|
يوميات معلاق حلبي ... الحلقة الأولى .
قال يا سادة يا كرام .. في واحد جلطة اسمو حلبي ... طلع بالسرفيس .. وإز دفع عن 2 .. مو 1 .. ليش شنو معلاقو كتير تخين وبدو محلين زيادة .
يعني ركبة السرافيس للحلبية مو تجرة ها .. السوزوكي بيشيل أكتر . قام هاد نفسو نفسو الحلبي .. نزل من السرفيس .. ودخل ع سوء (تفضلي) في منطقة التلل .. شايل بجيبتو نص كيلو بزر شمس ومطنبرة جيبتو متل الفطبول .. وع بفصفص ويتفتف وبلش يبصبص عالرايحة والجاي .. مع أنو أكتر وحدة مشلطة مبين منها أنفها بس .. المهم هادا صاحبنا معو موبايل سكودا شحاطة نمرة 56 .. بيرن الخريوي .. تبعو بيرد .. بقا بيكون قيعد بمحل رفيقو .. طصيف (بيبيع جرابات نسويني ) ( اهلين ابن الحرام .. شلونكـ يا أزلة ؟؟ ............... هههههههههههههههه .. أشفي ؟ ... لا خاي لا ... أنا بيركـ مع صاحبتي .. في مطعم وانيص عند الشلال ... قوليلو مرحبا .. بنت الحرااام .. ...................... ئال خجلانة .. يلعن أبوكي ما أوصخكـ .. سلامة بغل .. ) بسكر الخريوي .. وبيتطلع فالنسوان القاعدين فالمحل . وعيونو عم تغزل غزل فالمحل ... وهالنسوان فايتة طيلعة .. ولسانو انمد موكيت قدام خلقتو .. المهم بيجيه تلفون تاني .. وطبعاً ما في غنى عن الرنة تبعيت غنية (حبيتكـ جكر بالناس ) لأبو حسن حريتاني .. بيرد الزلمة .. وبتطلع مرتو ( أش بدكـ جحشة ؟؟ خيييييييييير .. أش بدو عب حميد .. قوليلو يلعن أبوه ما معي مصاري .. بعدين هالجحش ما جبنالو جرابات السنة القبل الماضية ؟؟ انقلعي أنتي وهالابن الحرام ابنكـ .. عندي زبون ) بيتطلع فيو صطيف صاحب المحل .. بنظرة (ابوس الي خلقكـ أش رجال ) نراكم مع معلقة جديدة .. كل أسبوع . ملاحظة : هازا الموضوع ليس الغرض منه بسب أو زم . وأقدح أيتها شخص .. ولكن خصص خصيصا ً للدردشة حول بعض العادات الحلبية الحميدة .. |
اي كتر منون هدولي... بيعجبوني :p
|
تسالي :o
|
:o :o و هاي تسجيل متابعة ..... :lol: |
هههههههه
حلوة بالانتظار :o |
حيو بدنا كمان :lol:
|
متابعة متابعة وهي * وكل حلقة بتاخد نجمة :lol:
|
:?
ولي شو هي المصطلحات اي شو عم يحكي بني ادم ولا واحد تركي :clap: |
متابعةةةةةةة انا
|
اقتباس:
هههههههههههههه.....متابعة:D |
حلو حلو.
احكي عالحلبية لسى شي شوي زيادة. يا هيك المواضيع يا بلا :lol: |
اقتباس:
|
روووحنا الكلاسة ..
أكيد نصكون مو سمعان بالكلااسة .. ان شالله الحلئة اللي جاي راح تكون موسقة بالصور .. :o |
اقتباس:
:lol: ... :lol: لك بس أعرف شو بتكون شربان لمن بتكتب هالنهفات .. حلوين .. إستعجل بالبقية .. :fnail: |
اقتباس:
لك له يا خيو ..... شلون مانا سمعانين فيها ..... :pos: ما نحنا جماعة جب القبة و سوق العتمة .... :o |
يقبرني رب الحلبية
بس خيو لا تجور علينا كتير كو بعدين الشوام بيستلمونا لسه الاحلى اذا استلمونا الحماصنة بقى ديروا بالكن يستر على عرضكون |
هههههههههههههههههههههههههههههههه حلووووووو
|
:oشو هادا شو عبيصير تصفيئ حااار وصفييييييييييييير :yahoo::yahoo: معك معك على الخط متابعين عبنستنا الحلئة التانيه :larg: بس عملنا موعد للمسلسل منشان نئعد نتفرج وماتروح عليناا الحلئة :clap::clap: |
| الساعة بإيدك هلق يا سيدي 21:42 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون