|
قنابل تعزف مع الفرقة الفيلهارمونية السورية
ياجماعة.. اليوم المسا كنت قاعد عند احد الاصدقاء، وعم نتفرج على حفل افتتاح مهرجان القلعة والوادي، واللي احيته الفرقة الفيلهامونية السورية اللي تأسست من فترة قريبة، كمان بمشاركة ميادة بسيليس على الفضائية السورية.
هللأ لهون القصة مافيها شي، قاعدين عم نسمع ومبسوطين، وفجأة وأثناء عزف الفرقة بيبدأ اطلاق الالعاب النارية خلف الفرقة مباشرة،مما أثار حالة من التوتر والبلبلة اللي بدت واضحة جدا على العازفين، وتخيلو أي فرقة سيمفونية بالعالم ومدى الدقة والتركيز اللي لازم يشتغل فيه العازفين، طبعا ومتل ما توقعت، أوقف قائد الاوركسترا العزف، وتم بطريقة أقل مايقال عنها انها مخجلة، تم انهاء الحفل بسرعة، بينما ظهر العازفين خلف المذيعة وعلى وجوههم علامات الاستهزاء والشعور بالاهانة. هللأ يمكن تقولو اني عم زودها، بس بصراحة انا شكيت انو الموضوع معمول عن قصد، شو السبب الله أعلم، ولكن مافي عاقل ممكن يعمل هيك شي الا اذا كان قاصد من وراه شي بقى شو بتقولو؟؟ |
فعلا شي مخجل ...
كمان مره بمهرجان الجاز ..اللي صار بحلب من فترة ...على مسرح قلعة حلب ..صار نفس الشي ..كان في مايكروفون كبير ..محطوط على مادن او هيك شي ..كامن الفرقه و هي عمتزف ..طلع واحد صار يجرب مهاراتو و بحة صوتو الرومانسي ... و الله عيب ..لا ..والابشع اننو المايسترو نص اعضاء الفرقه كانو اجانب ...بقى شو الانطباع اللي اخدوه ... ما اتمنيت اسالهون ..!!! |
اقتباس:
تحياتي الك Beste Gruesse :D |
| الساعة بإيدك هلق يا سيدي 22:37 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون