|
شو رأيمك بالللقاء الأول بعد الدردشة بين البنت و الشب عالنت
بدي شوف أرائكم بهاد الموضوع
كيف بتلاقو اللقاء الأول بعد دردشة طويلة عالنت بين البنت و الشب و بهالفترة بكونو حكو كلشي عندهم و يمكن يكون هاد اللقاء الأول و الأخير لأنو يمكن ينصدم شي واحد بالتاني بعتو تلعليقات بدي شوف إذا حدا جرب هالتجربة الجاء كل مين يشوف هالموضوع يتؤك تعليق:D |
مممممم
حسب يعني ااذا الشخصين متعلئين ببعض و متفاهمين حتى لو شافو بعض و طلع واحد مسلا من الطرفين مو حلو او انو يعني يا دوب هههههه ما رح يتغير شي و بالعكس مرات يمكن تحس الشخص من كلامو انو مو كلهئد بعدين بتكبر معزتو وئت تشوفو يسلموو |
أنا جربت هالشي .. يعني التقيت خمس صبايا .. وكان هالشي كتير سبيشل وحلو
وما صار صدمات لأأنو دايما قبل ما التقي البنت .. كنت بعرفها وبتعرفني مزبوط ... وشايفين بعض بالصور تمام وحكيانين ... فترة منيحة عالنت .. وبنصح كل شخص .. بس بدون كذب وتمثيل عالنت .. انو يكون صريح وإذا هوي جريء بيقابل البنت ومو ضروري حب وعشق .. بس .. ممكن بيصيروا رفقة ... وهالشي .. مجرب .. 100 % |
شو وين التعليقات بدي اقلك انت مجربة هالشي
|
يعني وين الفكرة اللي بدي أعطي رأيي فيّا ..
مدري ليه حاسّا كإني شي عادي جداً .. :lol: |
اي بحياتي ماصارت معي
انا بالأساس مابحكي مع بنات على النت ولا بعرف احكي شنو انا اهبل بهيك شغلات :shock: |
انا لا مع الفكرة ولا ضدها
وكمان هاد الامر بيتطلب جرأة من قبل الطرفين واهم اشي انو يكونو الطرفين صادقين مع بعضهن وما ينصدم واحد بالتاني بعد اللقاء بالنسبي الي انا شخصيا برفض التقي مع الاشخاص يلي بحكي معاهن عالنت |
وليش بترفضي تلتقي معن لتوكوني مانك واسقة من حالك
|
اقتباس:
يعني اعطيك مثال مثلا انا العبد الفقير اذا اتكلبشت بشي صبية على النت بدي قلها انا اجمل شخصية بالكون (ويمكن كون فايت بسبعين حيط واحول:?) وبحكيلها كم بيت شعر (بيكون كتاب نزار قباني جنبي) وبقلها انا عمري من عمرها(بكون يا اكبر ب10 سنين او اصغر) وبحكيلها عن التحرر (بكون اكبر متحجر ورجعلي) وآخر الشي بتشوفني البنت بتلعن الساعة يلي حكت فيها معي على النت يا صديقي يلي بيحب بالرسائل بيجي ولادو طوابع والعين مغرفة الكلام ................................ |
أهم شي بهيك مواقف ......... تحط ببالك أسوأ الاحتمالات
و تستعد للصدمات و المفاجآت ..... و قتها كيف ما طلعت النتيجة .... بتضل تحت السيطرة  |
اقتباس:
و شكرا ع الموضوع |
اقتباس:
|
:Dوالله انا من جهتي ما عمرها صارت معي ولا بحب انها تصير
لأنه احنا بنحب وجه لوجه ومش خالصين من الكذب ..... شو بده يكون الكلام ع النت اي كله لحس عقول وكلام فاضي وأنا ما بقتنع بكل ه الفكرة ..... والله يعين الي اخدو مقالب من هالمواقف وانا متأكده انهم كتار يسلمو ع الموضوع :D |
وأنا بقول بلا حب بلا بطيخ عالنت:pos:
اما ازا في صداقة بس تجمع بين البنت ولشب ليش لاء:larg: اما حب وعشق وغرام كلو حكي فاضي(خدو مني):deal: |
خدوا مني :?
ههه .....ليش على أساس ...عندك خبرة ... واسمحيلي قللك ....انو حكيك غلط :frown: لانو ..انا مجرب الحب عالنت ... :sosweet: وأنا برأيي أحلا شي الحب عالنت ... بس طبعا بدو يكون في صراحة من الطرفين ...بالإضافة ..إلى وجود الصور والصوت ... وبيكون أفضل إذا في كاميرا :pos: |
وعلى فكرة ...هلق ...انا عم عيش هالشي .... وبس يصير في شي جدي ...ببقا بردلكون خبر :ss:
|
بالنسبة ألي ... مريت بتجربة قريبة شوي من القصة :
في صبية بحكي معها على النت من شي 3 سنين ... بس بشكل رفقة وبس ... بشكيلها همومي وبتشكيلي همومها ... وأحلى شي أنو ما منعرف بعض ... من فترة عم تقلي قصة ... وذكرتلي مكان عم تروح عليه ... وإسم شخص بتعرفو هونيك ... وفجأة بستنتج أنو هادا الشخص هو رفيقي ... مع أنو كنت مقرر أنو تضل علاقتي فيها مجرد صداقة نت وبس ... بس أرتفع عندي معدل الفضول ... وقررت روح شوفها ... بس بدون ما قلها أو تعرفني ... وهادا يلي ساويتو ... حاكيت رفيقي وأتفقت معو أنو كون موجود لما بتجي .. ويقلي أنو هي هيه ... وهادا كمان يلي صار ... بس المفاجئة كانت أنو لما شافتني سلمت عليي ... وصارت تحكي معي كأنو بتعرفني من زمان ... وصارت تقلي أنو أكيد أنا شايفتك أو مجتمعة معك بشي مناسبة .. وقتها فتل مخي ... وصرت فكر وإتذكر إذا شي مرة حاطط صورتي على النت أنا ... بس أنا متأكد أنو لأ ... وهيك أنتهت القصة ... سلمت عليها ومشيت ... ولهلأ عم حاكيها على النت ... وكأنو ما صار شي ... |
اقتباس:
وطبعا انا بحترم رأيك وكل واحد عند رأي مختلف:pos: وازا انت حابب عالنت ليش لاء ازا متفاهمين وشفتو بعض وكلشي تمام:clap: اي والله شغلة حلوة :o:o طبعا اهم شي الصراحة;) انشالله الله يوفقكون يااااااااارب:larg: وهي أحلى وردة:D |
| الساعة بإيدك هلق يا سيدي 12:44 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون