|
مــدا خــلـــــــــــــه حول الانتخابات المقبلة
مــدا خــلـــــــــــــه حول الانتخابات المقبلة إرادة الشعب هي مناط سلطة الحكم ويجب أن تتجلى هذه الإرادة من خلال انتخابات نزيهة تجري بالاقتراع العام وعلى قدم المساواة وبالتصويت السري ويجب ضمان حرية التصويت (الإعلان العالمي لحقوق الإنسان ) 0 ضمـن ما يسمى بالحــوار للاستحقـاقـات الانتخابيـة في العام القادم ترى المنظمة العربية لحقوق الإنسان في سوريا لزاما عليها أن تطرح بعض النقاط الأساسية والضرورية لتأخذ العملية الانتخابية مجراها الصحيح وتصل إلى مبتغاها في تمثيل الشعب والمواطن تمثيلا حقيقيا وصحيحا 0 وهي على الشكل التالي : - يجب قبل كل شيء إصدار قانــون عصري للأحـزاب والجمعيـات يتيح الفرصــة لكل مواطن ولكل حزب أو جمعية التعبير عن رأيه وطرح أفكاره وبرنامجه الانتخابي بكل حرية دون أي مضايقة أو مساءلة 0 - إصدار قانون عصري للمطبوعات بحيث يتثنى لجميع المرشحين إصدار صحف ونشرات تشرح وتوضح برنـامجهم الانتخابي وإتاحـة فـرص متساويـة للجميع في الإعلام المـرئي وغير المـرئي 0 وعـدم التوجيـه لقائمة معينة أو مرشح دون آخر0 - تضيـيـق الدائـرة الانتخابية بحيث لا تمثَـل الدائرة بأكثر من 3-4 أعضاء لأن كـون المحافظة دائرة واحده لا يوفــر التمثيـل الحقيقي ويفسح المجـال للإسراف في دفـع الأموال والتـأثيـر على الناخب الغير قادر على المقارنة بين المرشحين البعيـديـن عنـه مئــات الكيلـومتـرات والغيـر مـوجـوديـن في مجتمعـه أو قريبيـن منه 0 ويبعد المؤهلين للمشاركة عن الترشيح 0 - إصدار جـداول انتخابيه لكـل دائرة تنشـر وتـوزع قبـل ثلاثـة أشـهر مستوفيـة جميع مراحـل الاعتراض والتصحيح 0 وعدم السماح للناخب بممارسة حقه إلا في دائرته الانتخابية 0 - أوراق الاستفتاء يجب أن تضم جميع أسماء المرشحين مع رموزهم ويختار الناخب من يناسبه بالتأشير. - إلغــاء ما يسمى بالصناديـق الجوالة ( لعـدم مصداقيتها ) والتي تـأتي أخيـرا لتغييـر النتيجـة الحقيقية وفقا للأهــواء والرغبـات 0 - ضبط العمليـة الانتخابية بوضع علامة خاصة للمنتخب لا يمكن إزالتها إلا بعد أيام كي لا يستطيع الانتخاب لأكثر من مرة واحدة 0 وأن يكون الانتخاب بالبطاقـة الشخصية أو البطاقـة الانتخابية ويشطب أسمه في الجدول الانتخابي بعد ممارسـته لحقــه 0 - مراقبة الانتخابات من قبل الجمعيات الحيادية ونقترح ( الشبكة العربية لمراقبة الانتخابات ) - إعطاء مراقبي الانتخابات ووكلاء المرشحين صلاحية التأكد من وضع العلامة الخاصة وشطب الاسم في الجدول الانتخابي ومراقبة فرز الأصوات ومطابقتها والتأكد منها في المراكز الانتخابية وفي المركـز العام وعند إعلان النتائج النهائية 0 - أن يكون الانتخاب في يوم عطلـه رسميـه وليس في يوم عمل كي لا يتمكن الرؤساء أو المدراء من التأثيـر على مرؤوسيهم وموظفيهم 0 وأن تكون بإشراف السلطة القضائية 0ومراقبة لجان وجمعيات حياديه 0 - أن تعطى جميع القوائم أو المرشحين نفس القدر من الاهتمام وأن لا يتم التركيز من قبل مسئولي الانتخابات أو العناصر الأمنية لقائمة أو مرشح مخصص بإخافة الناخبين أو توجيههم 0وأن يعاقب من يقوم بذلك ويبعد مباشرة عن موقعه 0 - تحـديد سقـف مـالي للمرشح يقـوم بصرفه على العملية الانتخابية ومراقبة ذلك بشكل فعال ودقـيق 0 هذا ما ارتأت المنظمة العربية لحقوق الإنسان في سورية طرحه للنقاش والتنفيذ لإعطاء دافع للمواطنين للمشاركة انتخابا وترشيحا 0ولكي يقتنع المـواطن بأن صوتـه لن يكـون دون جـدوى لقناعتـه السابقة بأن من سيفـوز معـروف مسبقـا ولا داعي للتعـب والمشاركة في واجب وحق مسلوب منذ عقود 0 دمشق في 13-11-2006 مجلس الإدارة منقول من المنظمة السورية لحقوق الإنسان، و هي الرابط - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
بتمنى من كل ألبي من السيد الرئيس بشار الأسد إنو ياخد هالاقتراحات بجدية، لأنها بالدرجة الأولى بتصب لمصلحة الوطن و بنفس الوقت رح تكون رصيد إيجابي عند السيد الرئيس.
الشعب السوري مل من الانقلابات و الخطابات السياسية و الدبلوماسية الفاسدة مع الشعب، الشعب السوري ما بهموا مين الرئيس، الشعب بهموا الديمقراطية يللي بيعطينا ياها الرئيس. الرئيس بشار الأسد بضل ابن بلدنا، و فوق كلشي إنسان متعلم و مثقف، فياريت ما يكون هالنداء صرخة في وادي أو نفخة على الرماد. في قصة مرة أريتها إنو تاجر حشيش، باع حشيش لواحد، و أللو بالحرف " هادا الحشيش جديد و ما عليه حكي" و اشترى الزلمي الحشيشات، و لما صار يدخنن، صار كل ما يحكي مع صاحبو تطفي الحشيشة، رجع الزلمة لعند تاجر الحشيش و حكالو القصة، رد عليه التاجر" أنا ما قلتلك الحشيش ما عليه حكي؟؟؟!!!!!" للأسف هيك صاير عنا بسوريا تحديدا و الوطن العربي عموما، في عنا ديمقراطية، السيد الرئيس عطانا ديمقراطية و حكالنا هي جبتلكن ديمقراطية...ما عليها حكي. |
اقتباس:
هوه ضحك علينا بالمره الاولى بعد موت بابا والنا ديموئراتيه وعشمنا بالمستقبل أنا ماقتنعت وقتا بس النا نشالله خير ...... وبعد كم شهر بين خير:cry: تحياتي ابو طريق:D |
اقتباس:
بس بضل أملنا بإنو علم الرئيس و ثقافتو العالية تكون سبب في تغيير الكثير من سياساتو الداخلية مشان يرجع الأمل للشعب، و كمان تكون سبب في طرد معظم الفاسدين داخل النظام، و إنشالله هاليوم أريب. :D :D :D |
بحيك يا ابو شريك على نقل الموضوع بس مابعرف ليش انا فاقد الامل بهيك نظام انه ممكن يتطور او يتفهم مطالب المواطن ولو بشويت حريه هاد النظام طعمانا خرى ورجعنا لورى :cry: :sick: :jakoush: هي ورده للورد :D |
اقتباس:
معلم النظام طعمانا مو بس خرى، خرى و زبالة و كلشي مر و فاسد، أنا معك بهالشي، بس بضل أملنا بالله كبير كتير، صدقني الحياة بدون أمل ما بتسوى شي، صحيح ممكن يبين بعيد بس في أمل، بعدين رغم تحفظ الكثيرين على المستوى العلمي للسيد بشار، بس بضل مثقف، صحي ما عمل شي لهلأ، بس مين بيعرف، بركي بياخد هالمقترحات بعين الاعتبار و بلاقي الانتخابات هيي الفرصة لأنو يعمل شي مفيد للبلد، يللي إلنا إنو نصلي لهالشي، و نترك الباقي لالله. :D |
أبو طريق .. ؟
في أحلا من الأمل ؟ إي في .. العمل وألله يعين بشار الأسد .. لأنو ما بنحط بمطرحو .. لو طوبولي الزرقا . |
اقتباس:
|
اقتباس:
مشكور كتير أبو طريق على هالموضوع ,اشتقنا لمواضيعك بس بصراحة بهالنظام مافي أمل .. لأنو اللي سلك طريق الخداع و غير القوانين ليوصل للحكم ما رح يتبع الديمقراطية بعد كل الجهد اللي عملو ليوصل لهون ما هيك ؟;-) |
اقتباس:
أما مشان نحنا برات البلد، يستر عرضك، أنا بروح و بجي عالبلد :cry: ، عاش الأسد عاش عاش . و خلينا متأملين أحسن ما نتشاءم و نزيد الهم، حاكم عندي هم البحث أبو الميتين صفحة يللي كلفنا فيه الدكتور مشان نقرأو و مصدرو مؤسسة الفاو (FAO) و داخل معنا بالامتحان، لأ و المصيبة إنو كل طالب لازم يشرح 2 chapters من البحث، و لازم نختصرن بنص ساعة بس، و الشرح عليه 30 علامة من 100 الله يسترني. :cry: :waa3: |
اقتباس:
الحال من بعضو....:larg: عاش الأسد عاش |
اقتباس:
الله لايوفقك على هل احساس :cry: .. أنا عندي ولاد بدي ربيهم خلص عاش عاش منيح هيك:p |
اقتباس:
عاش بشورة ! |
اقتباس:
في حدا بدو غير هيكــ ؟ اللي بدو غير هيكـ يورجيني حالو :larg: |
اقتباس:
عاش الأسد إلى الأبد. |
اقتباس:
انا حباب وبحب شباك :ss: ...... بس أنا حاكي كتير ومخبص بالقسم السياسي بس تبت يعني ممكن يصفحوا عني؟؟ شو هي مواضيع دينيه الحوار الديني مالي غير مشاركتين . ولا قصدك مع اصدقائي الملحدين وليش عم تلاوئي لمعلم :lol: |
| الساعة بإيدك هلق يا سيدي 01:22 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون