|
"قراصنة" يستولون على موقع وزارة الكهرباء وينشرون رسالة " استنكار" فيه
في حادثة غير مسبوقة "قراصنة" يستولون على موقع وزارة الكهرباء وينشرون رسالة " استنكار" فيه الاخبار المحلية  تمت في وقت متأخر من ليل يوم الخميس عملية قرصنة على - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ، حيث اختفت الصفحة الرئيسية وظهر بدلا منها رسالة "توبيخ" لوزير الكهرباء والعاملين في الوزارة على الانقطاعات المتكررة التي شهدتها المدن السورية خلال الشهر الاخير.وتقول الرسالة " أتقدم بالشكر المتواضع لكل موظفي وزارة الكهرباء و أخص شكري الجزيل للوزير الذي حتى الآن لم يقدم أي حل لهذا البلد و لهذا الشعب الذي قدم له هذا المنصب فخذله و أكرر شكري و امتناني على هذا الجهد الجبار المقدم من كافة مسؤولي الصيانة في وزارة الكهرباء الذي يجسد عدم كفائتهم و عدم قدرتهم على تولي المسؤوليات و المناصب العليا .. إلى متى ؟؟؟؟ سنبقى متخلفين ؟؟؟؟ إلى متى ..!!؟؟" وعنونت الرسالة بـ " Hacked by penetrator " أي تمت عملية القرصنة بواسطة "بينتراتور". هذا وقد شهدت المدن السورية الشهر الماضي أسوأ أزمة للكهرباء منذ عقود ، حيث استمر قطع الكهرباء معظم ايام شهر تموز الماضي لفترات تراوحت بين الساعتين ووصلت الى اكثر من عشر ساعات في اليوم الواحد في بعض المناطق. وطلب وزير الكهرباء أحمد خالد العلي من المواطنين وقت سابق "إبلاغ مكتبه بأي حالة يتجاوز فيها انقطاع التيار الكهربائي أربع ساعات متواصلة".  ويؤدي إرتفاع درجات الحرارة إلى فقدان حوالي 10% من الطاقة الكهربائية التي يفترض أن تنتجها أي محطة توليد إن كانت تعمل على الغاز أو الفيول.. وادت الانقطاعات المتكررة للتيار الكهربائي الى شيوع حالة الاستياء والغضب بين المواطنين السوريين ، وتعرضت وزارة الكهرباء والحكومة الى انتقادات لاذعة من خلال الصحافة وخاصة المواقع الاخبارية السورية على شبكة الانترنت. وتعتبر مهاجمة موقع الوزارة ونشر رسالة استنكار واحتجاج عبره ، سابقة في سوريا على مستوى المواقع الرسمية ، حيث تم اختراق موقع صحيفة البعث منذ اشهر ولكنه لم يوجه "القراصنة" حينها اية رسالة الى أي جهة سورية. |
اي بس يللي تقرصن بهالحالة بيفهم
لانو الوضع عنجد كتير كتير كتير هيك يعني الصيف الماضي فقعونا من كتر ما قطعوها قال ليش؟ كانو عم يبعتو كهربا للبنان بالحرب وبعدا وهلق هيك العراقيين والمي والشوب طيب بس الله يستر بس نحنا نحتاج مي وكهربا و...... مين بدو يعطينا وللا مين داير علينا |
هع هع هع هع كبير هالعاملة كبير...
|
عادتا انا ضد التهكير.
لاكن بهالحالة. انا معو مية بالمية. رسالتو وصلت. بس انشالله يحسو على دمهون مية وردة للبنتريتر. |
انو بس استفسار صغير هلا نحنا كنا عم نعطي كهرباء للبنان وللاردن
بس اذا سوريا احتاجت اي شي غير الكهرباء مو شرط الكهرباء فالسؤال الذي يطرح نفسه هل سوف تقدم لبنان او الاردن المساعدة لسورية ؟؟؟؟؟؟؟ لا اظن ذلك :x |
اقتباس:
وتعليقي ع اسباب القطع...منو ارتفاع درجة الحرارة والنقص بمعدلات هطول الامطار وزيادة العراقيين بسوريا.. هالاسباب اسباب بسيطة قدام حكومة لازم تعرف شو شغلها.. ازا في اكتر من كذا مستشار وكذا خبير بالحكومة ما بيعرفوا يحطو خطط احتياطية في حال ازا مرت سوريا بهيك ظروف..!!؟ لما بنشوف بالشتى انو معدلات الهطولات للامطار اقل من النسب الموسمية السابقة... بدنا نفكر ونحط خطط لحتى ما نوقع بمشاكل مضاعفات هالنسب القليلة من الامطار... مع كثرة تواجد العراقيين وارتفاع درجة الحرارة.. وع سيرة ارتفاع درجة الحرارة...ما حدا بيقدر يتحجج بهالسبب وخصوصاً بسوريا من الوزارء..لانو ما في منطقة بالعالم مافيو هلأ ارتفاع بالدرجات الحرارة... خلاصة الكلام... عدم المبالاة من الوزير والخبراء اللي عم يشتغلوا وعم ياخدو بالقطع الاجنبي رواتبهم... اكيد رح نشوف تقنين بالكهربا لمدة 20 ساعة باليوم...و بس 4 ساعات كهربا لكل مواطن...وحاجتو.. حسب مقارنتي للوضع من حيث الكهربا.. وضع سوريا الكهربائي متل الوضع بالعراق اللي هي بحالة وظروف اضرب من سوريا من ناحية الوضع الامني والاقتصادي... وبالنهاية.. نطالب باستقالة الوزير.. |
من فترة مانها بعيدة, يمكن الشهر الماضي.
قريت مقال على سيريا نيور (كفضيحة), بيقول انو سوريا عم تاخد كهربا من الاردن. وهالشي طبعا لاقة استهجان, انو شلون نحن عم ناخد من الاردن. رح دور عالمقال اذا لقيتو بحطو هون. |
اقتباس:
اقتباس:
اقتباس:
المشكلة بالصغير قبل الكبير.....زلذلك أنا أطالب بإستقالة سائق الباص يلي عم بيوصل الموظفين على المديرية ....وإنتا طالع ......لعند الوزير:o |
حلوة ه الحركة..
برافو يا شبيبة. |
يلا عقبال موقع وزارة المي
|
شكرو ربكن أنو ما في وزارة للهواء كان التقنين بيكفي كم دقيقة وبح :cry:
|
عقبال ما يتم اختراق مواقع اخرى , حتى يحسوا و يفهموا ( ويخجلوا من نفسن )انو الناس كرهت هالقرف من سوء الاداره , انعمى شو هالتخلف , بلد كبير طويل عريض ما يعرفوا يؤمنوا الكهربا للناس , ما بعرف اضحك والا ابكي .
بلا تبريرات و القاء اللوم على اسباب عارضه ( شوب , عراقيين , بيع الكهرباء ...) ولك شو النا من كل هالحكي , الدوله مفروض عليها تامين الحد الادنى من الحياه الكريمه للمواطن , والكهربا في عالمنا الحديث اصبحت كالمي , يعني من اساسيات الحياه , وبعدين انقطاعها يسبب خسائر اقتصاديه كبيره . الله يكون بعونك يا سوريا و يخلصنا من هالفساد , متى نرى الرجل المناسب في المكان المناسب ؟؟؟؟ سامحوني يمكن عمال احلم , تصبحوا على خير . |
الله لايردن ..
ابووووووووووووووووس روح اللي عملا مين ماكان يكون وياهيك الهكرجية يا بلا و ان شاء الله الله لايردن لاهنن ولا كهربتن ولا موقعن |
والله لازم انضمو لهل الشبيح لعنا :o
|
لك ولو بس كاني كل مانها عم يزيد وقت قطعة الكهربا اكتر من قبل
|
| الساعة بإيدك هلق يا سيدي 20:17 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون