|
مصادر سورية تحذر من التدهور المعيشي وتصفه بالكارثي
 حذّرت مصادر حقوقية سورية من التدهور المعيشي في سورية ووصفته بـ "المرعب"، وقالت إن هذا التدهور سيؤدي إلى "محو الطبقة الوسطى" في البلاد، وشددت على ضرورة "حصول كل مواطن سوري على حصته من اقتصاد بلده". وأشارت منظمة حقوق الإنسان في سورية (ماف)، إلى أن الغلاء الفاحش طال الموظفين والفلاحين، وصغار المهنيين والحرفيين (الطبقة الوسطى)، إلى درجة وجود جوع حقيقي في شرائح واسعة من المجتمع، ما أدى برأيها إلى "انتشار التردّي الأخلاقي، وضروب الانحلال، وأعمال السرقة وغير ذلك". وناشدت الجهات المعنية العليا في الدولة "الحفاظ على كرامة المواطن، من خلال تأمين أمور المواطنين المعيشية والاقتصادية"، كذلك "القضاء على البطالة"، و"توزيع مخصّصات شهرية" للأسر الأكثر فقراً، و"إجراء إحصاءات سريعة لمعرفة أعداد المعوزين"، و"ضبط أسعار المواد التموينية، ومعاقبة التجار الجشعين، وكردياً "تنشيط الحياة الاقتصادية في المناطق الكردية"، وأخيراً "السماح لفلاحي منطقة الجزيرة بزراعة الخضار، بعد أن تم منعها". ونبّهت من وصول الأمور إلى حد "كارثي، لا يمكن السكوت عنه"، ورفضت معالجة الأحوال الاقتصادية بـ "الوصفات الخلبية الخادعة كما يتم حتى الآن". وفي هذا الصدد تقول مصادر حكومية سورية إن قراراً برفع الدعم الحكومي على المحروقات سيصدر قريباً، الأمر الذي سيؤثر بشكل كبير جداً على المستوى المعيشي للشريحة العظمى من السوريين، خاصة وأن زيادة البنزين ستكون على الأقل بزيادة 100% عن سعره الحالي. وكانت البلاد شهدت خلال السنوات الأربعة الماضية طفرات كبيرة في زيادة الأسعار، بحيث قاربت برأي المراقبين أسعار دول الجوار (لبنان والأردن)، فيما دخل المواطن السوري لا يتجاوز بأحسن حال 40% من رواتب دول الجوار. ويبلغ متوسط دخل الفرد في سورية نحو 2200 دولار سنوياً، فيما يبلغ في لبنان أكثر من 6000 وفي الأردن أكثر من 7000. ويرى السوريين أن الحكومة السورية تناقض نفسها، ففي الوقت الذي تقول فيه أنها لن ترفع الدعم وتنتهج اقتصاد السوق (الاجتماعي)، الذي يضمن توزيع موارد البلاد على المواطنين، تقوم برفع الدعم خلسة، وفرض ضرائب كبيرة ومتعددة على المواطنين أصبحت وفقاً لمصادر رسمية، 27 ضريبة مختلفة على كل أسرة، كما تقوم بتحرير أسعار العديد من المواد الأساسية. سورية الحرة |
يا ماما اليوم مصرح وزير النفط ان المخزون ممكن يكفي لمدة 30 سنة و ممكن يعيدوا النظر بسعر المحروقات
و بالنسبة لللبلد اللي عايشين بخيرها و الله يحمي ترابها صدقي انها من البلدان الجيدة بس بدها اللي يحبها بصدق انزلي على السوف بتلافي الفقير عم يشتري و الغني عم يشتري يعني ما حدا بنام جوعان انزلي على المشافي الحكومية ((انشاء الله ما تعتازيها )) شوفي الخدمات اللي عم تتقدم لابن البلد و لجيرانا اللبنانيين اللي بين فيهن الخير عايشين بنعيم اكيد مو العيشة اللي انا و انت بنتمنى نعيشها بس صدقي عيشة كريمة |
اقتباس:
بظن هالكلام فيه كتير من المبالغة و بذكرنا بكلام عبد الحليم خدام ..( أنو الشعب السوري عم يقتات من المزابل ) اقتباس:
مو صحيح أنو الاسعار عنا قريبة من الاسعار بالاردن و لبنان االاردن بتحتل المرتبة 19 بين أغلى الدول بالعالم بالنسبة لأسعار المواد الاستهلاكية و لبنان احتكاكي معو بشكل يومي و الاسعار عندهون بعكسنا تماماً يعني المواد الاساسية ( متل المواد الغذائية و الصحة و التعليم و ....) كتير غالية بينما السلع الثانوية ( متل الاجهزة الكهربائية و السيارات ,,) ف رخيصة نسبياً |
لك سوريا واسعار سوريا مليووووووووووووووووووون رحمة بالنسبة للاردن....:x
بعدين الاردن فيي طبقتين فقط لا غير...غني + فقير...بي..... بسوريا لسا ع الاقل عنا الطبقات الثلاث.... |
بصراحة مطلقة
اي خبر من (سورية الحرة :shock:)!!!!!!!! عالزبالة دغري وما حدا يزعل |
اقتباس:
اقتباس:
اتفق مع " ما بعرف " بس انو طلعو معي دايما في باخبارن مصادر بترفض التصريح عن اسما .. انو بفهم أنو وقت الأمر مخابراتي .. والو علاقة بأمن الدولة المصدر يخاف يقول اسمو بس موضوع اقتصادي .. مصاااااادر حقوقية " شو خص حقوقية بالاقتصاد :shock: " ما فهمت كيف وصفوه بالمرعب هدول المصادر .. وقفو كلن سوا .. وصارو يصيحو ؟ :lol: لأ وحاططا محرر الخبر بين قوسين .. " وقت بيحطو شي بين قوسين انو هادا مانو حكي الجريدة هادا نقلا عن المصدر " .. بعدين .. مصادر من الحكومة السورية ؟ لك مين هدول .. كمان ليش هدول مخبين اسامين .. :frown: يعني مين الوزير الموظف .. لك أيا كان اللي قلن برفع السعر ؟. وأخيرا ً التسالي بأن السوريين ؟ " علما انو لازم تكون السوريون .. يرى السوريون .. لأنو فاعل :lol: " هيك طلع معو المحرر .. أنو السوريون هيك عم يشوفو ... كلن هيك ..قولة رجل واحد هيك عم يشوفو في مشكلة اقتصادية بسوريا .. أي في .. طبعا ً في .. بالحجم اللي عم تقولو الصحيفة الهبلة .. ما بعتقد :D |
يا هلا فيكون madona Madmax ما بعرف butterfly مرسي عالمرور ومرسي على رايكون .. وبالنسبة للخبر انا مابعرف الطبقة الفقيرة من الناس بسوريا وكيف عايشة بعرف انو في فقراء بس لدرجة الجوع هي مابعرفها ولما قريت هالخبر بسوريا الحرة حبيت انقلكون اياه لاسمع اراكون وتعليقون عالموضوع .. :D:D:D |
اقتباس:
|
اقتباس:
بس بضل انو لما يكون الدخل أعلى بكون اقل صعوبة عالمواطن .. التعليم .. كتير غالي خصوصا بالجامعات .. أما المرحلة الاساسية الها رسوم رمزية جدا .. الصحة .. تقريبا الكل مأمن سواء موظفي الحكومة وعائلاتهم، الجيش (العسكريين)، الأطفال دون السادسة، والتامين الخاص .. غير عن الديوان الملكي اللي بأمن علاج للي ما معو .. المحروقات غالية جداً وبعض المواد الاستهلاكية ... والضرايب عم يخترعولنا ياها اختراع .. بس المواد الغذائية الاساسية لا بأس بس انا شخصيا (وبكل تواضع:ss:) مو راضية عن اسعارها .. هاي فكرة عن شو بصير عنا بالأردن بما انو انذكر هالشي.. |
اقتباس:
كلامك بكل تاكيد بينطبق على عمان .. وحتى انو الاردن من أغلى 19 دولة بالعالم .. (هاي بعمان) .. بس بظن بباقي المحافظات لسا الطبقة المتوسطة ما شي حالها .. الشي الحلو بسوريا انو اللي ما معو بيقدر يعيش .. عنا اللي ما معو ... :pos: |
اقتباس:
اقتباس:
|
اقتباس:
و الله هي سمعة جديدة و نغمة جديدة كمان قال شو" كرديا" و كمان " في المناطق الكردية" و كأنو صار في عنا مناطق كردية مستقلة و صرنا نحكي بالنواحي الكردية و كأنها مجتمع مستقل بذاتو عن المجتمع السوري أو يللي عم يصير عليه ما عم يصير ع المواطن السوري شو هيييييييييييي النزعة العرقية المعلنة ؟؟؟؟؟؟؟؟!!!!!!!!! :x شايف بلشنا نحكي متل يللي عم يصير بالعراق "على الناحية السنية ، و على الناحية الشيعية ، و الناحية الكردية ، و و و و وإلخ ..................... ناقصنا والله أقليات عرقية تجي و بدها تعمل دويلات بقلب الدولة المقال كللو بكفة و هي العبارة بكفة هي إسفين عم يندق يقلب بالوحدة الوطنية السورية و نحنا كسورييين لازم نرفضها و نتمسك بوحدتنا و انتمائنا للوطن الواحد بغض النظر عن الدين و الطائفة و العرق و بسسسسسسسسس ............................... :jakoush::jakoush::jakoush::jakoush: |
اقتباس:
اما بس عزكر باقي المحافظات يا ريت تركبي بسياره وتمشي كم كيلو متر عن عمان محافظه ما رح اقلك اسمها الاراضي فيها قربت عالمليون والشقق نفس عمان الغربيه وكمان اجرة المحلات التجارية ازا شفت الاندلسيه والكنجز اكاديمي وكم جامعه بتتبنى عطراف عمان كمان سنه سنتين رح تشوفي مدن جديده بالعكس هلا المشاريع لجديده بتبعد عن وسط المدينه |
сойти ... |
اقتباس:
وفعلا انا ما بعرف شو في بالمحافظات عم بحكي عن عمان .... |
| الساعة بإيدك هلق يا سيدي 22:01 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون