|
النتائج غير الرسمية للفائزين بعضوية مجلس الشعب
اقتباس:
دخيل رب الديمقراطية ما اهضمها |
اقتباس:
ما بعرف اذا بكل المحافظات .. بس بحمص في تلت اربع اسماء عطول عما تنعاد .. يعني الشباب مظبطين حاولن عالاخر .. واذا ضل شي ما لهطوا بالدورة الماضي بيلهطوا هالمرة .. واذا لاء امرون لسعدو بيستنو للدورة الجاي .. ما عكل الاحوال الديمقراطية عنا ما بتتغير مع تغير الوقت .. ديمقراطيتنا ثابتة . وسعدو محي الثابت:cry: |
اقتباس:
يعني تخيل انو انت هيك ان الله راد اجا يوم لقينا اسمك بين هالاسماء الحلوة، يعني شو بيضمنلك انو رح ينعاد مرة تانية اسمك؟ |
اقتباس:
لا سيدي قول كلون و انت متطمن :frown: |
اقتباس:
وبعدين اذا مشي الحال يا اخي انا ما بدي شي منون .. بس متل ما تفضلت سابقا وقلت . بس السيارة والبيت .. والباقي بدبرو لحالي .. اقتباس:
انا خفت ما أظلمون مشان هيك ما قلت كلون .. لاني ما كتير متبع لهاي الاخبار كتير بالفترة الاخيرة .. بس هدول الاسماء الرنانة ما بتروح عن البال |
:lol: و انا حسيت هيك
انو يا الله هالاسامي و الله مانون غريبين سمعااااااااااااانتون من قبل بس وين؟؟؟؟؟؟؟؟؟؟؟؟ |
انا بقلك ..
هادا اول واحد منون هوي الي كان يعطي تنكة زيت لكل واحد بيصوتلو .. والتاني الي كان فاتح مضافي عندو بتروحي تاكلي وبتشربي عندو مشان تنتخبي .. والتالت الي كنتي تشوفي صورتوا لما تفتحي باب البراد والرابع الي بعد ما نجح طلع مسيرة بالسيارات وكنتي مفكرتي رايح يحرر الجولان بس هدول الاسماء البقية الي انتي ما بتعرفيون وما نجحو .. هدول كانو سخيفين كتير .. لا وزعو لا اكل ولا مصاري .. بس وزعو وراق صغيري كاتبين عليا شو عما يفكرو يساوا اذا نجحو بالانتخابات .. بس مين مدور على هالعلاك المصدي .. الكل البيعرف انو بس تكون ربطت الخبز تحت ايدك ورايحة تاكلي شوية زيتون ومكدوس بالبيت وقتا فينو الواحد يشبع .. قما هدول الخطط الي عما يحكو عنا شو جاي من وراها... لك اخخخخ ليش شو هوي اصلا هادا مجلس الشعب .. والله لو ما كان بيطلعل منو سيارات ومصاري ما كان ولا واحد رشح حالو ... قال مجلس الشعب قال |
اقتباس:
ينعمى من وين ناكشينو هادا :o من اسمو مبين مرشح نهفة :o عجب بيعرف يحكي عربي هادا ولا شلون |
اقتباس:
بس الملفت للنظر هاد العام انو قائمة رجل الاعمال خرقت و قائمة الجبهة الوطنية كانت على وشك انها تخرق (و هي سابقة جديدة بسوريا ) يعني أخيرا ..عرفوا الناس انو من حقهن ينتخبوا مرشحين مستقلين فقط يعني بالدورة الجاية في بوادر خير انشاءالله |
اقتباس:
أنا بحكي باختصاصي بحكم أني حلبي ابل ما تبدا الاتنخابات .. كان عنا 11 مرشح جبهة .. هدول ضامنين النجاح يعني بائي 9 مقاعد لمرشحي المحافظة المستقلين بتنافس عليا 700 مرشح اول يوم للإنتخابات .. كانت عنا النتائج طالعة .. الشباب ما في داعي يكملو أول شي عبد العزيز الشامي حلاء .. تاني شي ادوارد مكربنه و سونبول سونبوليان .. صارو جبهة .. بئي 7 مشرحين مستقلين كان ستة من قائمة تدعى القائمة المستقلة .. ( صار عنا جبهة تانية ) و الوحيدين اللي طلعو عن الجبهة .. و القائمة المستقلة حسن بري .. بدل عبد الملك بري و التنين من كبار ئطاع الطرئ و النصابين العالميين عبد الكريم السيد .. مع ظهور النتائج الرسمية أو شبه الرسمية من المحافظة تأكد الشعب الحلبي من صحة الإشاعات اللي سمعا دمتم و دام مجلس الشعب بحب :D |
| الساعة بإيدك هلق يا سيدي 03:44 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون