|
بدي نصيحة.. وخصوصي المغتربين...بليز
مرحبا شباب كيفكم شو اخباركم... هلا بما انو بكرا اخر يوم فحص الله يمضيه عخير عندي استفسار صراحة ملبك وماني عرفان شو اعمل بدي اسال اللي بيعرفو واللي عندهم شوية خبرة انو انا صاححلي اطلع ادرس برا بكندا ... وبجامعة منيحة(سالت عليها كتير) دراستي حتكون ادارة اعمال... يعني بزنس بس صراحة متلبك ماني عرفان انو ادرس بالشام اول شي واطلع اختص ولا اطلع دغري وادرس هنيك ما بعرف بدي مساعدة وبدي اللي بيعرف يقلي بركي ممكن يساعدني وبدي اعرف مين في بكندا وبمونتريال تحديدا .. بركي بيفيدني اكتر عن هي الشغلة ناطر الاراء عنجد ما حدا يفوت ويكون عندو شي بيعرفو وما يحكي بيجووز ملاحظة صغيرة تفيديني ناطر رايكم ... سلامة :D |
والله يا حبيب لو صحت لجدي ما مات
بعدين شو قصتنا اليوم نحنا التنين |
طيب اوك وانا معك انو فرصة حلوة بس ما تنسى غربة ... وهيك كمان ما بعرف بدي شوف الاراء
|
طلاع هنيك من اول اذا بدك تتغرب... هيك من اولها احسن بكتير
بس ترا : يلعن ابوكي يالغربه |
هلا مو ضروري انو بدي اتغرب..بس صراحة
انو بدي اختص ساعتها برا يعني ما ضروري انو بدي اتغرب هلا انا سالت هاني وقلي انو الجامعة برنامجها كتير قوي واذا صحتلك ما تقول لا بس والله شي بيلبك هي عنوان الجامعة - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
ممممم ليك اذا رايح لهنيك بين اهل و هيك انو ناوي تسكن عند شي حدى رح ياخدك الجو و يكون كل شي عليك جديد حاول اذا رحت كمان تسكن بمدينة جامعية او بشي غرفة و تركز على دراستك لانو انا شفت ناس وئت اجو على اوربا و شافو الجو غير نسيو شوي الدراسة فيك تؤل . و تاني شي بدك تكون اوي يعني خرج انك تضل لحالك..مو كل يوم تئعد تبكي على البابا و الماما هههههه بس متل ما سمعت جامعات كندا منيحة كتير يعني كمان فرصة ما بتتعوض. بس انا برايي يعني هاد رايي مو ضروري يكون صح بس انو يعني تطلع من بلدك على الغربة و بايدك شهادة احسن من بلى لانو يمكن وئت تطلع متل ما التلك تكون الظروف اقوى منك و ما تئدر تاخد الشهادة. و وئت تخلص من الشهادة فيك تطلع و تختص و يعني وئت تطلع لتختص بتكون اكيد اسهل عليك هيك برايي. و كمان الحياة بكندا مو سهلة و الغربة كلها مو سهلة يعني بتختلف من الارض للسما لا حدى يئلي لا:pos: و انشالله اذا سمعت غير شي رح ارجع اكتب موفئ يارب |
انا يصراحه بنصحك اذا صحتلك السفره ماتقصر
لا جامعات سوريا ولا مصر ولا الاردن ولا اي دوله عربيه متل جامعات كندا او انجلترا اذا نويت تدرس بسوريا يا اما بدك واسطه من شي نائب او مسؤول حتى ماتعلق بالجامعه سنين اذا كنت بجامعه حكوميه ... اما اذا كانت خاصه فلسا ماتخرجت ولا دفعه من اي جامعه خاصه فالاغلب انو مو معترف فيها انا فكره الدراسه بسوريا لغيتها من بالي او بالاحرى اهلي لاغينها هنن يعني اخر فتره وصلت معهم انووو اذا بدك تدرسي بسوريا مافي نزله عالصيف ابدا;-) وبصراحه اخي الو اسبوع راجع قرف طبعا من شي اسمو سعوديه ... مو مصدق ايمتا ينزل اسبوعين بسوريا وبعدها طالع يقضي الصيف ببريطانيا ... ياعمي بكفي انو راجع ثقتو بنفسوو اكتر ولغتو احسن مني :pos: وبعدها اذا الله راد بيلحقني على كندا ...... بس مو مشان يعمل علي رجال :p |
ميرسي تالين.. معك حق انا هون النقطة اللي عم تحيريني انو بركي لا سمح الله
طلعت وما قدرت صار شي فوق الظروف وما قدرت اخدها بكون اخد شهادة معي ما بعرف بس كمان انو الواحد يبلش من الاول معهم بيكون افضل يمكن للتكميل لانو سمعت ما بيقبلو التعديل عالشهادة |
مشكورة رؤى
يعني صراحة بلشت فوت بالحيط شي مع شي ضد:cry: |
بونجور اول شي ليك يمان انو هيدي فرصة كتيييير حلوة و لو مش حاببا اعطيني ياها هيهيهييهيه المهم بما انو اجت الفرصة تقبلها لانو متل هولي القصص بيجو مرة بالعمر مش تنين انا خيي صرلو سنتين هوي بيحاول يروح ع كندا مع انو مهندس دولة بالالكترونيك بس ما قدر يروح و كانت النتيجة انو راح ع فرنسا و الحمد لله معو ماستير و هوي حاليا بيحضر للدكتوراه يعني ما تعتل هم الغربة و لا شي المهم مستقبلك كون شوي اناني مرة بحياتك عن جد و بالنسبة للي بيسكنو بمونتريال مممممممممم ما بعرف بس هنن بيحكو فرونسي يعني لازم تكون منيح باللغة الفرنسية المهم الله يوفقك و لا تترك هالفرصة الحلوة تضيع مين ايدك و ميرسي
معلومة للنشر : ليك يمانو حط عقلك براسك تعرف خلاصك انت جرب و الباقي ع الله بس متل ماقالت تالين انت رايح كرمال الدراسة خليك كرمال الدراسة اوكي مش تاخدك الدني |
هلى انا بكندا ما بعرف اذا بيئبلو تعديل الشهادة بس رح استفسر اذا ئدرت انشالله
و متل ما الت دلوعة صح انو جامعات هنيك منيحة ما ختلفنا بس بدك كمان يعني تستفيد منها مو بس للفرجة يعني متل ما التلك اذا ناوي عن جد لازم تحط براسك الدراسة و انو لازم تاخد الشهادة لانو وئت تروح لهنيك رح تتزكر كلامي انو في كتير شغلات بلحياة رح تتغير عليك و يمكن تاخدك من دراستك . رح الك اصة شفتها ادام عيني كان في شب اجى على اوربا و هو شاطر كتير يعني ولله و تعلم اللغة منيح و بسرعة بس وئت اجى و شاف الجو كيف حس حالو انو ييي وين عايش انا يعني تغير الجو كلو عليه و ضيع وئت منيح لبين ما ئدر يدخل الفرع يلي بدو ياه و يتئقلم مع الجو . بس عن جد الشغلة بتختلف يعني اذا انت متاكد من انك حاطتت الدراسة و الشهادة براسك و ما رح تكون الظروف اقوى منك الله رح يكون معك و رح تنجح موفئ يارب |
لا ان شاء الله اكيد فرناندا... بس منشان اللغة ما مشكلة انا منيح الحمد لله
بس في مشكلة السكن كتير بلوة عندي |
اخي بدك نصيحتي شيل الرابط
وطلاع شوبدك بالدراسة هون |
اقتباس:
بس بدي اسال اللي طلعو لبرا شو صار معكم مشاكل منشان السكن |
باين عليك ئدها و ئدود
ابل ما احكي شي على السكن بس انت يعني عندك اهل هنيك؟ |
هلا ما عندي اهل بس صراحة بدي احكيلكم هالقصة وكمان يا ريت اراؤكم
انا عندي رفيق هنيك مسيحي(ما حدا يقلي متعصب لاني بحبو اكتر من اخواتي) بس حطيت خط تحت كلمة مسيحي لح قلكم ليش انا بدي اعد عندو اول فترة لانو ما بعرف حدا غيرو هنيك يعني وهو بيموت عليي كتير وانا عنجد بعزو بس المشكلة انو متل ما بتعرفو انو باوربا عادي كتير في شغلات عندهم تعتبر عادية جدا متل انو مثلا بينام مع رفيقتو هيك تمام هلا انا ما فيني روح قلو انو والله عيب هيك او ما بيصير او ما بعرف وخايف انو اتجرجر او اي شي مع انو حرام الشب كتير قلي انو ولا يهمك وانا بدربلك وضعك حتى قلي على قد ما بدو ياني اطلع لعندو:lol: انو بيروح معي عالجامع قال:lol: عنجد شباب رفيق بكل معنى الكلمة بس كمان عادات وتقاليد والمتعارف عليو برا مانو شي سهل شو رايكم |
إيه إذا عند مسيحي أحلالك
انا بحب المسيحيين جيراني ورفقاتي و و و خلص طلاع خلص سمانا |
هههه لك ابو جوزيف وانا بحب المسيحية والكل خير وبركة:D
بس اقرا اللي فوق بتعرف نقطتي |
| الساعة بإيدك هلق يا سيدي 03:00 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون