|
دخيلكون ساعدوني
يا جماعة انا بدي مساعدتكون بهالموضوع
يمكن بس تقروه تضحكو عليي و تقولو شو هالخالص أو الأجدب أو ........ ما بعرف شو بيطلع معكون بس صدقوني انا كمان هيك حاسس حالي و لأول مرة بحس هيك القصة و ما فيا أنو في بنت عاجبتني كتير و حابب احكي معها و الي فترة عم بقدحا نظرات و تطليعات و ابتسامات و ....الخ يعني بتعرفو حركات الشباب و هيي ما عم بتقصر كمان و الي على هالحالة كم شهر هيي البنت معي بالجامعة بس بيدرس بغير كلية هلأ أنا عم جرب اتقرب منها احكي معها بس رفقاتا دايما معها فشو الحل برأيكون شك الشوكة بالبلوكة و روح حاكيا قدام رفقاتا أو انتظر كمان و لا شو أعمل نسيت قلكون انو انا من النوع اللي عندي كرامتي فوق الدنيي كلا يعني ازا بتخجلني و ما بترد عليي يمكن انتحر أو أعمل شي شغلة بحالي لأن ما تعودت انو ينقلي لأ بهيك موقف و خاصة متل ما قلتلكون انو البنت عاجبتني كتير كتير كتير ازا حدا بيحي يساعدني و ينصحني بشي طريقة لأتقرب منها و احكي معها نسيت قلكون كمان انو قد ما البنت عاجبتني حاسس حالي متلبك كتير و ما رح أعرف افتح معها حديث فبتمنى انكون تنوروني و تساعدوني |
اقتباس:
شك الشوكة بالبلوكة و طحاش طحشة عربية أصيلة |
انا رح حاول ساعدك
"انت لازم تروح تحكيها هيدا شي مؤكد لإنو مش معقول تجي بنت بنفسها وتحكي معك بدون معرفة مسبقة" انت روح احكي معها بمواضيع عامة أول شي... مثلا : انت من اي كلية؟؟ طيب الكلية هاي صعبة ولا سهلة؟؟ وانا بكلية كذا وكليتي اسهل\اصعب من كليتك ، شو عاملة بالمذاكرة ،،، الخ الخ لما تتعودو تحكو مع بعض حكي عادي.... كل ما تشوفها سلم عليهل وحكي معا لحتى تتعودو على بعض... بعد ما تتعودو على بعض... صارحها بطريقة غير مباشرة وعلى اقل من مهلك يعني شوي شوي.... الله يوفقك ورح تستفيد اكتر ازا ساعدتك بنت بهالمشكله.... تحياتي.. |
اقتباس:
بركي اكتشفت انت بالآخر انها مش منيحة لا سمح الله لإنو حسب ما بتقول انو هي ما عم تقصر كمان |
اسمع منى يابنى
استاذن منها بكل احترام وطبعا من صحبتها وقولها انا كنت عاوز اكلمك فى موضوع مهم جدا وقولها بصراحة ودغرى كل الى بنفسك وقولى النتيجة;-) |
اقتباس:
شفت ... قلتلك البنات بيفيدوك اكتر |
اقتباس:
بس لازم الولد يكون جد:x لانة لو مش جد هينكشف:jakoush: هينكششششششششششف;-) |
اقتباس:
|
من البداية لازم تعرف
المرأة و خصوصا الطالبة او خريجة الكلية بدك تحط الحب و الزواج فوق الكرامة ! |
بما انك بسيط احكي معها بسيطه شو بدك بأداب
وخلص:larg: |
اممممممممممممممم
يا ابني قوي قلبك وكلمها عادي واذا رفضت شئ عادي يمكن هي تكون مرتبطه شئ عادي ودائما حط في بالك اسوء الاحتمالات علشان ما تنصدم ((((والحب مو كله شكل ))))) لازم تتعلم انه لازم تعرف تفكير الطرف الثاني علشان تحبه )))) يعني لما تكلمها لا تقول لها على طول انااااااااااااااااااااااااااا احبك واموت فيك :? لازم تثقل وتتعرف عليها شوي شوي اوكيشن :p |
ياسيدي اول ماقريت العنوان دخيلكون ساعدوني فكرت في شي قنبله نووية موقوته قريبه منك طبعا لازم تاخدها بالاحترام وتقلها حابب احكي معك بموضوع واذا رفضت سيدي احسلك بتلاقي احسن منها مو هالقصه العظيمه :D |
اقتباس:
|
هع هع هع .......ياسيدي نفس القصة صارت معي........
كنت كل ماروح عالجامعة تنخلق قدامي مدري كيف سبحان الله ....وخيد عاطق نظر يعني مو ايا نظرات شي شمسة....رفقاتي كانو يقللولي لك شبا هي يازلمة اكلتك....ضلت هالحالة شي شهر ونص عاتطليعات مو طبيعية لحتى صارو العالم يقلولي لك شبك روح لك خروق اكتر من هيك بتخرب الطبخة ......رحت اجلتا شي اسبوع كمان .... وبعد اسبوع شفتا وكانت هيي ورفيقتا ورفيق رفيقتا..... قلت حاج بقا روح وضروب هالطينة بهالحيط......رحت وانا حاطط ببالي اول مارح قلا اذا بتريدي كلمة عاانفراد رح تفز وتشدني ونمشي....عاقد ماجلقتا بتطليعاتا....وانا كمان من النوع الي بيحسبا شي خمسين مرة وبعد للالف وكرامتي قبل كلشي.... المهم قلتلا هيك ...اذا ممكن كلمة عاانفراد ....راحت عينت فيني من تحت لفوق : وقالتي ممكن مو هلق انا مستحيل كنت متوقع هيك جواب من طريق نظراتا الي..... بس فادتني كتير هالتجربة بما انها اول بنت بتخجلني .....بس صدقني ندمتا ندم زعلني عليا.... الخلاصة لا تستعجل لانو اكتريت البنات الي بيعملو هيك ....مغزى هيك حركات بيكون كأنو عم تقلك انا مو بالسهل تحصل عليي...... فاتروى وانتظر الحظة المناسبة..............الي بتحس فيا انو هي هيه فرصتك.... |
شك الشوكة بالبلوكة و قول يارب
روووووووووووووووووووووووو ووووووووووووووووووووووووو وووووووح و البي داعيلك :clap: :clap: :clap: :clap: :clap: :clap: :clap: :clap: :clap: :clap: :clap: :clap::clap: :clap: :clap: :clap: :clap: :clap: ;-) ;-) ;-) ;-) ;-) ;-) ;-) ;-) ;-) ;-) ;-) ;-) ;-) ;-) ;-) ;-) ;-) ;-) ;-) ;-) ;-) ;-) ;-) ;-) ;-) ;-) |
الله يعوضها يا طنش تعش و يا بسيط
ان شاء الله يا بسيط بس بدك تحاكيها تقبل .. لأن هي مو الملكة حتى ما تقبل تحكي مع اي حدا .. |
اسمع مجرب ولا تسمع حكيم
روح اطحاش طحشة الله مولاها اذا ما مشي الحال اعمللها كفين وامشي وفضها سيرة هي بتصير ادور عليك هاد اذا ما الشرطة كمان:D |
أياك تتردد طحاش وشوف النصيب يا بصيبك يا بفجك
بس الخوف من الفشل أصعب منو وما محرزة الشغلة تعمل بحالك شي عمنشوف العالم حب أفلاطوني ومدري شو طب غم كل مين بطريق وضحكتن شبرين فكيف أنت لسا مافي حكي مبينتك أنسان حالم كتير لاتكبر الموضوع وفرود حصيرتك ودج الحكي بأنسيابية |
| الساعة بإيدك هلق يا سيدي 06:12 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون