|
شو الكافر ؟؟؟؟او ليش هاد المصطلح؟؟
هلأ في كلمة كتير منسمعها والبعض برددها وهي الكفر او كافر
طيب هداك اليوم كنت عند احد الناس بشغل وعم نحكي بالشغل وكان في بيناتنا حسابات المهم احتد النقاش بيني وبينو وصار يحلفلي بالله انا هون قلتلتو لاتحلف بالله لانو ما بعترف عليه وما بأمن فيه وهون المصيبة كانت انو الافندي بقلي انت واحد كافر بالاول ما رديت عليه احتى خلصنا نقاشنا بالشغل وبعدين قلتلو انت بانو حق عم تقلي كافر ؟؟ قلي يللي ما بعرف الله بكون كافر قلتلو طيب يا فهمان انا بنظرك كافر لانني ما بعرف الله يللي بتعبدو حضرتك طيب انت شو بنظري رح تكون لانك انت بتعبد او بتامن بشي انا ما بعترف عليه يعني انت كمان بنظري كافر هلأ موضوعنا هون كيف فينا نعرف هي الكلمة اجتماعيا وبين الناس يعني بتنطبق فعلا على واحد متلي ما بيعرف الله .... |
هلا نبيل .. :D بس أنو أول شيئ كيف بدنا نطبق الموضوع والردود على أنو ما يكونوا بالدين هون بالمنير .. لانو متل ما بتعرف انو الأخد والعطا بالدين هون عليه وقفة مقابل الحيط .. وأجرك لفوء .. خليني هلى عم تابع .. ومنشوف .. |
اقتباس:
كيفك؟؟:D هل الموضوع نحنا بدنا نتناقش فيه على اساس تعريف كلمة الكفر او نعت انسان لانسان اخر انو كافر طبعا انا حكيت القصة مو حتى ناقش فيها بس حتى تتوضح الصورة المهم يللي بدو يحكي يحكي يللي بدو ياه بس ما يسيء لدين او معتقد او اي شي بأمنو فيه الشباب والصبايا لانو هي من قوانين الكتانة الادبية هون بالمنبر وبصراحة اشتقت للمنبر |
بظن أنو الكفر ( حرفياً ) هو عدم الأيمان بـ الله ..
و خليني عم تابع .. ودقلي بودعك |
اقتباس:
منتمنى بس ما بظن بأي حال هالغنية يمكن هون محلها أنا مش كافر بس الجوع كافر أنا مش كافر بس الفقر كافر والذل كافر أنا مش كافر بس المرض كافر أنااااااااااااااااااااااا مش كافر لكن شو بعمللك إذا اجتمعو فيي كل الاشيا الكافرين الله يخليك يا زياد |
اقتباس:
شايفة شايفة؟ مو شغلةبتكفر هي؟ خلونا بالجد الكفر باللغة: هو ستر الشيء، يعني من كفر الشيء غطاه... يعني يعني، من ستر عورته كافر، و من ستر بلواه شو؟؟ ايضا كافر... هع هع هع بس اصطلاحا، يعني هيك شاء الهوى، (او شي متل الهوى) انو يصير الكافر معناه عدم الايمان بالله، و بملحقاتو يعني لما حدا يقلك كافر، ما في داعي تنرفز و تحرق اعصابك عمي كوستا يعني انا عمليا بحس حالي عم انسب ازا حدا قلي: يا مؤمن... هع هع هع |
الكفر ..
الكافر : هو من يقلب الأرض ليغطي البذور وتستعمل لمن يغطي الحقيقة ويقلبها . وكثير من القرى تسمّى ( كفر ) ...كفر سوسة...كفر بهم..كفر الدوّار...كفر الشيخ ...وهي الأرض الصالحة للفلاحة (للقلب ) ...ويقال كفّارة...وهي تغطية للخطيئة وقلب السيّئة الى حسنة ومن يؤمن بالله ولا يؤمن بملائكته و كل كتبه و رسله ..أو ببعض الكتاب ويكفر ببعضه ..فهو كافر . " هدول اللي تحتون خط خرج الناس اللي بتنط باسم الايمان و بـ تبلش سب بالاديان" و بما انو كل الدروب ع الطاحون فهي تعريف الالحاد بالطريق .. الملحد : هو من يدفن الشيء أو يقبره واللحد هو القبر و لحّود هو الحانوتي أو المقبرجي , وتستعمل لمن لا يؤمن بشيء يعني مو للي ما يؤمن بالله .. كريم سبقتني :frown: بس بعد ما جبت المعلومات ( المصدر .. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - )حبيت يعني و بما انك سبقتني :frown: .. اني ضيف على اللي قلتون .. :? :D |
اي بس تبعك اهم بكتير، و شكرا ع المعلومة تبع تسمية القرى بالكفر كزا و كفر مزا ...
من زمان منتبه ع الموضوع بس قايل يا حالي بتكون شي كلمة سريانية قديمة معناها "ضيعة" او قرية او هيك شي شكرا ع المعلومات الجميلة |
اقتباس:
يا هلا .. :D |
لقد كان اطلاق مصطلح كافر يكون بشكل علني فكل صاحب فكر جديد يطلق عليه كافر
فاخترع احد من الناس مصطلح اقل حرمه واكثر جذبا وهو مصطلح علماني على اي فكر غريب جديد يعد صاحبة علماني ، لذلك يجب ان تحافظ على تقاليد المجتمع وليس الدين بل التقاليد حتى لا يطلق عليك مسمى علماني . مع ان العلمانيه هي عدم تطبيق الدين في امور الحياة .... يعني نستخلص من ذلك ان بعض المتشددين اطلقوا مفهوم عام وهو كافر يعني علماني وعلماني يعني كافر وبمفهوم خاص هو الشخص الذي ليس له دين او معتقد او الشخص الذي لا يؤمن بالعقيده التي يؤمن بها المتشدد وهذا طبعا خطأ وصدقني هي بس العلمانيه اللي هتقدر تخلص المجتمعات العربيه من التخلف... |
اقتباس:
شلون انا هيك بدي ؟؟ ما فهمت عليكي ري مي ويسلمو على غنية زياد:D |
اقتباس:
طبعا انا ما بهمني رايو اذا كنت شو ما كنت لاني انا مقتنع بيللي انا بفكر فيه وبامن فيه بس ما طلعت براسي كلمة قولها او وجهها الو مشان رد عليه بنفس الطريقة |
اقتباس:
كتر خيرك :cry: |
اقتباس:
غلطاني .. لحود هوي رئيس اول شي .. قبل ما يكون مقبرجي .. هلا رئيسنا .. مغبرجي .. رغم أنو كمان تابعة لـ ألو كل الأنظمة الأستقباراجية ... بس مغبرجي .. لأنو بيضلو يلم غبرة .. عـ البلد .. و الرجعية متل الغبرة .. فرد شكل |
اقتباس:
|
اقتباس:
انو انت ما بتتمنى الردود تسيء لدين الشباب والصبايا مهما كان بس انو انا هيدا اللي علقت عليه انو عنجد يعني منطقي انت يا زلمي الموضوع اذا كان جدا عادي وما فيو دين ما بتلاقي غير المسخرة عالاديان ... وحاليا بعد عودة اخوية مدري شو جاي على بال الشعب هون انن يتخانقو وين ما التفتت بتلاقي كلام عن الدين والذم بالدين ومدري شو شي غير مشجع بالمرة ........................... طيب بالنسبة لكلمة كفر انا بعرف انها كلمة عبرية وتعني البستان او الارض الغنّاء معلوماتي مو من اي مصدر وانما انا ربيت على هالمعلومة في ضيعة حد صافيتا اسمها كفر يخة حد هالضيعة كان فيه قرية يهودية واثار هالقرية لساتا موجودة لحد هلق ولكن بالموقع يللي فيه قرية كفريخة الحالية الارض كانت عبارة عن بستان لامراة يهودية اسمها ايخة يعني: كفر=بستان..........ايخة = اسم علم مؤنث باللغة العبرية وعلى الشرق من القرية الحالية كفر يخة توجد مقبرة لليهود اللي كانو ساكنين المنطقة وسكان الضيعة الحاليين لاقو كتير عظام وهيك اشيا بتدل على انو هالارض كانت مقبرة ولهلق بيسمو الارض اللي هونيك(قبر اليهودي) وللعلم فقط انو الضيعة اللي اسمها كفر ايخة من كم سنة بس غيرولا اسما الى (الناعمة) قال لانو ما بدن اسماء يهودية بالسجلات المدنية ومو بس هيي كمان فيه ضيعة تانية حد صافيتا اسمها صهيون غيرولا اسما وصار (الكرامة):lol: والله عنجد اسفة اذا طلعت عن الموضوع الاساسي;-) |
اقتباس:
|
ما هالموضوع تحديدا ..
اقتباس:
:pos: :frown: اقتباس:
يسلم تمّك:D |
| الساعة بإيدك هلق يا سيدي 13:40 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون