|
مع ولا ضدد؟
عقوبة الإعدام تطبق هذه العقوبة في 68 دولة حول العالم
من بينها كوريا الجنوبية , الصين, الولايات المتحدة الامريكية, الدول العربية الا تونس . اما عقوبة الاعدام ملغية من قوانين دول امريكا اللاتينية, استراليا, نيوزلندا, تركيا, كندا, الفيلبين, الاتحاد الاوربي, جنوب افريقيا. هي معلومات صغيرة كتير عن تنفيذ حكم الاعدام ... و يلي عندو معلومات حديثة عن تطبيق حكم الاعدام يا ريت يكتبلنا ياها مشكورين سلفاااا.... بصراحة كتير من المرات دخلت بمناقشات انو يا ترى تطبيق حكم الاعدام على المجرم مهما كان الجرم كبير صح و لا غلط .... و هلا حابة اسمع آراكون اذا انت شخصيا مع تطبيق حكم الاعدام ولا مع الغاء حكم الاعدام ؟ و ليش؟ |
انا برأيي انو الاعدام أحسن من السجن المؤبد :ss:
وبعدين أنا بعرف انو انلغى الاعدام بالأردن كمان :? |
اقتباس:
ضد العقوبة:x:x بتعرفو ليش لانو يمكن هالعقوبة تقتل اي رغبة في التحول من السيء الى الحسن هيك بعتقد لانو كتير عقوبة الاعدااااام لانو الهدف من العقوبة بالدرجة الاولى هوي الاصلاااح مو العكس و ميرسي و بتاثر باي شي اسمو اعدااام حتى لو لقتال قتلااا موتو بتثر فيي كتير |
انا ضد العقوبة للأسباب يللي قالتا راديا
|
انا مع عقوبة الاعدام بس بتقنينها شوية
من قتل يقتل يعنى فى فاسدين اقل شى عليهم انهم ينعدموا |
حسب الجريمة .. مثلا شي دفاع عن النفس ..
او انو الشخص مظلوم او صاير معو ظروف والاول مرة بيرتكب جريمة وهيي نفسيتو مش هيك ابدا هون انا ضد الاعدام بس !! ... واحد مجرم وفاسد وظالم وبيعمل مجازر بالعالم لو انا بايدي عذبتو وعدمتو ما بقول لا وهون انا بقصد .. الاشخاص يلي شايفي منن الاذى والظلم .. اسرائيلي .. امريكي .. او شي شخص ما الو دخل حتى بالسياسة يكون ظالم الله يبعد ولاد الحرام عننا :pos: |
متل ما بقولوا
يا ما بالسجن مظاليم ... بس اذا صار يا ما انعدم مظاليم ....فهون الكارثة ... لأنو هاد حكم لا رجعة فيه و مستحيل يتصحح بعد تنفيذو و اذا اعدموا بريء واحد كل مليون حالة اعدام .... برأيي هاد سبب كافي ليلغوا الحكم كما أنو في أحكام كتير ...يمكن تكون أصعب عالمجرم من حكم الاعدام أنا ضد حكم الاعدام ..............................و بشدة |
انا ضد حكم الاعدام بس بحسب الحاله والجريمه يعني الممرضات يلي حقنوا مرض الايدز بالبيبي بستحقوا الاعدام ميت مره
|
انا كمان ضد لان حتى لو كان قاتل فانا بؤمن ان هو مريض خرج الواحد يداوي ثم المجتمع خسر انسان بفعل القتل ومنازم يخسر واحد جديد باسم العدالة
هلق المشكلة ان ببلدانا الحكي الي عم احكي نظري لان قصة اصلاح حدى وصل لجريمة القتل كتير مكلفة وبدها طولة بال بالاضافة واعتماد على مبدا الرشوة ساعتها كل فترة بيقتل شي واحد حدى وبيفوت عالمصح وبيعيش هونيك عمبدا فندق 5 نجوم وحتي يمكن بعد فترة بيدبر شهادة من الدكاترة ان صار حبوب و صالح وهاد راح ينعكس بشكل كتير سلبي عالمجتمع الي منو ناقص مشاكل فوق مشاكل :pos: |
ولكم شو صايرلنكن انتو
يعني عم تقولوا حتــــــــــــــــــى لو كان مجرم ما بيستحق الاعدام شو بتحكووووو انتووووو هلء بعيـــــــــــــــــــد الشر عنكن وعن يلي بتحبوهن اذا صارت وواحد قتل حدا بتحبو كتـــــير خلينا نقول من اهلكن من اصحابكن .. ( من اعز الناس ) وهيدا الشخص صار عامل عمليات قتل كتيرة بحق ناس مظاليم هلءءءءء ما بتحبو انو ينعدم !! وانتو ضد انو ينعدم !! اي روحووووووواااااا يااااا كل واحد يقيسا على حالو |
يعني انا اشوف جاسوس او سفاح او اي مجرم يستاهل الشنق و محكمش عليه بالاعدام ديكانت الدنيا كلها بقت مجرمة انا طبعا مع تطبيق عقوبة الاعدام |
ضد
للنفس الإنسانية مع أذا النفس حيوانية شرسة ... |
رح صعبها عليكن
ايها احسن العين بالعين والسن بالسن ولا الاعدام |
حكم الاعدام .. أنا مع حكم الاعدام .. وبشدة .. شرط أنو يتطبق فقط في بلاد العرب أوطاني ..
لأنو العربي .. ما بيتعظ غير بالدبح . |
1 ملف مرفق .
بنصحكون تشوفوا هالفيلم بعالج الموضوع بطريقة علمية كتير حلوة |
حسب
بجرائم الحرب و الجرائم ضد الأطفال و العجزة و إذا واحد عنجد كان سفاح أي مع ومع ومع ومع ومع ومع ومع أنو إذا واحد قتل واحد بساعة غضب ضروري يموتوا التنين لا بينحبس 17 سنة و بيرجع معقولة بيتمنى لو يموت مية مرة إلا إذا كان بميريديان عدرا المركزي |
اقتباس:
يعني عن جد انسطلت لما حضرتو |
الجزاء من جنس العمل
ويلي بيقتل نفس بريئة بوحشية او يلي بيقتل شباااب كتار بمتاجرته بالمخدرات او او يعني شو لازم يكون مصيرن؟؟؟؟ ((بشر القاتل بالقتل ولو بعد حين))هاد رايي |
| الساعة بإيدك هلق يا سيدي 09:12 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون