|
بيهم كل الرفاق الي بدن يدرسوا بالالمانيا
مرحبا شباب ...قبل كلشي مابعرف اذا هاد هو القسم المصبوط لهالمشاركة
بس المهم انا وصلت اخيرا على المانيا وذلك بعد جهد استغرق سنة ونص بين ZD ومصدقة تخرج على فتح حساب بنكي على تدبير قبول وموعد سفارة ومابيناتهن... المهم انا بالاخير قبل مابوس تراب الوطن قطعت وعد مع حالي ان خفف كيف ماكان عن كل شب بدو يدرس هون هلق انا كتبت ملف فية كل النظال الدامي مدونا بالسرافيس الي بتحتاج تركبوها مشان صدقو الاوراق لحد رقم السفارة الالمانية بالشام ومشان القبول وفتح الحساب الي هن ضروري حدا من هون يدفشهن فانا رفيقكن الي راح يحاول بوفي بوعدو للوطن لاتخافو مراح اخد منكم نقلة وبالطبع مراح ادفع شي من جيبتي الكريمة معظم الجامعات هون بتسكر عال15/7 فلحقو حالكن واي حدا بدو اي استفسار انا بالخدمة رفيقكن اممي:ss: |
ولله كنت عم دور عليها .. بس عندي امتحانات هلا .. منحكي بعدين ..
ميرسياتوو |
الله يسلم هالديات يا ابو شريك
والله بتكون خدمتني خدمه العمر |
تحية رفاقية
لك تكرم عيونكن شباب:D
|
هلى أنا ما كتير فهمت .. إنت حاببت تساعدون بسوريا .. و لا من هون إذا بسوريا فهاي بسيطة .. أما أنو تقدر تساعدهون هون .. فأنا بظن أنو هاي شغلة كتير صعبة بما أنو عم تقول أنت أنو و أخيراً وصلت يعني يادوبك عم تمشي أمورك على كل .. مشاعرك حلوة .. و موفق يا رب :D بس قلنا وين عم تدرس بلكي بيطلع بإيدنا نحنا المعتقين نساعدك .. :p |
أول شي حاب قلك شكرا .
تاني شي حاب قول للشاب الي بدون يطلعلو ع المانيا شوفولكن شي بلد تاني احسن من المانيا بجوز التعليم هون منيح بس الحياة و الدراسة بالجامعة صعبين كتير وحتى الحصول ع قبول صار صعب ومكلف. اول شي كانو ياخدو كتير طلاب اجانب بدون ما يدققو ع علامة البكلوريا او علامات المواد اما هلق صارو يدققو كتير كتير عليها , ولا كمان في جماعات عم تطلب من الطلاب الاجانب يعملو فحص ليشوفو فيه شو مستوى هالطلاب (يعني اذا المستوى العلمي تبعهن بيتوافق مع مستوى الجامعة او مستوى الدراسة بألمانيا), هي شي وشي تاني انو القسط الفصلي بالجامعات صار ب 700 يورو بعد ماكان ب 150 يورو :jakoush: ونسيت خبركن انو المراسلة بتكلف تقريبا شي 350 يورو ,وع تكاليف الحياة هون مارح احكي لانو بتوقع معروفة :sick:. بالمناسبة اخي كان بدو يطلع ع المانيا بس بعدين قرر يطلع ع بولونيا . لهيك بتمنى من الكل يدور ويشوف قبل ما يتخذ قرار ويندم عليه. انا حبيت بس حطكن بالصورة وطبعا هاد بيضل رأيي الشخصي:pos:. |
اقتباس:
معاك حق .. الوضع كل مالو من سيئ لأسوء بس أنا ما حبيت خلي هلـ الشباب تتشائم .. :p بس مع هيك في طلاب سوريين ( وواحد منهون بعرفو معرفة كتير قريبة ) إجى كتير متفائل طبعا طالبو أنو يعمل فحص إختبار معلومات .. و نجح فيه بتفوق و بعد التخرج جدودلو الفيزا .. لا ووظفوه بالمستشفى دوام كامل .. و تحملو مصاريف تخصصوا و كل هلـ الشيئ لأنو .... هئ مو مدعوم .. ;-) لأنو جاب درجات عالية .. و بين مستواه أنو ممتاز .. اقتباس:
بولونيا حلوة كتير .. و المعيشة فيها أرخص بـ أربع مرات من ألمانيا .. و معاملاتها أسهل بس مشاكلها من نوع تاني يعني مافيات .. و عنصرية لازالت ضد الـ ( السود و العرب ) و على فكرة سمعت بالفترة الأخيرة أنو حتى التعليم صاير أفضل من ألمانية .. .. لاتواخزنا أممي إذا طلعنا شوي عن الموضوع .. :sick: و مية :D على مشاعرك الحلوة / للمرة التانية / |
اقتباس:
بس حسب مافهمت انو الشب الي بتعرفي طالب دراسات عليا وفي فرق كتير كبير بين طالب جاي يبلش من الصفر هون وطالب جاي يعمل اختصاص . وانا عم شوف الطلاب هون بالجامعات كيف عايفين الله و كل مادة بدها سنتين ليرفعوها وخود بقى كل سنة بسنتين وعيــــــــــــــــــــــ ـــــــــــــــــــــــش ...... اقتباس:
بعدين الي بعيش باحترام وبيبعد عن المشاكل (بيمشي الحيط الحيط وبيقول يارب السترة) ماحدا بيحكي معو ;-). |
هلا انا ناوي اطلع كمل ماستر بالمانيا
ما بعرف شو رايكون لانو x-vernichter قال انو في فرق بين البكالوريوس والماستر انا بدرس هندسه برمجيات يا ريت تفيدوني بما انو عنكون خبره وهيك اذا عنكون كم نصيحه عالماشي يا ريت :D:D |
اقتباس:
إي شوف شو بيكون آخد عقلون الشباب غير الدراسة .. :p ( مزحة ) اقتباس:
هوي موجودة بكل مكان .. بس أنت ما إنتبهت أنو أنا قصدت ببولونيا ببولونيا نسبة الجريمة .. أعلى بكتير من النسبة الموجودة بألمانيا لأنو ببساطة النظام هونيك / شي بيهوي / أنا حكيت من مبدء الجهل بالآخر .. يعني عند البولون جهل ما طبيعي بالثقافية العربية .. فمن مبدء الي بتجهلو كرهو .. (طبعا أنا عشت بوارسو .. و بعد العشرة بالليل كنت ما إسترجي إمشي بالشارع ) :? ... كأنو طلعنا عن الموضوع .. سوري يا جماعة .. :D |
كيفكن ....
انا بدرس موسيقى ... و المانيا حلمي لأنو الموسيقى هونيك غير.... بس محسوبكن ما بيعرف الماني غير شو و هي الشوي تعلمتن لحالي ...... بقا شو الحل ......... الخطوات لو سمحتو ....... مشان صير بالبلد الحلم ... شكرا .,. |
عفكرة في بكلام الشباب شي صح وشي مبالغ فيه
العيشة صعبة صح بس هلق انا عم عيش ب300 يورو ل350 بالشهر مع الايحار مع البيت ومشان القبول قالواحد من الشباب ان بيكلف 300 يورو ومشان هيك انا حطيت المشاركة تبعي انا دفعت لشركة بالشام 15000 ليرة غير تكاليف البريد واتضح هون ان القصة مابتكلف شي القبولات هون بلالالالالالالالالالالالا ش بس لما بدكن تسجلو فبتدفعو 500 يورو ومو بكل الجامعات هلق انا بدي احاول ابعت قبولات الشباب للمطارح الauslander يعني هيئة الاجانب مابتطول فيه يعني رفيقكن اجت فيزتي بسبوعين بعد التقديم غير ان تكون حتى التسجيل بالجامعة ببلاش متل الجامعة الي هلق انا عندي قبول منها بالنسبة لفحوص التعديل حاليا صار الوضع احسن بعد ما معظم الجامعات صارت تتعامل مع شهادتنا بشكل معترف فية طبعا في جامعات عم تعيد الشباب مواد بس منن كتار عكل حال انشاللة بتوصلو لهون وتشوفو بعيونكم رفيقكن اممي |
انو هلق انتي بجوز عايش بـ 300 ايرو بالشهر او يا اخي بروح معك 350 ايرو .. بس انو هل يا ترا انتي عنجد عايش بالمانيا هاي نفسة ايل بيحكو عنا بالتلفزيون وعلى اساس انا نفسا جيرمني ودويتشلاند ومدري شوفي اسماء اسا لهالبلد ؟؟
لانو بهيك مبلغ الواحد يا دوبو يدفع الشغلات الشهرية من تامين لتلفون لاجار البيت بيكونو هدول رايحين ومصلى عليون بالجامع .. بس بالله وين قلتلي عايش انتي بلا صغرة |
اقتباس:
بس بظن أنو الواحد أذا بيشتغل مع الدرس .. و بياخد راتب .. بظن أنو رح يقدر يعيش عيشة حلوة .. و كمان رح يقدر يوفر مصاري منيح .. |
اقتباس:
ياسيدي انا مني عم بعمل دعاية للدراسة بالمانيا وياليت بلا صغرة وبلا كبرة بلاهن رفيقي بس السكن الطلابي هون 160 يورو التامين 23 يورو الاكل اذا بدك تتبرجز كتييييييييير فما بيوصل لل100يور هلق انا عم بطبح بالبيت تقريبا كل اسبوع بحتاج اتسوق اكل 20 ايورو بكل الاحوال اذا بدك تتبعزق وتعيش عيشة فضيعة والله 3000يورو مابيكفوك بس صديقي بعتقد ان الشباب طالعين دراسة مو سياحة هلق صحيح انت انسان عربي والانسان العربي بيعرف بالفطرة كل شئ موجود بالعالم بس بتمني ان يكون توضيجي صحح معلوماتك ;-) |
كلنا اول ما اجينا ع المانيا كنا نعمل متلك ,ايه انا ما تركت حدا بعرفو الا وقلتلو يتروك سوريا ويطلع لهون - لانو كنا جداد وغشما مامنعرف شي- بس هلق مابنصح حدا بالطلعة لانو غربة وتكاليف عالفاضي.
مافي انسان بيقدر يعيش حياة مقبولة بألمانيا بأقل من 500 ل 600 يورو بالشهر والي بيحيكي غير هيك مع احترامي للجميع بكون يا كذاب يا الله ادرى كيف عايش. انا مصروفي بالشهر تقريبا 600 يورو وحاس حالي محروم من كتير شغلات :cry::cry: يعني اذا سكن ب 225 يورو :jakoush: و انترنت ب 30 يورو وفي التأمين الصحي ب 60 يورو وفاتورة الموبايل 20 يورو واذا حب الواحد يحكي كل فترة ع سوريا كمان شي 30 يورو وغير اذا حب الواحد يطلع ع شي كفيه او ع شي محل :pos: . وهي انا مابطلع لا ع حفلات ولا ع ديسكوات :pos: . والي مو مسدق يسأل شي حدا الو زمان بألمانيا ويشوف شو رح يحكي. |
اقتباس:
|
اقتباس:
الله يبشرك بالخير رفعتلي معنوياتي للسما بس قول انا حياه الغربه متعود عليها انا اخدت البكالوريوس برات سويا مع انو ببلد عربي بس بتضل غربه بس انتي ما قلتلي شو رايك بالنسبه للماستر هنيك, بتوقع انو الوضع اسهل ولا شو رايك ؟؟ صح وبالمناسبه انا بلشت دورات الماني وبما انو دراستي هنيك بالانكليزي فمو مطلوب مني الا اربع كورسات ولح خلصون قريبا انشالله |
| الساعة بإيدك هلق يا سيدي 15:56 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون