أخوية - بس شو بدك للحكي بيضل اهل الحواش صحابين نكتي

.... هكذا وفيما اقتل بعض من وقت فراغي في التسكع على الشبكة و التشفيط في المواقع اكتشفنا موقع
"جامعة الوادي السورية الألمانية الخاصة" بحسب اصحابينها ،، .. للوهلة الأولى بتقول يا سلام يا سلام ..
GSU و لوغو مدري زهرة التوليب (المنتشرة بكثافة متل ما بتعرف من داير مندار الحواش .. من المزيني .... للجوانيات .. ماهو الحواش كانت مربط خيل فرسان المائدة المستديرة و هني بزمانو استمدو شعارون من توليب الحواش :lol:) ..

الشباب ما مقصرين ترى بالأقسام بالموقع ، املايينو اقسام قد ما بدك .. شي قسم للمنح الدراسية شي للمساعدات المالية شي للضمان الصحي .. على شوي بتنزل دمعتك و بتصير تمخط .. (طبعا اذا بتدخل على الأقسام ما بتلاقي ولا كلمة بس امر عادي ماهو الموقع بدو يكون تحت الإنشاء متل ما الجامعة تحت الإنشاء متل ما القائمين عليها على ما يبدو لساتون "تحت الإنشاء" )

مالك بالطويل ..
وهيك ضليتني عم بحشر انفي .. لحتى وصلنا للب الموضوع .. رئاسة الجامعة و مجلس الأمناء قلنا عال بلكت بيطلع شي دكتور منعرفو بيتواسطلنا يركبونا شي شوطة :lol:..

وإززززززز فجأة بلاقي حالي صرت بالحكومي :shock:، يا حبيب ما تاركين على وزير حالي على وزير سابق على عميد كليي .. لك حتى حاكم مصرف سوريا المركزي عضو مجلس امناء :lol:،
مين بدك ، مكرم عبيد؟ بثينة شعبان؟ اديب ميالة !!!!.. مين بدك بتلاقي.. حتى اكتر في عندك مثلا "مكرم عبيد" ، و في عندك "منير عبيد" .. في عندك "بثينة شعبان" و في عندك "علي شعبان".. :o

اه .. هاي المنيو كامل

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

كل مجلس الأمناء مدري مجلس الوزراء ..

وهاي الموقع

بس شو بدك للحكي بيضل اهل الحواش صحابين نكتي و حركااااااااااااات..
و بهال المناسبة بحب اهدي هال الغنيي لإمي و بيي و كل بت داوود و بت عيسى وبت سلوم وبت نادر وبت أيوب و بت طنوس و كل كل بيوت الضيعة و بحب قول لجارنا بو وهيب يلم بقراتو من حاكورتنا احسن ما قوصلو هني ها.. و سمعني حوشي جدياتك حوشي .. سمرة واني الحاصودي :gem: