|
عندي اقتراح و بتمنى النظر فيه و التفكير مليا لانو عن جد ممكن يكون فيه فائدة كبيرة لاخ
يا شباب و يا صبايا بدي همتكن بهالموضوع اللي ممكن يكون كتير مفيد
الاقتراح هو ترجمة المنتدى بشكل كامل الى لغات اخرى متل الانكليزية و الفرنسية و الالمانية و غيرها و طبعا المنتدى الاساسي العربي بيضل متل و ما بيصير عليه شي بس قصدي انو الاجانب بهالدول اللي فيها هاللغات اللي رح تتم الترجمة الها ممكن انو يفوتو على هالمنتدى و بهالطريقة منعمل مجال تعرف اكبر و بلغات متعددة و هالمواضيع الحلوة عن سورية و عن ثقافاتنا و عاداتنا بيكونو واضحين اكتر لغير ناس من غير دول و الشباب و الصبايا المغتربين بيشيعوا هالمنتدى بالدولة اللي عايشين فيها خطر على بالي هالموضوع لانو عن جد الوضع الاعلامي عن بلدنا و البلاد العربية بشكل عام مأساوي و الشغلة مستاهلة انو الواحد يعملها لانو بالنهاية عم نعملها لصالح بلدنا حبيب الكل و بالنسبة للترجمة الكل فيه يشارك فيها مو شرط بالتحديد المغتربين المهم المشاركة و المساهمة بالعمل:D:D ارجو من الجميع الرد كاستطلاع للرأي العام للأعضاء بهالفكرة |
ليك ترى اقتراح معقول بس تطبيقه صعب
بس اذا بينعمل قسم متل الصالون باللغة الانكليزية مبدئياً و بيشرف عليه كم واحد من الشباب الطيبة وهنن بيتولو المواضيع اللي خرج تنحط والاسئلة اللي ممكن تنسأل ومنبقى نحنا منشارك حسب الوضع:D |
اقتباس:
|
فكرة
حلوة..وانا مستعد أساعد بالترجمة للصيني:D
بس ما بعرف كيف رح اترجم المسبات و الشتائم اللي البعض بيكلوها للبعض الاخر و خاصة في المنبر الحر:? دبرها وانا معك |
والله صعبة يا شريك.... شنو كم قسم وكم موضوع وكم وكم
بعدين بتعرف انت انو عنا مصطلحات كتير صعب انك تحطلا نسق للترجمة يعني بحيث تترجم اليا ممكن واحد يكتب كلمة بطريقة والتاني بطريقة وتطلع بطريقتين مخلفتين... ا ن شاء الله بس بتوقع كتير صعب وفعلا فكرة حلوة متل صاحبا احلى وسيمو:D |
فكره حلوه بس ما بتنفع مع اخويه اخويه تتميز بالعفويه (بتنفع غنيه لفيروز) ومستحيل تقدر تترجم كل الكلمات متل ما هي موجوده هون وزا قدرت ترجم هالكلمات رح تكون الترجمه بالفصحه بصير المنتدى ن الو اي ميزه خود مثلا هالكم كلمه وجرب ترجمون للأنكليزي طق حنك عالطاير السقيفه شبيحه ابوشريك |
هلق الفكرة حلوة بس تنفيذا صعب
أنو إذا عملنا صالون بس بالانكليزي اسهل انو المواضيع بالانكليزي و على كل حال بعات برسالة للحكيم وشوف شو بيقلك |
مشكورين شباب عالمرور و على ارائكم مشان الترجمة مانها مشكلة لانو الشباب المغتربين اكيد بيعرفو هالمصطلحات العامية بلغة البلد اللي هنن فيه و شغلة انو يكون بس الصالون بالانكليزي فكرة مش بطالة بس كان قصدي ترجمة اكبر قسم من المنتدى مشان نحسن نتناقش مع غيرنا بغير مواضيع مو بس تسلية و هيك شغلات لانو بكل بلد في هيك مواقع كتير للتعارف و بلغة البلد نفسو على فكرة ما بعرف بريد الحكيم بس بعتت رسالة لبريد المنتدى و ناطر الاجابة و مشان شغلة تضارب الترجمات فهي كمان مانها مشكلة لانو مثلا بيتفق اكتر من عضو على ترجمة المنتدى للغة معينة و هيك بيكون الشغل اقل و اسرع و بيجوز المناقشة بين الاعضاء المترمين تعطي صيغة مترجمة احلى و افضل من انو ازا شخص واحد بس تكفل بالموضوع وانا من ناحيتي مستعد ترجح المنتدى للبولندي لاني عايش ببولندا و ازا صعب عليي شي بسأل الشباب العرب اللي امهاتن بولنديات بيساعدوني كتير مانها مشكلة:D |
على راسي احاى يمانو و الشباب الطيبة كلها و شكرا عالمرور يا شباب و يا صبايا:D:D
|
اقتباس:
يالله هي بوادر خير بس ان شاء الله تتم الموافقة عالموضوع |
أول شي بيلزمنا نترجم الموقع للفصحى .. !!
يعني حلوة القصة .. بس ما في أحلى من طير وعلّي .. جاري تنطيطك !! |
سيدي ما في داعي انو نترجم للفصحى لانو الشباب المغتربين بيعرفو هيك مصطلحات اكيد وازا ما بيعرفو بيسألو الشباب اللي نصهن عربي و النص التاني اجنبي اكيد بيعرفو
شكرا عالمرور:D |
اقتباس:
Fly & Over You Will Be Jumped :o:o حدا فهم شي :o :lol: :p :D |
ايه يا شباب ازا الله راد المعلم حسام الهيئة مانو عندو مانع (الهيئة ها يعني لسى ما تأكد الخبر) مشان ترجمة المنتدى لغير لغات ف بدنا همة الشباب عالانكليزي و ازا في حدا من الاعضاء ساكن بالمانيا او باسبانيا او باوروبا الشرقية يعني بالدول الناطقى بالروسي و حابب يتكرم علينا و يساعدنا بالترجمة ف مية اهلا وسهلا:D:D:D:D:D
و بتزكر انو الاخت اية الرحمان مشكورة تبرعت بالترجمة عالفرنسي و انا مستعد للترجمة عالبولندي يالله يا شباب الله يخليكن بدنا متبرعين مشان تتم الموافقة من الادارة:clap::clap::clap::clap::yahoo::yaho o::yahoo::yahoo: |
انا فيني سااعد بالترجمة عالانكليزي بس ما رح اقدر لحالي:oops:
|
مشكور يا غالي و طبعا ما رح تكون لحالك يعني كل كم شب بيتفقوا ازا بدهن يتساعدو و بيترجوا سوى شيت متل ما بتعرف مشان ترجمة اللهجة العامية كل واحج بيجوز تتطلع معو نهفات اكتر من التاني;-) و بتصير الشغلة جماعية و مشتركة احلى:D:D:D
|
يالله يا شباب والله فينا نعمل منتدانا هاد عالمي و بعدة لغات والله فيها الشغلة فائدة للكل
|
اقتباس:
|
| الساعة بإيدك هلق يا سيدي 05:01 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون