|
فيروز...والعشق....و المطر
انو هي بالعامية
..................................... بليلة كان البرد قاسي كتير وصوت فيروز باغانيها الهادية وبصوت واطي عم يخلي الغرفة رومانسية وضو اصفر صغير مشعل الغرفة بحنيتو.صورة فيروز كانت محطوطة فوق مسجلتي وجنبها مكتوب عورقة صغيرة"فيروز ظل الله على الارض" بلش المطر ينقر عالشباك متل عاشق خيفان عم يدق بروس اصابيعو على شباك حبيبتو كرمال يشوفها ولو دقيقة بعد ماشال عقلو على جنب وحط بدالو جنون العشق ويقلها بحبك بلش المطر ينزل عالشباك والغرفةتبرد اكتر و اكتر وانا بردان رغم اني قاعد جنب الصوبية بهي اللحظة.............طفى الضو......وقف صوت فيروز طلع بدالون ضو قوي كتيرودفى الغرفة طلعت عالشباك لقيت خيال فات من الازاز قعد جنبي وعانقني وبلل المخدة بدموعو عانقتو ضميتو بقوة كان هاد طيف حبيبتي ما حكت ولا كلمة حطت وردة جورية جنب صورتنا وطلعت كانت مشتاقتلي كتير تطلعت فيني قبل ما تطلع وركضت لعندي مرة تانية عانقتني بقوة اكتر.بكيت اكتر واشتغل صوت فيروز وطلعت حبيبتي قلتلها لا تروحي عدي دقيقة كمان بس....................... ماردت وراحت رجعت الغرفة بردت واشتغل الضو مرة تانية وقعدت انا ابكي للمرة المية........................................ ......................................... مايسترو |
1 ملف مرفق .
سمعوها مع هي الغنية
مايسترو |
والله زعلتني عليك :cry:
|
اقتباس:
سمعتيها مع الغنية؟؟؟ اشكرك لمرورك مايسترو |
له له له
هيك يا شباب ويا صبايا ماحدا عبرنا؟ طيب حتى لو ما عجبتكن احكوا...................ولو مايسترو |
شــكرا جدا جزيلا
على الأغنية .. وعلى الخاطرة تحياتي |
شكرا ً على كل ما قدمت ....
. . . |
شعور واحساس رائع
كلام كل زوق ورقة واغنية اروع عنجد اول مرة بقرأ شي بالعامية وبكون بالهجمال عنجد يعطيك العافية لانو الكلام طالع من قلبك على الورقة تحياتي |
اقتباس:
شكرا كتير وشو ما رديت ما بيوفيكي مايسترو |
اقتباس:
شرفتني بزيارتك:D مايسترو |
اقتباس:
اشكرك مايسترو |
ابدعت الوصف اخي الغالي
.................................. حرام ان تتركنا حرام ونحن احببناك غرام حتى عشقنا كلامك والهيام فلتبقى فينا على الدوام ....................................... (يعني شغلة فاشلة ومحاولة افشل لتقدير شخص يقدر الاخرين , ويكفي انك تحب فيروز ...ظل الله على الارض ان لم تكن هي هو ......................) مشكور |
اي و انا كمان رح اترفع فوق كل القواعد و احكي بالعاميه و قلك ...
لما صوت فيروز كان عم ينادي حبيبتك المطر بلش ينزل ليبكي معك لانو عرفان انو بالطرف التاني من الارض حبيبتك عم تقطف ورده تختصر فيها كلمات كتيره ما بتقدر تقولون.. اما الصوبيه فكانت خجلانه من حالها لانو بتعرف انو العشق بدفي اكتر .. وقت اجت حبيبتك ما عاد في محل للضو لانو الكهربا ما بتعرف تبكي معنا و تضوي متلها .. ما كانت رح تلاقي محل امن قد صورتكون لتخبي الورده في.... و كان ممكن ترد لانو هي ما كانت حبيبتك .. كانت الرسول تبع حبيبتك و ما على الرسول الا البلاغ .. ما كانت رح تقدر تقلك الحقيقه اللي حبيبتك لازم تقلك ياها.. فيروز............. و العشق ............. و المطر كلون فوق صورتكون :D ابداع جدا خاص مايسترو |
اما الصوبيه فكانت خجلانه من حالها لانو بتعرف انو العشق بدفي اكتر ..
وقت اجت حبيبتك ما عاد في محل للضو لانو الكهربا ما بتعرف تبكي معنا و تضوي متلها .. تفسير فسلوسي مزبوط :D |
اقتباس:
والله يعلم شو عنك كمان . |
اقتباس:
عنجد عنجد خجلتيني بكلامك وردك اكتر من رائع واجا مكمل للكلام اللي انا قلتو واحلى صباح.................. مايسترو |
اقتباس:
بالعكس كلامك اسعدني كتير ومو محاولة فاشلة بالعكس تماما وبوعدك اني طل واني ارجع بيوم وعلى كل ايميلي موجود وبتمنى نتراسل مايسترو |
اقتباس:
مايسترو |
| الساعة بإيدك هلق يا سيدي 13:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون