|
يا خيو مصطلحات حلبية
لقيت انو بعض الاخوة والاخوات مابيعرفوا المصطلحات الحلبية فحبيت اشرحلهن ياهن واكيد اللي بيعرف غير هدول يضيفون مشان نفيد الاخوة غير الحلبية
جدبة : يعني مجنونة سكرتون: يعني خزانة ابوس روحك : للمدح ورصاص : يعني دعاء بالموت وايضا يبلاك بيقتلك يعني دعاء بالقتل والضرب لاتجقجق يعني لاتدوس على الماء ( هي اذا كان الارض مغسولة) بتاتا يعني البطاطا (البطاطس ) مجأجأ ...... مرطب عوجة .... كوع خلء .... عالم و كلكم تعرفون أغنية فيروز ( شئد في خلء عالعوجة تنطر خلء ) إمتازت اللهجه الحلبيه .. بأدوات إشاره خاصه فينا .. يعني العرب كلهون كوم .. ونحن كوم تاني .. وهنن كوهنه ... للمذكر القريب كيهنه .. للمؤنث القريب كوهاك .. للمذكر البعيد كيهاك .. للمؤنث البعيد كوهاكين .. لجمع المذكر البعدين كيهاكين .. لجمع المؤنث البعدي كوهنن .. لجمع المذكر القريب كيهنن .. لجمع المؤنث القريب وطبعا للسهولة في اختصارات كمان إختصار المذكر القريب . . كو إختصار المؤنث القريب .. كه ومن الأختصارت أيضا : تاااا بدل من تعال رووو بدل من روح ما راي بدل من مالي رايح ابخالتي بدل من ابن خالتي شأساعه بدل من شقد الساعة اشلك فصتون يعني بالشامي شو بدك فيون ونانتي يعني جدتي وكمان : جنق ... هي الصحن فرتيكه .. هي الشوكه خوليه .. هي البشكير أرماغان .. هي الهديه جمجايه .. هي يعني معلقه السكب المقعره أستنوا لسا ماخلصت اشبكن في كمان خيت وخيتو --- يعني أختي خاي وخيو ---يعني أخي جلق --- دمه ثقيل اشبك --- سؤال استفسار وجع --- دعاء بالالم خوته --- معه صراع فلته --- واحد شاطر كرتاية ----> سكجا يلي بتدخل فيها اكندرة أنضرة ----> الكندرة بانجان----> باذنجان دي بقا ----> لك لك علوّا .... اي يا حبذا |
يبيلي احفظهم :yahoo:
|
انووو ما بنحكي نحنا هيك .............. مبالغ فيهم
هدوول من عصر باب الحديد :frown: |
مو عصر باب الحديد:jakoush:
اكدي ع حالك بتلاقي انك بتستخدمي 80 بالمية منهن |
سكرتون: يعني خزانة انوو شو هاد سكرتوون ... ليكون كرتون ;-)
يبلاك بيقتلك يعني دعاء بالقتل والضرب اي هي انا بقولها لما بكون معصبه .. بتاتا يعني البطاطا (البطاطس ) بتاتا ,,,,,,,,,, يلعن اخت الدلع .... بطاطا :shock: مجأجأ ...... مرطب هي وحياه الله اول مره بسمع فيها عوجة .... كوع عوجه ... كوع :shock: مابعرف بظن معناها ملف :? و كلكم تعرفون أغنية فيروز ( شئد في خلء عالعوجة تنطر خلء ) :shock::shock::shock: إمتازت اللهجه الحلبيه .. بأدوات إشاره خاصه فينا .. يعني العرب كوهاك .. للمذكر البعيد كوهاك .... مين هاد صيني كيهاك .. للمؤنث البعيد اهااا :shock: كوهاكين .. لجمع المذكر البعدين لا انا بحب الكوكايين :pos: كيهاكين .. لجمع المؤنث البعدي والله طلعت عربيتي زفت ... كيهاكين :shock: ومن الأختصارت أيضا : تاااا بدل من تعال انوو قلوو تاااااااااا .... قلو ليش تاا .. ما تااا .. والله بنقولها تعا موو تاااااااا .... بكون هاد حلبي عم يتعلم يحكي :o رووو بدل من روح روو .... اي هي ام الرووووووور .. يعني انا ما راي بدل من مالي رايح ماراي ممثل هندي عيونو زرق بس عدسات ابخالتي بدل من ابن خالتي .... هي من باب الحديد ... ابعمتي ههههههههه حلوووة والله لصيح من هون ورايح لابن خالي ابخالتي :lol: تسالي شأساعه بدل من شقد الساعة لا بنقول شقد الساعه ونانتي يعني جدتي نانتي بتسلم عليكي .... رح تطبخلي اكلات مابحبها بس انزل على حلب :o وكمان : جنق ... هي الصحن شنق ... مو جنق ... بس كمان نادرا ما اسمعها فرتيكه .. هي الشوكه انووو هي وحياه اختي مابعرفها .. فرتيكه :lol: خوليه .. هي البشكيرمين هاد بيطلع بالمسلسلات المكسيسكيه:melody: أرماغان .. هي الهديه اي ... الغايب الك والارمغان الي ...:p جمجايه .. هي يعني معلقه السكب المقعره مابعرف .. سالت ماما قال شمشايه بقولو خوته --- معه صراع :shock::shock::shock: فلته --- واحد شاطر :shock::shock::shock: كرتاية ----> سكجا يلي بتدخل فيها اكندرة اي بنسميها كارتاي :jakoush::jakoush::jakoush::jakoush::jakoush::jako ush::jakoush::jakoush: |
دلوعة شو يعني حمصي بالحلبي:o
|
اقتباس:
|
اقتباس:
لا تجأجأي ع الحلبية ترا لسان الحلبية أطول منو ما في . :p |
اقتباس:
|
اقتباس:
اقعود اعويج وحكي جيلس:p |
اقتباس:
|
اقتباس:
ا نعست |
اقتباس:
نعست |
اقتباس:
انت قلت اعويج .... هي نفسها كوع :shock: |
اقتباس:
لاني عم رك عالعربي :o |
أنا قضيت 6 سنين من عمري بحلب ... وبصراحة سمعان معظم هالمصطلحات يلي انزكروا فوق... وحابب ضيف كام شغلة : فرشخانة: المجرود (ما بعرف إذا بتعرفو شو يعني مجرود :p) كنجفة: ورق اللعب (الشدة) سيوي: دغري أو طول بالحمصي تاسومة: كندرة آخر شي مع مقولتين بالحلبي مهضومات: 1-عجب رجب نجح إلا رسب ؟؟ 2- إش في فالسما؟ في قاق طب، إش عبسوي؟ عبمجد ربو الخلاق.. وطبعاً لازم حرف الألف في كلمتي (قاق ، خلاق) تقروهون ع العريض... وسلام من القلب للحلبية .... يا مو على الله... :D:D |
اقتباس:
الله يعينك كيف حفطتون صارلي نص ساعة حاول أقراهون:oops: يسلموا فارس ويسلموا للقطة |
اقتباس:
|
| الساعة بإيدك هلق يا سيدي 16:14 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون