|
1 + 1 = 3
لدي تساؤل أرجوا الاجابة عليه
السؤال على مرحلتين أولا : لو أني أعطيتك آلات حاسبة من نفس النوع طبق الأصل ثم بعدها أمرتك أن تضغط على 1 + 1 = والنتيجة في الآلة الحاسبة الأولى كانت 1+1=2 ثم بعدها أمرتك بنفس الخطوات في الآلة الحاسبة الثانية 1+1= ثم بعدها خرجت النتيجة في الآلة الحاسبة الثانية 1+1=3 نفس العملية في الآلة الحاسبة الأولى أعطت نتيجة مغايرة عن الآلة الحاسبة الثانية في هذه الحالة نستنتج أن سبب هذا الأختلاف في النتيجة هو التكوين الداخلي في الآلتين هل التكوين الداخلي للآلتين الحاسبتين!!! متشابه الجواب طبعا لا الآن ندخل بالموضوع بعد هذه المقدمة : البشر يختارون إما طريق يوصلهم إلى الجنة أو إلى النار بالتالي لو وجدت شخص إختار طريق الجنة وآخر إختار طريق النار هل التكوين الداخلي للشخصين متشابه أم مختلف ؟ الجواب طبعا لا السؤال الذي يطرح نفسه بما أننا متفقون أن التكوين الداخلي للشخصين مختلف السؤال من خلق هذا الإختلاف? أرجو الإجابة بعد التفكر جيدا بالموضوع لأنه محير بالنسبة لي ...... |
اوقات ما بكون الغلط من التكوين الداخلي واصلا ما بكون في غلط
بمثالك هاد بقدر اقول لك انه كتير معقول انه 1 + 1 = 10 اكيد انا ماني خرفان ولا عبخرف يمكن هاد الحكي بالنسبة الك غلط بس انا من خلال دراستي اثبتنا ان جمع عديدن في النظام الثنائي هو " 10 " هاد ما بيعني ان الجواب غلط بس الغلط انك تقيس شغلات كل مين من جهة اذا حبيت تققارن قارن اول شي الاشياء المتشابهة ومن نفس النوع لا تحسبني جاوبتك على السريع انت كمان فكر باللي انا كتبته |
اقتباس:
هاد رأيي الشخصي:gem: |
اقتباس:
طيب اذا كان التكوين وراثه وايضا البيئه والظروف المحيطه والنشأه وما الي ذلك متشابهين وسلوك الشخصين مختلفين ...يبقي من خلق هذا الاختلاف؟ محير هذا السؤال...يعني ممكن اديكي مثال اخين واحد منهم دكتور وغايه في الاحترام وفي دماغه انه لابد ان لا يفعل اي شيء غير سوي والاخ الاخر صايع ولا نفع منه وبيسكر وبيحشش وبيعمل كل شيء غير سوي مع العلم ان الجينات الوراثيه متشابهه والبيئه والنشأه متشابهه ( دول اخوات ) رجع السؤال من تاني.... اقتباس:
اذن ما هو وجه الغلط؟... |
هلق هوي بشكل عام مافينو الواحد يقول انو تنين عايشين كلشي نفس الشي ..
انو حتى هدول الاخين . تيناتون عندون نفس الاهل .. وعايشين بنفس الجو . بس في كتير اختلافات بيناتون .. انو كل شخص عندو شخصية هيي بتكون متكونة من التجارب والمواقف الي عايشة .. يعني الاهل قالو للاخين انو ما ياكلو كيتشب مع البطاطا ... واحد بطل ياكل والتاني حس انو الكيتشب طيب وما بدو يتركو لانو ما قتنع بالشي الي قالو اهلو ... مشان هيك بيكون كل واحد منا مكون شخصيتو ( لا اراديا اغلبية الاوقات ) من ورا كتير شغلات صغيري صايرة معو مشان هيك بيكون كل مين مختلف .. ومشان السؤال الاول ... انو بس انتي تسأل دكتور شو جواب 1 + 1 رح يقلك 3 .. لانو بالنسبي الو .. انو ال 1 وال 1 هني الاهل مثلا وبعد ما ينجمعو سوا بيصيرو تلاتي ... تنين اهل وواحد ولد .. مشان هيك الشغلات الصح والشغلات الغلط هي ما نفس الشغلات بعين كل الاشخاص .. في كام مبدء ثابتين وعامين .. ووقت الواحد ما بيكون عندو اياهون بيكون بالنسبة النا شاذ عن الطبيعة .. بس بجوز يكون بغير محل هوي العادي ونحنا الشاذين وجهة نظر شخصية :D |
اقتباس:
يعني ببساطة ممكن واحد ياخد مورثات اكتر من طرف امه والتاني ياخد مورثات اكتر من طرف ابوه او حتى ممكن ياخد مورثات من جده العاشر ومنشان البيئة هاندسم جاوب على هي النقطة اقتباس:
بالاضافة انو حتى ضمن العائلة رح تصير نفس الاحداث بس رح يكون الها تأثير مختلف بين الاخوة...... مثلا اذا صار حدث متل مرض او انتقال من مدينة لتانية او انفصال للاهل او اي شي من هاد رح يكون واحد من الاخوة عمره مثلا سنتين والتاني عمره خمس سنين وبالتالي استيعاب الاطفال للحدث وتأثيره على شخصية هالاطفال رح يكون مختلف تماما وبالتالي مهما تشابهت البيئة بين شخصين بس بيضل في اختلافات هائلة |
اقتباس:
وهي سؤالي:من خلق هذا الاختلاف في التكوين الداخلي للشخصين؟ وما هو ذنب كل انسان في تكوينه الداخلي لكي يذهب الي الجنه او النار؟ يعني اذا كان لا يد للانسان في هذا الموضوع يبقي ما جزاة اي انسان لكي تتكون بداخله سلبيات او ايجابيات ياريت يكون كلامي اتفهم ...لكي توجد الاجابه اقتباس:
النشأه والعوامل البيئيه المحيطه والتربيه هي عوامل تكوين شخصيه الانسان بس كيف يستطيع الطفل ان يحدد توجهات شخصيته وهو غير قادر للتحكم بذلك |
الله ما خلق فينا اختلاف!
كيف؟ الان لو جبت طفلان مولودان جديد،واحد حطيتو بين المقاتلين في طالبان،وواحد حطيتو في فيلا في هوليوود ولا في نيويورك.جيت جمعت الطفلين بعد 20 سنه،بتلاقي اللي عاش مع الاخوان في طالبان شيخ وملتزم،وبتلاقي اللي عاش في هوليوود الله يعلم. فللبيئه تأثير لكون البشر مختلفون في تصرفاتهم! وهذا ينطبق ايضاً على قريه صغيره،وضعت ولد فيها بين عائله ملتزمه،وولد بين عائله غير ملتزمه. ألأن تقول ليش ربنا خلق اختلاف في البيئات: الجواب بعطيك اياه في الخاص عشان ما يصير نار هين! |
ليش انت مصر انه في غلط
اذا مكافي تطابق ما بيعني في حالة تعاكس |
السلام عليكم
الصراحه انه الموضوع حلو كتير ومثير للنقاش.انا برايي انو ربنا خلق الانسان واعطاه عقل ليفكر فيه .وكل انسان ربنا اعطاه القران اللي هو اخر كتاب سماوي نزل عالكون وهو عباره عن دستور او مجموعه قوانين اللي الانسان لازم يمشي عليها .فالانسان اللي بخلق وبتربى في بيئه مسلمه او مؤمنه فالقران موجود قدامه وبعرفه وبعرف يفهم القوانين الموجوده فيه.فهو طبعا حر يمشي عليه او لا فاذا مشي عليه فهو عمليا نجح بالمتحان وبدخل عالجنه باذن الله .اما اذا ممشيش عليه فذنبو على جنبه . اما بالنسبه للطفل اللي بخلق في بيئه كافره متلا اذا خلق مع الهندوس اللي بعبدو العجل فبعد ما ينضج ويصير يفكر ويفهم الاشياء اكيد رح يسال نفسه يوم شو انا بعبد ؟؟؟ وراح يشوف الاسلام ويقارن دينه مع باقي الاديان فاما يدخل الاسلام او اما ان يبقى على كفره فبالتالي هو مسؤول عن اختياره . عشان هيك كل انسان في اله عقل وبيفكر وبعرف الصح من الغلط وهو برايي مسؤول عن قراره في هذه الحياه الدنيا . وانا بنصح كل انسان يقرا القران ويشوف اذا فيو شي بناقض المنطق!!!!!! اكيد القران لا تشيبه شائبه لانه من تنزيل العزيز الرحيم . شكرا غبن (فلسطين 48) |
اقتباس:
دي ما فهمتها منك...واللي ما عندوش القرآن اساسا يعمل ايه يخاصم ربنا يعني. اوعي تقولي ينزل يشتري قرآن ومن الحجم الكبير كمان اقتباس:
اقتباس:
لم تتيح الفرصه له انو يتعرف علي باقي الاديان طوال حياته يبقي ايه ذنبه انو يدخل النار وكمان هيموت كافر او حتي ايه ذنبه انو ربنا خلقه في بيئه زي دي. اقتباس:
شكرا علي دعوتك للاسلام. بس افرض واحد مش عاوز يقرأ القرآن وقرفان منه يعمل ايه.? أصلو عندي واحد صاحبي بجد بيقرف يسمع اي حاجه عن القرآن او حتي يشوفه قدامه كنت بقوله شغل قناة اقرأ قبل ما تنام...وهو برده ما بيسمعش الكلام. |
لأخذ العلم:
القرآن الكريم لا يباع! اذا رحت على مكان وأشتريت المصحف بنقود فيا حسره على العباد! |
اقتباس:
يشهد الله الله على حادثتين صرن معي! 1:كنت داخل على باص،وشفت صفحه من التوراه،قمتها وحطيتها فوق على الكرسي! أما لو يهودي لاقى صفحه من القرأن الله يعلم شو كان عمل! 2:في عندنا كتاب انجيل في البيت! اظكو في الحفظ والصون! وحضرتك بتقول قرفان يعني لو انك تشوف مصحف قدامك ساعتها بعين الله! |
اقتباس:
لمذا خلق الله هذا الاختلاف الذي سيؤدي بالنهاية باحدهم الى النار والثاني الى الجنة يعني الله مبرمج لاهل النار النار واهل الجنة الجنة .... طيب راح جاوب على حسب فهمي البسيط للاشياء بالدنيا خيارات صح فيك تختار الصح او الغلط ليش لانو كلنا احرار ما في شي اسمو عبودية هلا اذا ربطت الحرية بالفلتان او الانحلال ما راح توصل لنتيجة لكن اذا طابقت الحرية بمعناها الحقيق والذي هو بالساس حرية الشخص الفكرية والاجتماعية والسياسية والثقافية والدينية اي حريته في اختيار المنهج والطريقة التي تناسبه في كل مما ذكر ساعطيك مثالا صغيرا واتمنى ان تفهمه اذا ما وضع امامك سلاح واجلسو الد اعدائك امامك عدو فعل بك الويل ولم يرحمك لحظة واحدة وقيل لك انت حر بقتله لن تعاقب ولن تسجن فافعل به ما شئت هل ستقتله ام تتركه الاولى اذا قتلته سيبرد قلبك وتكون قد انتقمت منه لكنك ستعيش بصورة انسان يقتل وهو عاري اليدين لا حول له ولا قوة للدفاع عن نفسه الثانية ستتركه يذهب لانك تعلم علم اليقين بان قتله لن يمحو الالم الذي سببه لك وانما سينفي وجود عنصر فاسد اخطا بحقك فحسب الله رب المسلمين والمسيحيين واليهود والملحدين لا يريد الانتقام منا لاننا لسنا ندا له فنحن عباده مخلوقاته ومتاكدة بانه لا يريد لنا سوى الخير والجنة بالاخرة فمثلا النجار هل يحب ان تحرق خزائنه ابدا فهي من صنعه من روحه وشكرا لك على موضوعك الرائع والذي يستوجب منا الاطلالة عليه :D |
السلام عليكم ورحمة الله وبركاته
اخي Fady007 الله يسامحك على هذا الكلام لماذا هذا يا اخي انت تعلم انه فيه مسلمين في هذا المنتدى ليه بتقول قرفان من القران فيك تقول ما بقراء القران والله رغم اني مسلمه واؤمن انه ديني دين الحق بس عمري ما بتكلم كلام سيء عن الدين التاني انا زعلاني ومضايقه كتير من هالكلام الله يسامحك |
الى فادي :
اولا : كل انسان ربنا اعطاه القران يعني انه ربنا نزل القران على جميع عباده وبوسع كل انسان ان يحصل عليه.وممكن انه يشتريه زي ما حكيت. ثانيا : بيئه مسلمه لانه الدين الاسلامي هو الدين الحق والقران هو الكتاب الوحيد اللي ربنا حفظه من التحريف لانه ربنا قال بسم الله الرحمن الرحيم :"وانا للذكر لحافظين " صدق الله العظيم . ثالثا : بظنش انه في اليوم انسان مواجهش مصطلح اسلام. لانه كل العالم اليوم قايم قاعد ضد الاسلام فاكيد انه الاسلام هو عباره عن اخبار الساعه اليوم .واليوم في انترنت وفي فضائيات وفي قنوات للقران الكريم بتبث قران 24 ساعه حتى في قران بكل اللغات . فليش لحتى هادا الهندوسي او الكافر زي ما انت حكيت ما يتعرف على باقي الاديان شو هو عايش بالادغال ؟؟؟ رابعا : لو فيك شويه احترام لغيرك كان ما حكيت هالكلمه :"قرفان" شو هالمستوى هاد !!!!!!!!!!!! على كل حال الكلام من صفه المتكلم . واللي ما بده يسمع قران فذنبه على جنبه لانه القران مش بس للاسلام بل هو لكل انسان على الوجود. غبن .فلسطين 48 |
القصه يا استاذ فادي ان الانسان كما حاولو يفهموك الشباب بيتكون من البيئه يلي عايش فيا وبس اكيد رح تسال شو سبب اختلاف الاخوه بين بعض انا بقلك سبب الاختلاف هوه يلي بخلينا نعيش بالكره الارضيه يعني تخيل كل البشر نفس الشخصيه من الداخل كيف كانت الحياه اكيد ما ح يكون في حياه صح ولا لاء وبدي وجه رساله للأعضاء يلي عم يحاولو يقلبو الموضوع لموضوع ديني و وتطرف وشغلات تانيه ما بفهم فيا يعني الرجال ما جاب سيره الاسلام والديانات الاخرى ...... |
اقتباس:
وكمان فيه مكتبات بتبيع. اقتباس:
ما أقصد بيها حاجه تزعلك بس صاحبي هو اللي قرفان وقاللي الكلمة دي فأنا كتبتها بحسن نية.يعني ما تضايق وبعدين الاخ غابين هو اللي خرج عن مسار الموضوع وتكلم عن الدين الاسلامي وليس هذا هو موضوعنا الان وقعد يوعظ في الناس كي يهتدوا ويروا البصيره. يعني ياريت ما نخرج مرة تانيه عن الموضوع |
| الساعة بإيدك هلق يا سيدي 14:19 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون