أخوية - النصف الممتلئ من الكأس .. تعرفوه ؟؟.. انا الذي شربته .. !!! (نضال معلوف)

قريت كتير عن النص المليان بالموقع, هالكام يوم.
قام هلق شفت هالمقال لنضال معلوف على سيريا نيوز (وكأنو عم يقرا الموقع عنا)

*يا سيدي الكهرباء مقطوعة ..
- انظر الى النصف الملآن من الكأس .. انتاجنا سكطعش مليون وات ولدينا سد الفرات وسد زيزون ( رحمه الله ) وبحيرة ونهر وبرك ماء .. والربط الخماسي .. واستوردنا الكبل السداسي .. ونسبة تنفيذنا 140% وانفقنا .. استوردنا .. انجزنا .. ركبّنا .. نورونا ..

* يا سيدي الطرقات محفرة ..
- انظر الى النصف الملآن من الكأس .. انت تعترف بان لدينا طرقات ، وهي معبدة ، واذا قست نسبة الحفر الى الـ "مو حفر" ستجد ان "مو الحفر " اكثر ، بعدين الحفر هي استثمارات عظيمة بتشغل "الدوزنجية" ودكاترة العظمية وحرامية البلدية ومغاسل السيارات ( خاصة في الايام الماطرة ).. وفوق هذا كله تشجع السياحة وتستقدم سيارات الدفع الرباعي التي تهوى السير على الطرقات الوعرة ..

* يا سيدي النظافة ..
- انظر الى النصف الملآن من الكأس .. و بالعكس يا ابني القمامة تدلل على الاستهلاك .. والاستهلاك دليل على الشراء ولكي يشتري الناس يعني معهون مصاري ، ومعهون مصاري يعني عم يشتغلوا (او يسرقوا ) يعني مدبرين حالون وشو بدنا احسن من هيك ..

* ياسيدي المشافي تغص بزوارها ولا يوجد عناية كافية ..
- انظر الى النصف الملآن من الكأس ,, واحسبها معي يعني بضميرك اذا حسبنا عدد الناس يلي بالمشفى وعدد الناس خارج المشفى .. بيطلع معنا انه الذين خارج المشفى اكثر ، يعني الاصحاء اكثر من المرضى ,, يعني الصحة ببلدنا بخير ..

** طيب السير والازدحام المروري ..
- النصف الملآن .. يعني السيارات عم تكتر ,, يعني الناس صاروا عندنا اثرياء ، هذا بالاضافة الى اننا نكون قد ادخلنا الى بلادنا الـ " رش اور " ( rush hour ) وبالعكس طورناها وسويناها "رش اول ذي دي " ( rush all the day ) ...

*طيب الحوادث ..
- خفضنا نسبة النمو السكاني .. ملآااااان ..

*الصرف الصحي ..
- النصف الملآن .. يعني الناس عم تأكل منيح و تصرف ..

*غلاء العقارات وازمة المساكن ..
- انتعاش السوق .. ملآااان

* ارتفاع الاسعار ..
- ارتفاع مؤشر الاستهلاك وزيادة الطلب .. ملآااااان ..

* الغبار ..
- بناء وتعمير ,, والاشغال مزدهرة .. ملآاااااان ..

* التلوث ..
- نوسع ثقب الاوزون لتسهيل وصول المتوفين الى الجنة .. ملآااااان ..

* الضجيج ..
- ونس .. ملآاااان

* الفوضى ,,
- خلاقة .. ملآاااان

* الانترنت ..
- انا الحمد الله .. انت كيف ..

* انا عطشان الماء مقطوعة عندنا منذ اكثر من سبعة ايام ..

مددت يدي الى الكأس وشربت ذاك النصف اللعين الملآاااااااان الذي فيه ..

* لم يعد .. ملآااااااااان .. الآاااان ..

- حسنٌ .. ما زال لدينا الكأس .. انت تعرف بلدنا صحراوية ولدينا رمل كثير وكل 200 غ رمل يصنع لنا كأس .. يعني سكطعش مليون متر مضلع من الرمل يعني ترليون كأس يعني سنصبح من الدول المصدرة للكأس ..

سا .. سو .. سي .. سوف ..

والى اللقاء في العام 2047

نضال معلوف
سيريانيوز

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -