|
التزمير ببلدنا
إذا صار عندنا عرس
بنزمر إذا نجحلنا حدا بالبكالوريا بنزمر قبل ما تفتح الإشارة الضوئية بنزمر بعد ما تفتح الإشارة كمان بنزمر على الدوار و على النزلة على الطلعة بنزمر إذا طول علينا الشرطي وهو موقفنا مشان نذكره بنزمر أما إذا حد كسر علينا بالغلط أو بالقصد أكيد بنزمر أما اللي بتوقف سيارته قدامنا عطلان.. مو مشكلتنا بنزمر إذا طالعين من شارع فرعي لرئيسي بالليل أو بالنهار . بنزمر ويا عيني على سيارة الغاز ..... فاضية مليانة بتزمر وإذا عجبتنا بنت ماشية بالشارع أوووووووووووووووه نحن الي بنزمررررررر وإذا شفنا أبو فلان بالشارع وحبينا لنقله مرحبا بنزمر ولو قرر واحد منا يخفف مشان يمرر أحد المشاه .... كل اللي وراه بيزمر ويا حبيبي إذا فاز أحد المعجبين فيه أو فيها بالسوبر ستار أو ستار أكاديمي ......بنطلع كلنا وبنزمر وطبعا" اذا فازت الاتحاد أو خسرت.. بنطلع و... بنكسر و... بنزمر طيب لهون ما في المشكلة المشكلة أنو اذا ارتفعت الأسعار و ارتفعت الضرائب وإذا زاد معدل البطالة مع وفود عماله إذا حرمونا من كل المساعدات بالجامعة و منعونا من تنزيل المواد و هلكوا سمانا بالمناهج التعبانة و هلكوا سما سمانا بالفحص و خربوا بيتنا باالتصحيح و طالعو روحنا بالنتائج و إذا........ و إذا ........ و لك و إذا.. حصل كل هاد أو اكثر ببساطة ما بطلعلنا صوت ولا .............. بنزمر |
والله يسلم ايديكي على هالموضوع الحلو و الكتابات الحلوة و الصريحة
|
محلولة
اقتباس:
بسيطة اذا زاعجك الزمور في حل كتير حلو وبسيط بتطلع الدولة قرار انو يصير الزمور عالبنزين:o:o اي مالك علي يمين ما عاد بيزمر غير كل واحد مليان او حرامي او مسؤوول او ابن .... مسؤول:o وهيك يا ستي بتصير مسبتو حلال كمان :ss: |
بيب بيب
عجبني الموضوع طوط طوط |
ايه والله بس شاطرين نصرع الدنيا بالتزمير ووقت الي بدو زمور انذار على الظلم الي بناكله بصير ميوت:frown:
شكرا الك:deal: |
انا مالي مزعوجة من التزمير
بس احيانا في اوقات التزمير كتييييييييييييييير ضروري بس ماحدا بيسترجي يزمر خيو ولا حتى منسترجي نشغل الغماز |
اقتباس:
:D |
اقتباس:
حلووووة عجبتني:o |
مرسي ع الموضوع
|
| الساعة بإيدك هلق يا سيدي 07:07 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون