|
3 ملف مرفق .
الدرس حصرا عن رسم الوجوه .. شغلات لازم نعرفها عن استخدام القلم للقياس قبل ما نبلش نرسم : بنستخدم القياس لنحدد اديش الاشيا مرتبطه ببعضها و معتمده على بعضها (( يعني الفراغات بيناتها و اديش هيه بالواقع قريبه او بعيده عن بعضها )) , و لنطلع التفاصيل بالوجوه محطوطه بالمكان الصح (( يعني مثلا من الاخطاء الشائعه انو يكونو العيون كتير عالين بالنسبه لبقيه الوجه )) و بنتفادى هالشغله بانو ناخد قياسات الصوره قبل ما نبلش رسمها .. متل انو ناخد قياسات العيون و موقعهم بالنسبه للاشيا التانيه بالوجه قبل ما نرسمهم و بهالطريقه بيطلعو بمحلهم المزبوط .. الصوره 1 .. هالصوره ببين فيها الوجه اللي رح نرسمو و عم تورجينا وين نحط القلم لاخد قياسات العيون بالعرض و هيك بنعرف اديش ميلان لازم نعطي الصوره و برضو عم نشوف الادن اللي مبينه بهي الصوره وين المفروض يكون موقعها بالنسبه للعيون و للوجه و المسافه بين لعينتين و بين العين اليسار و الادن ..  الصوره 2 اما بهي الصوره فنحنا عن نقيس عاموديا و القلم حاطينو عالطرف البراني للعين بحيث انو يدق بالخد و بنلاحظ انو في فراغ بين العين و القلم و هاد اللي بيعطي تجويف العين شكلو .. و اذا بنطلع لتحت شوي بنشوف انو القلم عم يعطينا قياسات الانف كمان .. انو الانف مو طالع برات الوجه و في مسافه بينو و بين القلم و هي المسافه بترسم الخد اليمين و بتعطي الانف موقعو من الوجه .. و اذا بنلاحظ كمان انو الجبين مو ممتد لاخر القلم و عم يشكل زاويه مع القلم .. و الخد عم يشكل زاويه تانيه بالاسفل ..  لصوره 3 .. لساتنا عم نقيس عاموديا بس مشينا القلم لعند العين اليسار .. و عم نقيس من عند زاويه العين .. للي القلم داقق فيها من طرفو اليسار بينما من طرفو اليمين لتحت شوي داقق بزاويه الانف(( من الجهه اليسار للانف )) .. و اذا اطلعنا كمان لتحت شوي بنشوف انو بيرجع بيدق بزاويه التم(( اللي عيسار التم )) بطرف القلم اليمين .. بنقيس كمان بهالوضعيه المسافه الجبين و المسافه بين العين و زاويه الانف و بين زاويه الانف و التم  و يتبع :D .. |
شكرا على المعلومات المفيدة :D
|
انا بفضل انو الرسم ما يكون صوره طبق الاصل عن الصوره الاصليه
بحب يكون للي عم يرسم لمستو الخاصه بس عالعموم ... يسلمو :D |
اقتباس:
يا هلا :D اقتباس:
معك حق دلوعه انو الواحد حلو يحط لمستو الخاصه كتير حلو بس وقتها بصير(( و هاد مو حديثنا )) اجتهاد من الخيال و مجال المقاسات بتكون مفتوحه قدامو (( اعتمادا على انو هو عم يحدد ميلان الجسم المرسوم و ابعادو و ما الى ذلك من شغلات )) اما اذا شي موجود بالواقع و عم ينرسم فلازم يكون متلو و قياساتو متلو ليطلع ناجح .. و عالعموم يا ميه هلا :D |
شكرا جزيلا على الموضوع
و اتمنى ان اطبقها سريعا و منتظرين يتبع!! :akh: |
متابع,, ومرسي مورننغ:D
بركي منصير نعرف نشخبر |
حلوووو تابعي مورنينغ ...:Dرجعنا نرسم من اسبوعين بعد انقطاع دام سنة:lol:
|
اقتباس:
يا ميه هلا ... :D اقتباس:
يا هلا .. :D اقتباس:
:frown::pos::? .. سنه يا ظالمه :cry::? |
1 ملف مرفق .
الصوره 4 .. منمسك القلم بشكل افقي تحت الانف لنقدر نحدد وين الادن بتنتهي مقارنه مع الانف .. هون بهالصوره صدف انو جايه عحرف القلم تقريبا .. كمان بهالطريقه بنقدر نقيس المسافه بين الادن و الانف و اللي بتمثل الخد من النص ..  و يتبع :D |
اقتباس:
|
يسلموا The morning
بس انا برئيي أنو بدون المقاسات انو ندرب العين أحسن من القلم و المسطرة :D |
ولي والله الشغلة طلعة صعبة كتير
طلع رسم ال"كورل درو" أسهل بكتير |
اقتباس:
هلا ابو وليم .. انو هي مو انك تقيس بالمسطره :? !!؟ بس ما بعتقد سهل ترسم بدون ما تاخد قياسات .. و هي الطريقه نفسها بتقيس فيها عن بعيد .. و هيه اكتر استخداما عن بعيد منها عن قريب .. يعني انا ما كتير شفت ناس بترسم بدون ما تاخد قياسات بالقلم .. عكل يا ميه هلا :D اقتباس:
انا بستصعب الكورل دور :lol: :o .. |
1 ملف مرفق .
بهالصوره بنحمل القلم بالطول بين الحاجبين و اذا بنطلع عالقلم من تحت لازم يكون مارر من تقريبا نص الدقن .. و من هالمنطقه من الوجه عاده بنحدد ميلان الوجه و زاويتو بالنسبه لحرف الورقه .. (( بين الحواجب و منتصف الدقن , حتى لو بكون الوجه بغير وضعيه )) منتصف الشفايف لازم يكون تماما تحت منتصف الانف و منتصف الدقن ..  تـــــــمّ :D ** هامش .. الموضوع نقل بتصريف و ترجمه بواسطه the morning :larg: |
:Dحلو كتير
يعطيكي الف عافية |
| الساعة بإيدك هلق يا سيدي 07:57 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون