|
سندريلا بالفلسطيني ((بدون زعل))
لبست الفسطان وراحت جري عالكصر وشافها الأمير وحبها وركصو سوا وفجأة دكت الساعة إثنى عشر ليلا وجرت وصارت ترمح و ترمح ووكعت ببوجها على الدرج ...سندريلا راحت عالبيت واتمنت لو انو الساعة ما دكتش على الثانية عشر ليلا، بس شو تسوي بحظها المشحر مثل حظ هاظا الشعب.الأمير حط فردة البابوج على مخدة يمكن لونها زركة أو نهدي، المهم صار ينادي بالصوت على كل البنات عشان يكيسن البابوح، كيسن كل البنات إلا سندريلا .....سندريلا نزلت على الساحة ومعها فردة البابوج، وحطتها على المخدة الي عليها الفردة الثانية، ولما قربت عشان تقيسها ضربها الأمير كف، وحكالها: وين جاي ياما، حكتلو: يقطع وجهك ما أزنخك، مش شايفني بدي أقيس البابوج حكالها: وحدة مثلك كيف بدها تكون فلكة القمر هديك،حكتلو: هسا بفرجيك وأحط على عينك ولما اجت تقيسها، ما طلعت كد اجرها، لأنها كانت ورمانه من كثر الشغل ، ويا حرام ما حدا صدقها، وانجنت المشحرة ودارت في الشوارع، والأمير اتزوج غيرها وحكى:لوينتا بدي أظل ادور عليها الله لا يردها هي الخسرانة.
ملطووش يا جماعه ..امانه محدا يزعل:D |
هههه والله انك بسبوسة بالمواضيع
حلوة كتير وشلونك اليوم |
رهيييبه القصه صح؟؟
اليوم انا :yahoo::yahoo: وانت شلونك؟؟ |
هههههههههه حلوة كتير القصة يا جمولة يسلموووووووو :D:D:D:D
:clap::clap::clap::clap::clap::clap::clap::clap::c lap: |
الله يسلمك...
هي القصه خصوصي لعيونك الحلوين :sosweet::sosweet: |
بدون مجاملة والله ضحكتيني من قلبي
تسلمي يا دينمو المنتدى |
الله يسلمك...
هلأ صرت دينمو المنتدى :? |
ههههه عجبتني كلمت (ترمح , بابوج)
بدي صير احكيهم خخخخخخخخخ موضوع مهضوم (بي كونتينيو):D |
اقتباس:
وبيكون المنتدى هادي بس شوف مواضيعك الملطوشة ونهفاتك بصير متل المحشش وبدعس للصاجة للاشتراكات |
اي لا مع زعل :cry::cry:
هيك؟ بمعلوماتي انو بس الختايره هيك بحكو وشلة زمان !! |
مرسي كتير حلوه
بس العنوان لازم يكون سندريلا بالفلاحي لانه الفلسطينيه في منهم مدنيه يعني مو كلهم هيك بيحكوا انتو اغلبكم سوري وما بيعرف بمدن فلسطين |
انو ما حد بزعل اكيد
بس اللهجة كلهجة بتجنن والله مع انو شوي كوميدية......بس مع انو مو كل الفلسطينيين هيك بيحكو بس اللهجة هاي صارت رمز حلوة جميلة.....مع انو وصلتني مسج السنة الماضية:D |
اقتباس:
يعني أحل نابلوس هههه غير الخلايليه غير الغزاوية وخاصة يلي من( الشجعية ) بيقولو بدل الشجرة سجرة متل الشوام بس الموضوع مهضوم وهو للتسلاية يالله شدي حيلك وترجمي القصة بالشامي وأتحفينا |
اقتباس:
عشان هيك حبيت اعرفك.. |
اقتباس:
أنا رفقاتي أغلبهم من فلسطين وفي من نابلس (بيت الخطيب) اذا بتعرفيهم وتشرفنا يا ستي انا نصي شامي ونصي الحلو أردني حبيت أعرفك..... |
اقتباس:
وتشرفنا بالمعرفة:deal: |
اشرف الي :D
|
لك لك الضرسانة والمحششه جموله :o:o
والله فقعتيني من الضحك :da7ook::da7ook::da7ook::da7ook::da7ook: والله انك حشاشه :hashish::hashish::hashish: |
| الساعة بإيدك هلق يا سيدي 02:45 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون