|
إكراه فتاة صغيرة على ارتداء الحجاب جريمة ضد الإنسانية
فتاة صغيرة ، فراشة بريئة ، تحرم بفكر والد متعصب و مجتمع أصولي منغلق
من ان تعيش طفولتها و براءتها ، عندما تصل لسن يسمى سن التكليف يحبس شعرها بقطعة من القماش ، بدون أي تفكير أو مراعاة لها و لإنسانيتها و لمرحلتها العمرية الحساسة التي تؤسس لها و التي قد تؤثر عليها سلباً طوال حياتها ، تكره و تغصب على ارتدائه و هو لباس أو هوية كما يحب البعض ان يسميه عندما يعترفون أنه لا يقي و لا يجعل الفتاة على خلق ، و لكن ما هي هذه الهوية ، هي هوية التعصب الأعمى و شرخ المجتمع و اضطهاد المرأة و الفتاة الصغيرة لذا فالأفضل وقف هذا التقليد الذي لا أظن أنه من الروحانية و الغيرة على القيم الدينية بشيء ...  |
لا حول ولاقوة الا بالله احنا مابنرغم بناتنا واخواتنا انوا يلبسوا الحجاب الا لما يبلغوا فاهم يعني ................... انتا فهمت تانيا ليش بتكره الاسلام يااخي شو مالك في شي زاعجك حادا ماسك عليك شي يعني هادا رأيك ووجهة نظرك بس احتفظ في لآنك رح تزعل |
ارتداء الحجاب عمرها ما كانت جريمة ولا رح تصير جريمة
|
اقتباس:
و يجب معاقبة الأب الذي يفعل ذلك ..لأنه مجرم و مضطهد لكائن خلقه الله |
ممممممممممممممم
مدري كيف مدري شلون هاد الموضوع بدو :shurup: |
يعني بتصدقوا يا جماعه اني أكلت هلأ 10 زعلات مشان قلتلكوا سيبوكوا منه و هيك اشي بينما صاحب الموضوع بيسب متل ما بده ما حدا مكلمه
عالعموم شوفوا شو أجاني قبل شوي يعني هلأ صار عندي 30 زعلة والحمد لله :gem: :gem:  خيو هذا حضرتكم آخد مخالفة بمنتديات اخوية .. هممم سلامات .. يا فلسطيني للأبد بيؤسفني خبرك انك إتلقيت مخالفة بمنتديات أخويّة ! على - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - (قد لا تظهر المشاركة او الموضوع في حال تم حزفها!) السبب: الإهانة المتعمدة لعضو آخر. تعقيب المشرف: _________________ يمنع اهانة اي عضو من اعضاء اخوية _________________ هل المخالفة بمقدار 10 زعلات ، و هاي المخالفات قد تودي لتوقيف المؤقت للعضويّة لغاية إنتهاء المخالفة ، و بعض المخالفات تودي للإيقاف الدائم للعضوية .. بدنا منك إتشد حالك و تلتزم بخطوط اخوية العريضة الله يخليك اب شريك ..، ترى يعني والله العمر قصير و ما حلوي (بحق الأقدار إذا بدك) نقضيه ع خود وهات .. * تنويه: الزعلة هي وحدة قياس المخالفات بأخوية .. |
اقتباس:
|
اقتباس:
اذا انت مش مسلم مش لازم تنزل من قيمة المسلمين |
|
يعني برأيك انو لأنك قلت لا تردوا عليه اكلت الزعلات؟
اي لأ ما حزرت اكلت الزعلات لأنك قلت عن عضو انو حقير، و انك بتحتقرو بتحب ما تحكي هاد حقك الشرعي، بتحب تدعي غيرك انو ما يعلق، كمان هاد حقك بس ما بيحقلك توجه اي اهانة لأي عضو من اعضاء الاخوية |
مل بدي أشارك بهادا القسم من اليوم وطالع لانه تحيزي وعنصري وبس:frown: :frown: :frown:
الله يخليلنا كل الأقسام التانيه |
اقتباس:
يعني انا قلت اذا بدك تحتقر حدا لا ترد ع مواضيعه وفيك تراجع الرد اللي حذفته |
الله يهديكم بس
|
بعتقد بصفتك مش مسلم المفروض تحترم الديانات التانية.. لانو و الحمد لله ما حدا غلط عليك.. فكل واحد و ديانتو.. و الله فرض علينا الحجاب.. و البنت ما بتلبسو الا بعد قناعة تامة.. مش فرض من اهلها.. و الدين بيجي بالاقناع مش بالاكراه.. و شكرا:D
|
اقتباس:
انا قصدت اكلام ردي اللي انتي اقتبستيه:D |
مدري ليش اي مسلم (او مسلمة) بس يقروا كلمة "حجاب" بيصيبهم العمى
و مدري ليش ساعتها بيدق فيهم عرق الحيونة الزلمة ما قرب صوب الاسلام كدين لا من قريب و لا من بعيد، و لو قرب كنت حذفت الموضوع، و ما كانت رح تكون اول مرة بحذف لسكايبي ما قال لا تتحجبوا و مشي معكم انو يللي بدها تتحجب .. تتحجب هوي عم يحكي عن الطفلات، يللي بينرغموا على ارتداء الحجاب عندك كلمة حلوة، ناقشو ما عندك، خليك ساكت |
اقتباس:
|
اقتباس:
بس هو قال انه الحجاب جريمة كبرى !!!! او انت حذفتله رده هادا قبل شوي بس هلأ لو نط واحد مسلم وحكى عن فرض أو أي شي لازم عند المسيحية وقال انه جريمة كبرى كان شو سويتوله ؟؟؟؟ |
| الساعة بإيدك هلق يا سيدي 11:37 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون