|
أسامي ولادنا...
جرت العادة بالقديم إنو يسمو العالم ولادها بأسماء أهلون...يعني الابن على اسم الجد وهيك شغلات...ولهلأ هالعادة ماشية عنا...شو رأيكون فيها؟؟
وسؤال تاني..اذا اجاك\ي صبي أو بنت..شو بتسميون؟؟؟  |
الصبي على اسم ابوي
والبنت ع اسم امي |
اقتباس:
لك ايه سمعت شغله عندكم بحلب انو كل الصبيان بسمو الولد الاول على اسم ابوهم بتلاقي الاول ابو محمد والتاني : ابو محمد والتالت :ابو محمد والرابع :ابو محمد لساتها هي شغاله عندكم ؟ |
اقتباس:
اي اكيد هلأ جدي اسمو حسن وانا ابوي سماني حسن وعمي التاني سما ابنو حسن وعمي التالت لما كترو الحسنات سما ابنو حسان (ضفلا الف يعني) بس المهم بدو نفس الفكرة وعمي الرابع اجا بدو يسمي حسن طبعا بس شاف انو تنين صار فسمى احسان وعمي الخامس كمان بدو يسمي حسن وهكذا .. |
اقتباس:
|
اقتباس:
و بالأخير الموضوع شخصي .. أنا من الناس اللي بعارض هالفكرة .. لإني إذا سميت ابني على اسم ابي و أبي بعد عمر طويل توّفا .. رح أتذكروا كل ما ندهت لإبني .. و رح تكون الذكرى حزينة بالنسبة الي لذلك بلاها .. مشكور معلم :D |
لا شو دخلهن ولادي ياخدي اسماء اهلي
مع انو اسم بابا وماما كتير مودرن وحلويين بس لكل شخص نصيب باسمو انا بسمي هيك ........ اسماء ناعمه وحلوة بعدين لوقتها بيطلع مليون اسم يسلموووووووو |
اقتباس:
صار قليل بس جد كتير بكره اسم ابو عبدو بحس حالي بشي حاره |
حزفت الردود الخارجة عن الموضوع ..
الرجاء الالتزام بالسؤالين اللي حددن صاحب الموضوع :D |
اقتباس:
انا بعتئد انه كل جيل الو اسماء والو تقاليد معينة ومن جيل لجيل بتتغير الاسمائ الدارجة.... وانك تسمي ابنك عاسم ابوك ما بدل على محبة الابن لأبوه وشو ذنب الولد اذا اسم الاب كان بشع ودئة ئديمة!!! بئا ما بظن سمي ولادي عاسم حدا مشان ما يحقدو علي بس يكبرو... |
مو حلو انو نسمي اولادنا على اسم اجدادهم الا اذا كان الاسم حلو وعلى كل يجب اختيار اسم مميز لانه يلعب دور كبير في الحياة وان شاء الله لما يكون عندي بنت راح اسميها دانيا والولد راح سميه جهاد او فراس او صفوان ماعندي اسم محدد.
|
| الساعة بإيدك هلق يا سيدي 23:52 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون