات السيارة وطلبات الاصلاح لاسطول السيارات الخاص فيه وهون بدو يشفلو شي حنفية تانية ويسرني في هذه المناسبة السعيدة ان اهدي اغنية ابو الزوز حبيب الشعب الله يساعد الله يعين الشراية عل البياعين مالعالم كلا شراية بس مش كلا بياعين الله يساعد الله يساعد الله يعين |
| الساعة بإيدك هلق يا سيدي 06:17 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون