|
تحاور ضد المراه ..تحاوري ضد الرجل..ارجو ان تعجبكم الفكره ...
المراه لها تصرفاتها وتفكيرها التي قد لا يفهمها الرجل وللرجل شخصيته واعتقاداته التي قد لا تعجب بها المراه هنا افتح لكم المجال لنتحاور وبكل جرأه وموضوعيه لنفهم بعضنا لعلنا نستطيع تفسير بعض الامور كل رجل لديه استفسار عن أمر تقوم به المراه يريد اجابه له . . ما عليه سوى وضعه هنا .. وعلى الفتيات الاجابه عليه وكل امرأه لديها تساؤل عن امر يقوم به الرجل وتريد اجابه له .. فقط تضعه هنا وعلى الشباب الاجابه عليه وسنرى من الافضل في الاجابه الشباب ام الفتيات ؟؟ او ان كنت تكره شيئا بالجنس الاخر وتريد التكلم عنه فهنا تكلم وعلى الجنس الاخر الاجابه وتعليل سبب قيامه بهذا الشيء اتمنى الفكره تعجبكم |
اول شي شكرا على الموضوع الحلو
تاني شي ليش اغلب البنات بكذبو على الشباب مع تحياتي |
اقتباس:
انو مو اغلبون في حسب البنت حتى الشباب بيكذبو مو بس البنات بس في كتير اسباب انو حسب الظرف حسب هيه شو مفكرا بالشب وهيك يعني بتعتمد عاحسب الظرف |
اقتباس:
لما تتفاجىء البنت بسؤال بتكذب فورا ليش ؟؟؟؟؟؟؟؟؟؟؟؟؟؟؟ |
اقتباس:
وأنا إنشاء الله إلي رجعة بس .................شوي لأحل المشكلة يلي عندي ميرسي يابنوتة على الموضوع:D |
اقتباس:
ولكمو اهلا وسهلا فيك وناطرة عودتك والكون كامل الحرية بالطرح والاسئلة وحرية الراي نورت |
اقتباس:
ههههههههههه حميدو شبك ههههههههه كمان حسب السؤال والظرف انت فرضلي مثل او شي صاير معك وانا بحللك اياه هههههههههه احسن شي اوكى طيب سؤالي انا بقا ليش الشباب لما البنت بتقلون انا حابة اتعرف عليك كا صديقة بس ما بيفهم هالشي وبيحولوا لا حب انا هيك صار معي |
اقتباس:
:D :D :D :D :D |
اقتباس:
و لانو اغلب شبابنا الشرقي و للأسف كلشي عندو اسمو حب و هوه ابعد شي عن الحب بجوز عم يعوض خسارة فتاة قديمة أو حنان لم يأخذه او نقصان في الشخصية بس مو كل الشباب و لعلمك في شباب كتير محترمين و ما بيتعاملو هيك مع كل البنات و مشان موضوع الكذب : يعني اذا بتشوفي بتلفونا في كم اسم بنات بس هنن شباب وبتلائي المكالمات محذوفة او التلفون صامت ..........الخ هادا من جانب الموبايل وفي جوانب كتيييييير كمان مع تحياتي :ss: |
شكرا بنوتة حلب كتير على هالموضوع
بتقدري تحليها لهالمشكلة شب طلب من بنت انه يتعرف عليها بقصد الزواج البنت حاليا ما بتفكر بالزواج بس ممكن صداقة الشب انا ما عندي مانع و فكري على مهل و بعد قترة من الزمن البنت انا ما عاد بدي احكي معك و بعد قترة اقصر من الأولى البنت بتنخطب شو تفسيرك يا ترى ملاحظة (القصة حقيقية) |
اقتباس:
ههههههه اي لانو البنت لما بتتعرف عاشب ومافي شي رسمي بينون ليش لحتى تمحي كلشي بماضيها شو بيضمنلا انو تبقى معو وترتبط فيه بس بتحد علاقتها فيون اما صامت اذااتصلو فيها مابترد عليهون او بيجوز كرمال اهلها وهك يعني ليش مكبر القصة مسيو حميد:lol: :lol: |
اقتباس:
امممممممممم بيجوز يكون ما لقيت فيك الشب الي بتتمناه فا ماحب تقطع علاقتك فيا بفرد مرة ولكن عملتا باسلوب التدريج ولما اجاها شب مناسب انخطبتلو |
اقتباس:
يعني اذا من الأول ما بدها ياه تقوله ما في نصيب اما انها تتركه على قائمة الwaiting ما بعتقد انها طريقة حضارية بالتعامل |
بدون عنوان أفضل (قنبلة)
هلق زيادة على كذب البنات الدائم على الشباب بالحكي هناك شيء آخر أهم الكذب عن طريق الشكل هلق البنت السورية عموماً والحلبية خصوصاً دائماً قبل ما تطلع من البيت بتحط شي كيلوين ونص إذا مو أكتر بودرة وبتجيب علبة دهان أحمر مشان الشفايف (حمرة) وكتير من المسخرة عفواً المسكرة على عيونها وما بعرف شو بتساوي بشكلها يعني بالأخير وعفواً بتطلع متل المومياء أحياناً والمهرجين أحياناً أخرى وإذا مو مصدقين أنو في هيك بنات رح دلكم على محل بيع كاتو بحلب بمنطقة العزيزية بالزات وبساحة العزيزية إذا أردنا الدقة ودوروا على صاحبة محل الكاتو وبنتها وأكيد رح تعرفوها فوراً من كمية المكياج إللي بتحطها وأمانة حاولوا ما تاكلوا من عندها كاتو وهادا كلامي للصبايا حتى ما تنعدوا منها.
هلق في شغلة تانية على البنات إللي هي أنهم دائماً بيبعتوا مس كولات للشباب مشان يخبروهم على أساس ما بقى معي غير هالكذا وحدة والشب دائماً لازم يكون على أهبة الإستعداد للاتصال وإذا ما اتصل ياويله شو رح يجيه بهادل منهنَّ... وفي شغلة كمان مهمة أيضاً هلق أنا عبكتب عبلاقي أمور تانية أكتبها يا حرام يابنات رح تتشرشحوا (طبعاً عبمزح بس انتوا إللي فتحتوا الموضوع) بالنسبة للبنت الحلبية إللي ما في متلها أبداً بأي محافظة سورية أخرى وهي إذا رحت مشان تسألها عن الساعة رح تتهمك بأنك عبتتحركش فيها ونفس الاتهام رح يجيك على الحيرك إذا طلبت منها كتاب أو دفتر أو أي شي بالحياة مع أنها بتكون بالأصل زميلة إلك بالجامعة، هلق الحلبيات رح يزعلوا بس رح أقول لهم بأنها صارت معي مرات عديدة بالجامعة بحلب أما بالشام ففي هيك شغلات بس كتير نسبتهم قليلة. والبنت بشكل عام ما بتهتم بثقافتها للأسف فبتشوف نسبة الشباب المثقفين (لا أقصد الشهادة الجامعية هنا بالثقافة لأنها ليس كل طالب جامعي أو متخرج مثقف انتبهوا هناك لغط كبير بهيك مواضيع) أكبر بكثير من نسبة البنات.... والبنات بشكل عام عندهم بقى هلق المشكلة الأعظم ويللي هي الحكي الفاضي على التليفون فممكن تحكي مع رفيقتها ساعات بدون ما اتمل حتى لو كانت تاركتها من شي ساعة بشي محل بالجامعة بالبيت بمابعرف شو..... البنت السورية بالتحديد أيضاً ما بتحب اتروح إلا إلى الأماكن الهاي هاي زعماً منها بأنها تمارس الأتيكيت لكن للأسف الكل كاشفها من صغير الكاراسين إلى أكبرهم وأقدمهم بالمهنة وبالإضافة إلى الزبائن الرجال كلهم فمثلاً البنت بحلب ما بتروح إلا على (الشلال- إن آوت - سلسلة الغراند - بيغ ماغ- الريف - آريزونا)، أما بنات الشام فبروحوا على الـ (إن هاوس- آرت كافيه - وسلسلة المقاهي كلها الموجودة في القصاع والشعلان وأبو رمانة والمالكي ولا ننسى أن أزيد على هذه المقاهي ألغورا - وأروما كافيه) طبعاً هادا كله مشان البرستيج كمان. أما بنت اللاذقية فلا ترضى أن تجلس إلا في (اللاكاست، الزاوية الإيطالية- الإكسبريس وباقي مقاهي شارع الأميركان) والحسكة ولك أبوس روح الحسكة شو صغيرة واململمة المشكلة مافيها أي مقهى شبابي لأنو مافي ولا وحدة بتسترجي تنزل واتروح على المقاهي هناك والسبب هو أنو الناس كلها بتعرف بعضها.. وهناك مشكلة رمي الزبالة من النوافذ وهذه موجودة في كل المحافظات تقريباً باستثناء الشام، هلق رح اتقولوا بأني عنصري بالنسبة للشام بس لا تزعلوا أنا من حلب...:larg: |
بدي اسأل سؤال لكل البنات هون و خاصة لبنوتة حلب صاحبة الموضوع
هلأ شكل الشب اديش بمثل بالمية لحتى تعجبو فيه ؟؟؟؟؟؟؟؟؟؟؟ و سؤال تاني : اذا اتئدملك شب كامل من كلشي "مجازاً" و مو نائصو شي و بس مو حلو "مو بشع" بتوافئي ؟؟؟ السؤال لجميع البنات |
اقتباس:
الشكل يمكن يمثل عندي نسبة شي 40% انا بنظري انو الشاب ما بيعيبو شكلو.. لما الانسان بيحب ما بيهتم بشكل أو مظهر .. بيهتم بمضمون.. و برأيي أنو البنت الي بتفكر بالشكل كنسبة أعلى من 50% بتكون بنت تافهة.. عفوا:D و لو حصل و تقدم لي شاب على قولتك مو ناقصو شي بس مو حلو. ما بوافق و لا برفض.. اولشي بدرس أطباعو و أخلاقو للشاب.. و اذا عجبتني شخصيتو و انجذبت الها اكيد ما رح فكر بالشكل بنوب.. و يمكن اذت حبيتو شوفو احلى انسان بهالدنيا كلها:D |
الأخت بنوتة حلب موضوعك حلو وجرئ وبيقابل فيه الشاب مع البنت وجها لوجه....أنا راح أسأل سؤال للشاب وياليت يجاوب بصراحه ..1-هل يوافق الشاب على الزواج من بنت لها ماضي ؟؟؟واللي بيجاوبوا بنعم أو لأ ... ياترى ليش تختلف اجاباتهم هل حدة صفات الرجل الشرقي تختلف من رجل الى أخر خصوصا في موضوع مثل هذا؟؟
|
اقتباس:
اقتباس:
بنت ولا كل البنات وإذا في متلك كتير فمعناتا الدنيا بألف خير.......... والله يهنيكي ويبعتلك إبن الحلال يلي بيناسبك .........وإييييييييييييييييه يتهنا شو زووووووووووووق :D |
| الساعة بإيدك هلق يا سيدي 20:16 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون