|
اعلن انسحابي
جائتني رساله خاصه من احد الاعضاء يدعوني فيه لزياره احد المواقع الاباحيه ، لم اتخيل ان موقع اخويه يوصل الى هذه ا لدرجه من السخف ، لذا قررت ان انسحب من هذا الموقع الذي اصبح ينشر الفساد والرذيله باسم الحريه ، بعرف انه بغيابي ما رح يأثر شي عليكم ، وبعرف انكم رح تردو علي ردود سخيفه، بس حبيت انزل هالموضوع لتعرفوا كيف صارموقع اخويه
موقع اخويه هو موقع يضع السم بالدسم يجعل الفضيله رذيله والرذيله فضيله يجعل الحق باطل والباطل حق موقع يدعوا الى الفساد بمسمى الحريه الشخصيه موقع عنصري متطرف حاقد وفي النهايه اصبح ينشر المواقع الاباحيه للاعضاء ما هو الهدف من وراء ذلك لا ادري تحيااااااااتي |
اقتباس:
الأدارة اللي بعتتلك الرابط ؟؟ :lol: لأنو إذا صحيح .. يعني الأقربون أولى بالمعروف :o شوفي حبيبي .. هي اخطاء افراد ... أكيد أخوية ما بترضى عنها .. فكبري عقلك .. وبدون شعارات :fglasses: |
اقتباس:
وبعدين .. بس يجيكي من رسالة خاصة من شي امين او مشرف او منسق وعما يدعوكي تدخلي على شي موفع اباحي .. فبقلك انو اخوية هي هدفا هيك وعما تعمل دعاية لهالمواقع .. اما لانو واحد مدري مين هوي ومدري منين جاي ومدري شو بيساوي بالحياة .. فبقلك انو ما معك حق تعملي هيك .. وما معك حك تتهمي الاخوية كلة من ورا تصرفات شخص .. يعني مثلا اذا واحد ضاف حالو عندك عالمسنجر وبعتلك موقع اباحي .. ما رح تبطلي تستخدمي المسنجر .. بس بحزفيلو ايميلو .. بس يجكي ايميل فيو شي غلط .. ما بتبطلي تفتحي ايميلك لانو عما يدعو للرزيلية .. بس بتعملي بلوك للمرسل .. بس تفتح شي صفحة اعلانية بشي موقع فيا شي صور رزيلية .. ما بتبطلي تستخدمي الانترنت .. بس بتسكري هاي الصفحة وكانو ما صار شي وبتكفي شغل عادي .. مشان هيك بدك تتطولي بالك شوي وتاخدي الموضوع برواق اكتر . انتي لحالك قلتي انو ما رح تفرق شي مع الاخوية اذا انتي رحتي .. بس انو يعني حرام الاخوية تخسر عالم متلك من ورا لعب ولاد صغار بس بيحبو يسكو الازاز وهني ماشين .. يعني هادا اجا اليوم وبيروح بكرا .. ما هادا هوي الي بيعبر عن الاخوية الي انتي بتعرفية .. ومرة تاني فكري بالموضوع مرة تاني .. ولا تقرري هيك بسرعة .. سلامات :D |
اقتباس:
هل لكي ان تشكري ابويك عني و تقولي,بروكت اياد ربت فأحسنت... اخوكي سدير |
اقتباس:
|
اقتباس:
إذا شي عضو حمار ابن ستين حمار بعتلك رسالة فيّا موقع جنسي .. معناها الموقع طائفي و متعصب و شو دخل عباس بدبّاس .. و الشباب حكو و كفو . ما رح زيد شي . عيدي التفكير بقرارك . :D اقتباس:
و مدام عاجبك تصرفا و عبتهنيّا . شو رأيك تسبقا و تنسحب و تنزل موضوع انك بدك تنسحب . مشان فوت أقلك و نعم المربي و نعم الموقف يلا غبّر :jakoush: |
بس بالفعل لازم يكون في مراقبة للخاص (بس وقت ما حدا يشكي) ..
|
اقتباس:
انت عنجد فاضي وماعندك هم غير تشوه هالموقع ,بصراحة انت وهالسطحي الي حاطط الموقع مابتختلفو عن بعض ...تناتنكن بتحبو تشويه كلشي حلو اذا الموقع ماعجبك فساعتها ياريت تقحط وياريت بقا ادارة المنتدى تتصرف مع امثالكم انت وهداك ابو مرجة |
اقتباس:
|
انا براييي تبعتيلو مسبات وتلعني اليوم اللي اتولد فيه.واخوية ما الها ذنب. في شخص احقر منو اذا بتتذكري اجا السنةالماضية وحط مواضيع اباحية وبرمشة عين المشرفين حذفو المواضيع وصار الشخص الحقير بخبر كان.بدنا ياكي توقفي معنا ضد هالحيوانات اللي بتفضى بفصل الصيف وبتحاول توقع اعضاء اخوية.ما تنسحبي بنت الاكارم ضلك معنا بليييييز.:D
|
اقتباس:
|
اقتباس:
:? لــيش الــمراقــبه .. اذا اســـمو خــاص .. وقــت بــدو يــصير فــي مــراقــبه عـالخـاص .. بــيـكتر اكــل الــهوا عــالعام و مــعد بــصير اســمو خــاص .. بــعدين بــكل بــساطه بــيــقدر الـلي مــا بــدو رســائل خــاصه من اي حــدا مـا بــيعرفو يــختار انــو يــوصلو رســائل مــن الاداره و شــله الــحبايب فــقط ( متــلي :larg:) .. و يــريـح راســو .. :D و بنــت الاكــارم بــقلك نــفس الــشي .. اذا الـلي زاعــجك بـاخويه الرســائل فــبتقدري تســكريهم .. امــا اذا اشـــيا تــانيه فــ هممم ! ( يــمكن صــار غيــر حــديث وقتــها و مــا بـدي فـوت فــيه ) |
اقتباس:
:shock: شــو مــسبات انــت الــتانيه .. :larg: لا خــليها ارقــى منــو و هــيك نــاس مــا بيــنرد عــليهم .. |
بمناسبة هالحديث وبعد ان اسجل اسفي لبنت الأكارم
صار وقت يامشرفي أخوية تراجعوا حالكم شوي وتضعوا ضوابط وخطوط حمراء حرية الفرد تنتهي عند حرية الأخريين بعض المشرفين المعتدلين صاروا عنيفين وغوغائين ولكن لاأنسى ان أكن الاحترام والتقدير لبعضهم الاخر اللذي يعمل جاهدا على تحريك اخوية ودفعها للأمام بعد السبات اللذي اصابها ومنهم الفراشة وغيرها المهم الضوابط اين هي الحرية هي حرية التعدي على الأخريين هذه ليست حرية :pos: |
[quote=بنت الاكارم;635196]جائتني رساله خاصه من احد الاعضاء يدعوني فيه لزياره احد المواقع الاباحيه ، لم اتخيل ان موقع اخويه يوصل الى هذه ا لدرجه من السخف ، لذا قررت ان انسحب من هذا الموقع الذي اصبح ينشر الفساد والرذيله باسم الحريه ، بعرف انه بغيابي ما رح يأثر شي عليكم ، وبعرف انكم رح تردو علي ردود سخيفه، بس حبيت انزل هالموضوع لتعرفوا كيف صارموقع اخويه
انا بدي اعتذر من بنت الاكارم عالمشاركة السابقة لالي ... بس ياجماعة عنجد فار دمي لما شفت الحكي تبعها عالاخوية لان يوميا بقضي شي 3 ساعات وانا عم قلب بالمواضيع والبالفعل مارايت فيها بالمعظم غير كلشي بيفيد بس المشكلة ان من الصبح عم بقرا ردود الرفاق الي حاسبين حالهن ربنا وعم يزتو بهالنقد الجارح للاخوية وصراحة اكتثر هالواطي خلاني كتير عصب لان بالفعل شي بيهوي ..يعني عم نفتح التلفزيون بينطولنا منو عم نسمع راديو بيطلع امثال بوجهنا ولسالاحقينا عهون بجدد اعتذاري منك وبطلب منك ان لاتنسي ان الاخوية رغم انها المجتمع الحلم الي عم نحاول نعمل ونساهم فيه بس متل متل غير من الشغلات الحلوة الي كتار ناس بدن يهدموها :D:D:D |
اقتباس:
تانيا وين المنطق في انها ما تعود تستقبل خاص (نهائيا) مشان واحد متل هيك :frown: |
اقتباس:
في خيار اسمو قائمة التجاهل. اذا بتحط اي عضو فيه ما بيوصلك منو رسائل خاصة. الخيارات كلها متاحة قدام الاعضاء بس اذا انتو ما عم تستعملوها على مين بكون الحق؟؟ |
اقتباس:
|
| الساعة بإيدك هلق يا سيدي 15:53 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون