|
لما بحكي كلمة بحب كون قدها
صباح الخير:ss:
المهم كل شهر بها المنتدى او اكثر بينحط موضوع لعضو حردان وعم يقول أنا تارك المنتدى وماشي وبعد قترة ليست بالطويلة منلاقي رجع يكتب هو رضي! بس مين راضاه الله اعلم يا لحالو يا أحد الأعضاء المهم ضروري انك تحرد وتحكي كلمة وماتكون قدها؟ بعرف اعضاء قلال تركوا المنتدى بدون أحم ولا دستور ولا حتى اسمعنالهم صوت ولا قرينالهم مشاركة وحدة بتقول انا تارك المنتدى مع انهم من اهم الأعضاء وذوي مشاركات فعالة تحية إلى Majood :D عن نفسي أنا صارت معي شغلات كتيرة وخاصة ببداياتي بها المنتدى ومع هيك ما تركت مع اني كنت حابة وبتمنى وما حكيت اني حابة اترك لأني بعرف اني اذا حكيت مارح نفذ بعرف انو هون في شي مميز وكتير عن باقي كل المنتديات رح يخليني ارجع فلهيك أيها العضو العزيز لما بدك تترك كون قد كلمتك اذا كتبت موضوع او كون قد قرارك اذا غادرت بدون موضوع وانا لا أخص احد بكلامي هذا وماحدا يزعل مجرد فكرة حبيت اكتبها |
هلا هو كلامك صح....
100% صدقنيي ي شي بيشدك وبدك بس حدا يقلك كلمة تراضيك فيها لترجع بس المشكلة انو احيانا كمان ما حدا بيرد وبيكون في شغلة صايرة وما حدا بيسمع بيضطر الواحد بيكون معصب وما بيعرف شو عم يقول وبيكتب سيدي الله لا يبعد حدا والمنتدى بابو مفتوح للجميع....ويللي بدو اهلا وسهلا ويللي ما بدو كمان الله معو انا مرة صارت معي بس مو طمزة مرة منشان الدراسة بس والله ما قدرت :p مشكورة على الموضوع يللي فعلا عم يصير كتير:D |
اي هاا ..:?
|
شو المشكلة ازا هالحدا كان بدو يترك
ورجع غير رأيو ازا لقي حالو مو قد التركة بس انو متل ماقلتي كمان ... مو كل مرة نعيد نفس القصة مو حلوة دائما نكون متل الراعي الكزاب ;-) |
لفت للنظر بس ...
|
اقتباس:
انا هاد الرد يلي كنت بدي ياه لقول انو الأنسان لما بياخد قرار بحياتو بجوز يكون ها القرار صعب كتير عليه وعلى مجرى حياتو بس لازم يصير ولازم يكون قوي وأقوى من مشاعر ممكن تتحكم فيه كتير حلو ناخد قرار ونقذوه :D |
وشكرا لمرور الكل
ولردك يمان :D |
ما حبيتو هالموضوع .. :pos: حسيتو أتفضل من غير مطرود .. و بنص الصالون :pos: |
اقتباس:
ليش عاملا بزمناتك ؟؟؟ يمكن انت عضو جديد شوي بس السنة الماضية كان كل يومين في حردان:pos: |
بس صراحة ... في شغلة قارقتني يعني ليش هيك المنتد بارد..
ما بعرف لك كان ما تلحق رد هون ولا هون كان كل شوي تلاقي عالم هون وهون متل الحمام المقطوعة ميتو هلا عم يضل الرد يوم ويمين بغير اقسام عنجد شي بيزعل الله ياخد السبب يللي عمل المشكلة |
اقتباس:
وقت اللي بدي أزعل بمشي و من دون ما احكي .. مشان واحد يحسب حساب خط الرجعة ما مشان شي تاني .. :) |
اقتباس:
يا لئيم :p وايت روس مو دايما الواحد بيكون سبب تركه شغلة متعلقة بالمنتدى أو الاعضاء .. أحياناً بيكون الواحد عم يمر بظروف سيئة و عم يتخبط بأفكاره و قراراته .. بياخد قراره أنو يترك .. يمكن وقتها بيكون حاسس أنو عم يخلق أجواء جديدة هروباً من الوضع او الجو يلي هو فيه و عم يتسبب إله بتوتر و زعل .. هلاء هون بيتضح دور المنتدى و الاصدقاء و الزملاء يلي بالمنتدى حتى من نختلف معهم ..يعني بعتقد أنو دور المنتدى و أعضاءه أكبر من مجرد تحاور في مواضيع بنختلف او بنتفق فيها .. بعتقد أنو هون دور الكل انو يسعى لمساعدة هالعضو يلي عم يمر بظروف سيئة . يمكن يكون من خلال كلام حلو نكتبله ياه بموضوعه انو بدو يترك .. او من خلال انو احد الشباب القريبين من هاد العضو يكتب موضوع و يقلنا يا جماعة فلان عم يمر بظروف سيئة و بدو يترك .. كتير شغلات ممكن الواحد فينا يعملها ليساعد زميله او صديقه في انو يطلع من الازمة يلي عم يمر فيها .. ما بعرف وايت روس لو قرأتي موضوع كوستا السنة الماضية و كيف الكل تكاتف حتى نفرض على كوستا يغير وجهة نظره و يطلع من الازمة يلي كان عم يمر فيها ... حتى الناس يلي كوستا بيختلف معها 180 درجة شاركت و قالت لكوستا انو برغم كل اختلافاتنا لكن بيبقى في شي بيفرض علينا نوقف مع بعض و نساعد بعض بالظروف السيئة .. هالشي بعتقد انو بينعكس على علاقاتنا هون و على حوراتنا لانو العضو راح يحسب الف حساب قبل ليسيئ لزميله يلي وقف معه بفترة الشدة و بذل مجهود ليساعد زميله بالشكل يلي قدر عليه .. بإختصار وايت روس انا شايف انو الايجابيات يلي بتنتج عن هكذا مواضيع كتيرة و يمكن أهم إيجابية انو بينتج عن متل هاي المواقف قانون داخل وجدان و عقل كل واحد فينا ... هالقانون بيمنع أيً منا ان يسيئ لزميله مهما بلغت الاختلافات و هالقانون قوته بتنبع أنو مو مفروض علينا من احد او من الادارة بل ينبع من ذاتنا و من احساسنا انو عيب اني اسيئ لحدا وقف جنبي ,, هاي وجهة نظري يلي مقتنع فيها حلو الموضوع وايت روس:D |
شكرا لمرورك وائل ولردك
انت دائما ردودك طويلة ؟؟؟اختصرلك حبتين تلاتة المهم معك حق بالرد يلي قلتو بس انا عم احكي عن الناس يلي بقرروا يتركوا المنتدى لأسباب داخلية مو لأسباب خارجية وشكرا مرة آخرى:D |
اقتباس:
أسفين خالتو وايت روس :cry: المرة الجاية بكتب الرد و بحطه بالمي علشان يشرب مع الغسيل و ما يتعب عيونكم :oops: بس بجد و بدون مجاملة يمكن أحلى موضوع بقرأه بالصالون من فترة :D |
اقتباس:
مابدها الشغلة اسف انا اسفة اذا زعلتك بس جد ما بقرألك رد إلا ماشاء الله عندك افكار بدها صفحات بيضاء:D وشكرا للطفك |
اقتباس:
لاني بعتقد انا كمان رح اعمل نفس الشي |
اقتباس:
بلاك رح يزعل كتير |
اقتباس:
يعني قاعدين .. بس whiterose شو خطرلا تفتح الموضوع .. يعني معقول أول ما واحد يفوت عالمنتدى يطلعلو موضوع .. إذا بدك تترك المنتدى تروك بس كون قد كلمتك :shock: ما بصير ولو :p اقتباس:
:D |
| الساعة بإيدك هلق يا سيدي 07:41 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون