|
اذا لحقق شرطي شو بتساوي
شدوا حيلكم وساوو متله نصيحة مجربة (100%)
على شي أستراد ، واحد مسرع كتير وقفه الشرطي على جنب نزل الشرطي ودار بينهم هالحديث : الشرطي : ممكن رخصة السواقة؟ السائق :آسف رخصتي ملغية لأنها أنتهت وما جددتها الشرطي : طيب أوراق ملكية السيارة؟ السائق : هي مو سيارتي ، أنا سارقتها . الشرطي : عمتقول السيارة مسروقة ؟ السائق : أي متل ما سمعت ، بس ثانية تذكرت شغلة ، يمكن شفت أوراق ملكية السيارة في درج السيارة لما حطيت مسدسي فيه. الشرطي : معك بدرج السيارة مسدس كمان ؟ السائق : أي حبيبي ، حطيته بعد ما قتلت صاحب السيارة وحطيت جثته في صندوق السيارة الشرطي : وفيه جثة معك في السيارة ؟ السائق : أي نعم. المسكين الشرطي سمع ها الكلام قام على طول صوب المسدس على السائق وقال له ولا حركة ، وحاكا الضابط المناوب تبعه وبلغه باللي سمعو من السائق وبسرعة اجت سيارات الشرطة وحاصروا السيارة ( متل ما بتعرفوا سيارات شرطة) ، اجا الضابط وقرب من عند السائق وقال أتأكد أول . الضابط : ممكن أشوف رخصة السواقة ؟ السائق : أكيد ، تفضل ،وكانت الرخصة سليمة. الضابط : سيارة مين هي ؟ السائق : سيارتي، وهي وراق ملكيتها. الضابط : لو سمحت تفتح الدرج بهدوء عشان أشوف إذا كان فيه مسدس؟ السائق :شو مسدس ما مسدس ، شوف ما فيه أي شي بالدرج. الضابط : طيب إذا سمحت تفتح صندوق السيارة خبروني أنك قلت أنو فيه جثة. السائق : ما فيه مشكلة ، الصندوق أنفتح ، ما فيه أي جثة ..؟؟ الضابط : شيء غريب ، الشرطي اللي وقفك قال أنك قلت له أن ما معك رخصة وسرقت السيارة ومعك في الدرج مسدس وفيه جثة بصندوق السيارة . السائق : لا اله الا الله .. .. لهون وصل الكذاب ، أكيد كمان قالك أني مسرع .. |
بس منشان ما يدفع ال25 ليرة:shock::o
|
حلوة
شايفا بمرايا :larg: |
حبيبي زادو المعشات وما عاد قبلوا بـ 25 صار بدون 50 واكتر
بيعد بخترعلك 100 قصة مشان يكتبك مخالفة ( سرعة - حزام امان - ليش ماشي بطيئ .......إلخ) |
| الساعة بإيدك هلق يا سيدي 02:35 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون