مصطلحات اردنيه ما انزل الله بها من سلطان
 

> مصطلحاااات اردنية ما انزل الله بها من سلطان :
>
>
> فكح
>
>ومعناه مزط او هرب
>
>تلولحي يا دالية
>
>تقال للشخص النحيف جدا وبترخرخ لدرجة الهبل
>
>حادي عن الراس واذرب
>
>بلهجة اهل اربد والمعنى وفي مقوله اخرى حيد عن الراس واذرب
>وتقال في الطوش او الخناقات انه يعني ما تعمل عمل كبير تندم عليه
>ولكان حاول توجع بشكل غير مباشر
>يعني لا تضرب واحد على راسه تنبلي فيه
>
>إحفظ هالّلطش
>
>يقولها من أدى خدمة لحدا ومحملوا جميلة عليها
>
>طقع - بكسر القاف
>
>يقال انها كلمة دخيلة وأصبحت متداولة ومنشؤها الزرقا(مجمع الباصات ) وبالأخص
>من شوفيرية السرافيس الكوستر وتعني اشي روعة ومنيح جثير
>
>فايـع/ فايـعة
>
>وتقال للبنت والولد اللي ماشيين عل الموظة أو على حل شعرهم أو شايفين حالهم -
>للتوضيح يعني من مناطق عمان الغربية وبالأخص عبدون وأخواتها
>
>هاك
>يعني خذ او القف.. بس من غير نفس
>
>بتتخوث يا ملوّث
>
>تقال لمن يحاول أن يخفف دمه وبتهبّل وهو فيش أزنخ من دمّو
>
>
>
>يلعن روما
>مسبة قاسية جدا تقال عند الغضب بدل من سب الدين
> مشرّت - بكسر الرا وفتح الشين
>تقال عادة للظاربة فيوزاته او ولا حبة
>
>الطنجير
>يقال انها من اصل طنجرة وتقال للشخص اللي مثل اللوح ومش عارف وين الله حاطّه
>
>
>الشنتير
>تقال للشخص اللي حجمه كبير وعالفاظي
>
>
>
>فستق فاظي
>
>تقال للشخص اللي بحكي كتير وما بعمل اشي
>
>
>سحنة
>
>معناها ملامح وجه الواحد ... ويا محلا هالسحن
>
>
>
>يسنحك
>
>معذرة ... ما زال البحث جاري عن معناها
>
>
>
>
>
>كزدر
> وتستعمل في المناطق الأقل حظا
>
>
>منغنغ- الله يطعمنا
>
>معناها معاه فلوس كثيرة وجيبته مليانة مصاري
>

فعلا طقع .. بفتح الطا وكسر القاف وتسكين العين ..


ضحكتيني وانا مو جاي عبالي اضحك ... بس جد نهفة ..

خدي هاي عندك ..

نهفة .. بمعنى ما يضحك ..

شلفنا= يعني هربنا


شكرا والله انك طكع

90% منهم بعرفهم !!
في كمان
هاتي درر

في عندك :

سلاّل : تستخدم لمّا تكون الحصة في المنطقة ومشان تغيّر الموضوع

مقلّع : قديم وخبير

مقحّف : صيغة مبالغة من مقلّع

..


إلخ

هههههههههههههههههههههههه هههههههههههههه

:lol::lol::lol::lol:

عنجد كتيييير حلوين و3/4 عجبوني

شكررا

الأولى بعرفها .. بس التانية ..

التانية بتقدري تقولي (زرقاوية) ..

وعندك كمان :-

شقفة : بنت جميلة
جمل : بنت جسمها حلو
سمكة : = = =

قِرِن : الي بيشوف اختو مع شباب وما بتفرق معو
ويمكن استخدام (قرن) كذلك للتعبير عن (المقلّع)

يعني نفس الكلمة لأكتر من معنى



.. يتبع

بستنى المصطلحات الجديدة ..

ههه حلوه هاي رح ضيفها للقاموس :lol:

:lol: يسلمو انتو اللي طكع لوما في اعضاء امامير زيكم كان ما الها اهميه هاي المواضيع :sosweet:

هدول يلي عندي اياهم حاليا وبس ينزل اشي جديد على الساحه ببقى اخبركم :Dيسلمو على كلن

هههههههه هدول اول مره بسمع فيهم :lol:

عفوا ياسمينا

يسلمو على المرور

واحد كركي (بفتح أول كاف و راء ) بيحكي لصاحبو كيف يسوق السيارة :
" تدج السلف , تجيب المتلولح و تلزّه (بفتح الزين و سكون الهاء ) يمّch (بفتح الياء و الميم و سكون ال ch ),
تلف الchعchة (سكون أول ch و فتح العين و ال ch الثانية ) , و تغدي (بفتح التاء ) بيch "