|
وين فيني اشتري هذه المسلسلات في سوريا
مرحبا اخواتي اخواني بتمنى تساعدوني في هذه المسلسلات
ويا ريت تقولولي وين فيني لاقيها في سوريا المسلسلات السوريه مسلسل ابو الهنا غوار الطوشي المسلسل الاردني حارة ابو عواد المسلسل اللبناني ابو سليم ويا ريت تفيدوني والله يعطيكم العافيه |
مراحب خيتو
هاي المسلسلات تقدري تحصلي عليها من اي محل فيديو بيبيع افلام cd & dvd وياكترها هون بالشام وفي واحد انا بعرفوا بالشام بآخر خط المزة جبل عند فلافل على كيفك المشهورة قدامو بالظبط تحية :D |
اخي maged-syrian
شكرا كتير وكلك ذوق كنت بتمنى حدا يفيدني بهذا الموضوع والحمد لله انك افدتني لانه راح يصير عندي عقدي من المنتدى بسبب عدم المساعده :notok: المهم انا ما من سوريا بس ان شاء الله لما سافر راح ابقى روح هناك وشكرا لك والله يعطيك العافيه |
يعني بتصور المسلسلات ما يحطوها على CD غالبا و ضروري تكون DVD وأكيد بتلائيها
بمحلات الدي في دي باااااااااااااااااااااااي آيا عل فكرة اسمك من الأسماء المحبوبة لئلبي |
عند محل الشرفلي بحمص اذا رحتي لهونيك ايوش
قولي لاي شوفير تكسي عالشرفلي بيوصلك على طول! مايسترو |
اخي louay88
مشكوووووور والله يعطيك العافيه على المساعده اخي مايسترو ان شاء الله ناويه ازور حمص وراح اكتب هالعنوان عندي واتمنى اني لاقي هالمسلسلات ومشكووووووور اخي على المساعده وبارك الله فيك |
هو انا حابب ساعدك بس انتي باي محافظة :shock: وعكل حال اذا كنتي بحلب عند علاء الدين بالجميلية ومية السلامة
|
ليش منين الاخت بلا صغرة؟؟
|
السلام عليكم ورحمة الله وبركاته
اخي تيسير الضامن وابو نجبو انا ما من سوريا انا عايشه باوروبا بس الي اقارب بالشام واسمعت انه ممكن الاقي هالمسلسلات بالشام ومشكورين على المساعده والله يعطيكوا العافيه |
ما إلك إلا جوني سالم بالشعلان .. عندوا مسلسلات كتير وحتى قديمة كمان!
|
اخي romanista
هل هذا المحل بالشام |
ايه نعم بنص الشام
|
مشكوووووور اخي خلص راح احفظ العنوان والله يعطيك العافيه
|
في واحد تاني إذا بدك مسلسلات أجنبية قديمة وجديدة .. وكمان أفلام عربية قديمة ومسلسلات (مالي متأكد) .. إسمو محل جاكار مقابل الركن الفرنسي بالجسر الأبيض .. مع أنو هادا بحطوا إحتمال تاني يعني مالي متأكد إذا عندو شي عربي .. بس أجنبي كل شيء بتلاقي عندوا مسلسلات أجنبية! وأهلا وسهلا مرة تانية! |
اخي romanista
مشكوووووور كتير بصراحه انا ما بعرف الشام بس راح احتفظ بهالعناوين وخلي اقاربي بالشام يساعدوني فيهم والله يعطيك العافيه |
احلى ايووووووش بدنا خدمة تحرز
مايسترو |
تسلم اخي مايسترو وشكرا كتير على مساعدتكم
|
| الساعة بإيدك هلق يا سيدي 11:17 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون