|
حب من طرف واحد....سااعدوني
مررحباا...بتمنى من الكل يعطيني رأيه
أنا اعترفت لشب اني بحبه.....و أنا عبرتله عن هادا الشي بكل تصرفاتي.....بس هو كان كتير لئيم معي..وأنا قلتله اني أنا بحبه أكتر من مرة..و طلبت منه انو نحكي بس رفض ....و أنا ما عم أقدر أنساه ...حاولت كتير بس ما قدرت شو رأيكم أعمل؟؟... بانتظار ردودكم. بااي... |
السلام عليكم ورحمة الله وبركاته
اختي لازم تكوني عارفه الاجابه انه ما بحبك ولو بحبك كان اتقدملك قبل ما تعترفيله بس انتي اغلطي واتمنى انك تكوني استفدت وما تعيديها تاني مره والافضل انك تنسي الموضوع واتمنى من الله تعالى انه يرزقك بالزوج اللي يستاهلك والله يوفقك |
:cry: :cry:
أنت كتير غلطتي اعترافك كان غلط كان ممكن تلمحي بنظرة بفعل بكلمة وبعد ما بتشوفي رد الفعل عليه بتمشي بس بما أنك اعترفتي ومشي الحال فاالحل لوحيد أنك طنشيه شي 10 ايام او اكتر على هوى أنت ما بتقدري اذا رجع اتصل فيكي بكون في شي بقلبو اتجاهك بس مو عرفان شو هو؟ اذا ما اتصل ولا أي شي انسيه وحاولي انك دوسي على قلبك مو عيب انك تحبي وتفشلي ابدا والأيام والزمن اكبر صديق للنسيان وتحياتي ان شاء الله موفقه وطمنينا بعدين;-) :D |
مممممم
عبفكرلك ... بس بيني وبينك هاي غلطه كبيري بصراحه ,بس ها بيعتمد ع شو بدك منو يعني ازا بدك يحبك وتحبي وترتبطو فيكي تحببي فيكي بلا هالاساليب الفاضي تبع انو التطنيش و بعدي عنو بيلحقك لا لو بتحبيه جد فيكي تحببي فيكي اكيد هيك شب لئيم عبتقولي وقاسي عندو بحياتو شي محتاج لحنيه جزء منو بيحب الاستقرار , ف ممكن تضلي معو تفهميه انو انتي بتحبيه ورح تضلي تحبيه وفهميه انو مابدي حبك ازا حبيتني منشان اني طنشتك وكنت معك لئيمه , واما ازا بدك تعدلي موقفك مشي مع اي شب غيرو ويفضل يكون شب بشع او من هدول تبع الله , ومش ضروري ترتبطي بهالشب عادي ممكن يكون رفيقك بس اكيد رح يتدايق من هالمنظر , وبالنسبه للنصيحه تبع الاخت انو تعلمي من غلطك ها شي غلط الي قالتو , لانوانا صار معي نفس الشي ضليت سنتين لاقنعت الي بحبا انو نرتبط وياما بهدلتني بس بالااخر مشي الحال , شغلي عقلك بتلاقي حل , حللي راسو وفكري انو ليش لا . وهيي موضوع ثقه بس .
فكري كلو بيطلع بالاساليب . وموفقه وانا حلو ومهضوم شو بدك فيه بتحبيني الي ؟؟؟؟؟ ههههههه موفقه وخبرينا شو بيصير معك |
السلام عليكم ورحمة الله وبركاته
اخي like2killu طبعا الاخت غلطت لما اعترفتله انه بتحبه ومش لازم البنت تعترف ما هيه قدامه وشايفها لو بحبها كان قلها بس حضرتك شب وهذا شي عادي انه الشب يعترف للبنت وشكرا لك |
هي اسما شو ؟؟
هي اسما (سلبة بـ علبة ) |
اقتباس:
ماشي هيي غلطه بحاله وحده الي هيي انو يكون مو نضيف وما بيستاهل وهيي بهالحاله ما بدا ياه اصلا , اما اذا كان شب مرتب ونضيف ف ما رح تفرق ورح يكون ردو مو متاثر بمين بادر الاول , و اي شخص بيفكر بطريقه التطنيش بيكون مريض مع انو نسبه كبيره جدا من الناس هيك , يلعن ابو الحب الي بدو ينبنا ع كذب . الصراحه نادر ما تنجح بس بينتج منا علاقه جميله وصحيحه . |
السلام عليكم ورحمة الله وبركاته
اخي like2killu بصراحه اول مره بعرف انه اذا كان الشاب محترم ما راح تفرق معه مين اللي بقول بالاول وعامة الرجل في مجتمعنا ما بيقبل هذا الشيءبس انا بعدني عند رائي وشكرا لك |
اقتباس:
وين مجتمعك ؟؟؟؟ ما حدا مضطر الالتزام بمجتمع رجعي , اما بالنسبه لمجتمعي او وسطي وبيئتي بالاحرى ما في هالعقد هاي . |
السلام عليكم ورحمة الله وبركاته
اخي like2killu ممكن يكون تفكيري رجعي بنظرك بس انا ما شايفيته رجعي والحمد لله اني مبسوطه بتفكيري وكل واحده له رائيه ونظرته بهالحياة |
هو بصراحة الشب حبي الأول....و الأغلب عم بيقولولي انو ما بيستاهلك ...و أنا بعد ماهو رفض كرامتي ماعم تبتخلينب أعمل شي و القصة كتير أثرت فيني
|
السلام عليكم ورحمة الله وبركاته
اختي Darkness Girl حبيبتي ما تزعلي واكيد اتاثرت كرامتك اكتر لانك اعترفتيله بس معلش اتعلمي من هالدرس وديري بالك على قلبك وما تسلميه الا لحدا بيستاهلو وحاولي تنسيه وان شاء الله ربنا بيرزقك باللي احسن منه ويستاهلك والله يوفقك |
سلبة والله
|
الحمد لله والصلاة والسلام على عبده ورسوله محمد بن عبد الله صلى الله عليه وسلم:
اما بعد: اختي العزيزه! أدعوكِ ألى عدم الانحراف نحو هذه السخافات،وأني اقصد الحب العذري،فولله ليس به فائده،بل العكس،فإنه يبدأ بالصغيره،وينتهي بالكبيره،وبعدها لن تكون هنالك طريق للرجوع،أو ان الضباب قد يكسو تلك الطريق وقد تضيعين فيها.ولعل ذالك الشاب،رفض أن يربط ذالك الأرتباط بينكما،اما لكونه ملتزم،واما لأنه أستخف بك لكونك انتي اللتي تقدمتي له والعياذ بألله،وإني اعني انك انتي اللتي صارحته بدلاً من أن يصارحك هو،ولاكن في كل الأحوال ذالك حرام. وأقول لك:لقد دب الفسادُ في مجتمعاتنا في أيامنا هذه،فأصبح الرجال كألذئاب،ليس لديهم ولو القليل من النخوه،أعني الأغلب،وفي دول معينه ليس كلها،فقد يرتبط بك الرجل فقط لإشباع غرائزه الحيوانيه،عندئذٍ،قد ترينه في الشارع ولا يتعرف عليكِ. اقتراحي لكِ خذيه من أخ ولله يعزك مثل شقيقته: فليكن الله عز وجل في ذاكرتك دائماً،فأجعلي إتكالك عليه دوما وأبدا،وأعدك بأن الله لن ينساكِ،وأنك ستحظين بالزوج الوفي التقي النقي، ولا اعرف اختي ان كنتي مسلمه أو مسيحيه فهذا لا يهم،فلا أظن أن احداً من الديانات هذه قد تقودكِ ألى الهلاك اذا اتبعتها. فلو أخذتي سنة سيدنا محمد صلى الله عليه وآله وسلم،ولله لن تخسري وستكوني ان شاء الله من الفائزين،ولو اخذتي التعليمات الصحيحه لسيدنا عيسى عليه السلام،أيضاً ستكوني من الفائزين. وألله ولي التوفيق |
تركت كل شي بالدنيا..وصرت فكر بهالقصة ليل نهار...ماعم أقدر ركز عاشي
|
شو مشان معلم ؟ شوي شوي يرضا ع كل شي زكرتو ..
المخلوئة عم تسلبها مو أكتر ولو |
اقتباس:
طلعي من مخ كل شي في شوارب هون .. استري علينا شماميان .. الله لا يسيئكـ |
مرحبا، اسف ع التدخل بس شوفي رأيي... الاعتراف بالحب عمرو ما بيكون غلط مع احترامي لكل واحد قال انو غلطتي...
انتي عملتي اكتر شي صح، و خبرتيه انو بتحبيه هلأ ازا ما بادلك الحب، احفظي ماء وجهك و كرامتك، و حلي عن سماه، و اطلعي من حياتو حاج غلاظة اما ازا بادلك الحب.... ساعتها نيالكم |
| الساعة بإيدك هلق يا سيدي 11:17 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون