|
محتارة ساعدوني
انا قدمت بكلوريا السنة وكنت متوقعة جمع 215 بس كالعادة بتجي النتائج دائما عكس ما بيتوقع الواحد جمعت 195 ومبارح طلعت المفاضلة وبيطلعلي مجموعة من الجامعات : الحقوق التربية معلم صف وعلوم سياسية ارشاد نفس وعلوم سياحية ولسا في غيرون بس هدول اللي عجبوني ومحتارة شو سجل
|
هي نصيحتي
اقتباس:
يا حلوة نصيحتي الك شو ما سجلتي مو مشكلة المهم تنفدي فيهم لان والله الجامعة مو متل الواحد ما بتخيل وكمان بعد الجامعة المشكلة بس نصيحتي سجلي شغلة بتحبيها مشان تتخرجي بالنهاية ايييال امورة عن تجربة |
اول شي مرحبا... وهي:D
لح خبرك رايي .. اول شي نحنا ممكن نقدملك نصيحة والقرار لازم يكون عندك واياكي انو تفوتي بشي جامعة مالك مراق فيها ولا تخلي حدا يتدخل فيا اقتباس:
اما ارشاد نفس فما بعرف يعني هي شغلة متل شهادة بس ما اكتر يعني صعب كتير تشتغلي فيا هون عنا بالبلد لانو ما حدن بيتقبل الدكتور النفسي بيقولو عنو مجنون بعدين:lol: اما السياحية فحلوة كتير وانتي ببما انك بنت يعني ممكن تستفيدي ومطلوبة كتير ... بقا شوفي اللي براسك... واتكلي على الله 100:D |
اقتباس:
لك يمان لسا من شوي كنت جايي اكتبلا نفس الرد تبعولك انا كمان بنصحك تبعدي عن اي شي بمجال التعليم لانو رح تجنني اساليني لئلي الماما بدا تطق ليكي انا برايي احلى شي سياحة انو علم نفس كام حلو بس ما بعتئد المهم القرار الاول و الاخير بيرجعلك بتمنالك التوفيق حبيبت قلبي:D |
هلأ انا كنت بدي أسألك انو ليش مابتقدمي عن طريق مفاضلة الشبيبة وممكن تدخلي الاقتصاد
لأنو هالكلية بالذات عم يعطوا كراسي كتير للمتقدمين عن طريق الشبيبة ومو شرط تكوني مداومة عالمنظمة او شي بيكفي انو تكوني عضوة عاملة او حتى اذا مالك عضوة عاملة فيكي تعملي شي اسمو اعادة ارتباط وبتكسبي عالاقل 10 علامات صدقيني انا رفقاتي كسبوا 20 علامة ودخلوا الاقتصاد معي بقى انتي وحظك والله يوفقك |
انا بنصحك علوم سياحية او ارشاد نفسي لانو عندي اطلاع ع الكليتين و الله يوفئك
|
انا بنصحك انو تسجلي تجارة عن طريق الشبيبة واذا ما حابة في اداب اما من اللي كاتبتيهن احلى شي علوم السياحية وعنجد الها كتير مستقبل حلو وعكل انت لازم تقرري وموفقة يارب
|
سجلي طب أسنان مو بشري شنو بشري مايطلعلك :sly:
|
تعي ... انا وانتي ندخل تدبير منزلي
او فنون جميله :o.... حلويين ليش لااا انا عجبتني شغله التدبير المنزلي .... بس بخاف خرب الريجيم :p يا ستي موفقيييييين كلياتنا شو ما دخلنا :cry: بس الله يسترها :cry: |
انا بنصحك انو تسجلي تربية ....
بس اذا دريسة وعندك عضلات قوية مشان تشيلي كتب الحقوق..........سجلي حقوق... وشدي الهمة بتتخرجي بسنة زمان....هع هع |
اقري ادب فرنسي انا بضمنلك الفشل ولو عنا خبرة
|
اوعك
:gem:اوعك تسجلي غير ارشاد نفس نصيحححة
|
انا عم ادرس بيولوجيا وناوي بس خلص ان شاء سافر وكمل وعلى فكرة في بعد ال4 سنين بجامعة مانشيستر
36 اختصاص منن الهندسة الوراثية واطفال الانابيبو البيو انفورماتيكس (المعلوماتية المرتبطة ببالبيولوجيا) البيو جيو كيميستري والعديد من الاختصاصات الرائعة والبيولوجيا من اكثر الاختصاصات طلبا في اوروبا وهو من اكثر الاختصاصات اهمالا في بلدنا لجهل اهميته |
برأيي علوم سياحية افضل شي . .
بتقدري بتشتغلي بالفنادق او بالمطارات او بوكالات السفر والسياحة وبصراحة كلها شغلات حلوة ومطلوبة والله يوفقك |
نصيحة ببلاش للحلوين
انا بنصحك ياعسل اتفوتي علوم سياحة لانو شكلك بقول انك حلوة ومهضوم وبتحبي السفر وبتعشقي الفنادق الراقية و اللة يوفقك ...................
بتمنالك كل خير ;) |
اقتباس:
ازا مو اسنان بشري..!!؟ اسنان شو..؟ اي صحيح... منشان انك محتارة شو بدك تدرسي يا bnwta ...شوفي حالك بشو شاطرة وكمان ميولك ورغبتك بالاختصاص.. وموفقة.. |
| الساعة بإيدك هلق يا سيدي 09:46 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون