معقول السوري //طبيعيا ً // مو عربي ؟؟؟؟؟؟؟ (( واردة ))
 

اللغة العربية لغة رائعة وهي اللغة الفصحى الوحيدة على وجه الأرض ... وتعتبر بحر في أحشائه الدر ... ولغة جميلة وتحمل معاني رائعة ..

برأيي :

اللغة العربية هي الأفضل ... لكن العرب هم الأسوأ

أنا افتخر بأنني سوري اتكلم اللغة العربية .... لكن لاافتخر بالعرب الجرب اللذين يعتبرون عار على هذه اللغة الرائعة والجميلة ولاافتخر بأن يحسبوني من هؤلاء الحفاة العراة رعاع الشاه عبدة الامريكان والصهاينة :jakoush:

وبالنسبة لشعار :
أمة عربية واحدة ... ذات رسالة خالدة
فأنا بقول :: طزززززززززززززززززززز بهيك شعار مخزي:jakoush:

انا سوري سرياني مسيحي ولا انتمي للعروبة لا من قريب ولا من بعيد فأنا سوري البلد سرياني القومية اي سوريا الطبيبعة ومسيحي الإنتماء الديني واللي حابب يصيد بالمي العكرة يلاحظ حطيت كلمة مسيحي آخر شي فمن شان هيك لا يحاول يصيد كلنا سورويون اخوة ومن بعدها لكل معتقده الذي يريد ان يآمن به
والله بصراحة هذا الحزب حلو كثير وفكروا رائع بس مابعرف متردد ادخلوا خايف يصير مثلوا مثل اللي دخلنا بصف العاشر

كلام جميل

لمجودي، القوميين الاجتماعيين بيعتبروا العربية الفصحى هيي لغة السوريين، و بيآمنوا بشي اسمو "عالم عربي" بيضم مجموعة من القوميات و هيي القومية المغاربية، و القومية النيلية "وادي النيل" و القومية العربية "الجزيرة و الخليج" و القومية السورية "بلاد الشام و العراق"

بيوم من الايام كنت منظم بصفوف الحزب (ايام ما كان محظور)، و مأقسم اليمين

بس اليوم صرت بعرف انو الحزب الشمولي هوي اخطر ما يمكن ان يحدث للبشرية (بحكم التجربة)

و ضد اي فكر شمولي

بس مع الفكر القومي الاجتماعي، لأنو الانسب للمرحلة الحالية يللي عم نعاني منها

مدموزيل ..

الأبشع من هيكـ انو لحسوا عقلنا .. وقت اللي قالولنا ..أنو من المحيط للخليج .. ومن الفرات لقويق ..

شو بيعرفني ؟

مع أنو سكان سوريا مو عرب .. بالأغلبية .. سكان سورية آراميين

وسكان المغرب العربي .. أمازيغ ..

ومصر أقباط ..

والعراق سومريين ..




شوفي شو مجقجقة الحكاية ؟ :(

بالحديس عن حزب البعث رفيق ..

هو حزب محترم وأله فكره .. واله أعلامه ومناضلينه ..

نحن مو بصدد .. أنو نسب فلان وعلتان .. ونسب شعارات

أنا برأيي .. أنو الواحد .. إزا بينطلق من الواقع .. وبيــ // ـسكــّـجو //

بيكن أزبط بكتير ..

الطزطزة .. ما بتنفع هون .

ميرسي ئلبي ع مشاركتكـ الحلوة .

بس الأهم .. أنو سوري ..


يعني مننطلق منهون .. وما عد نتطلع ورانا ..

لأنو الي راح رراح .. يا رفيق ..

يا سيدي وبضيف شغلة كتير مهمة ...

أنو الدين وسيلة .. مو غاية ..

طالما دياناتنا كلاا .. شي ألو علاقة بألله .. يا أخي خلي اللي لألله لألله ..

وخلي الشغل .. لتعمر البلد ..

وسواء أنت كنت مسيحي أومسلم .. ولا بتعبد القرود السود

فكونكــ // سوري // هاد منطلق تميزكـ ومنطلق ... أنكـ أحسن من غيركـ






ألمانيا مو أحسن مننا .

انا ما بآمن بشي اسمو قومية
وحتى فكرة انطون سعادة عن القومية السورية مقتبسة من افكار هتلر النازية
وين رايحين بالعجقة

اصلا القوميات كلها ظهرت بالقرن التاسع عشر باوروبا

ونحنا استوردناها

طيب لو ما ظهرت يا ترى شو كنا استوردنا ؟؟؟؟

لو فرضنا جدلا ً ..

أنو أنطون سعادة اقتبس .. فكرة القومية





وين الغلط ؟؟

ما صاروا الألمان بشر من وراها ؟

شوف حبيبي
الفكرة الالمانية مختلفة تماما عن الفكرة بالشرق الاوسط
ليش ؟؟
لانو وقت طلع بفكرتو هتلر واسس حزبو ( الاشتراكيين الوطنيين ) كانو دولة متحضرة وحاربت بالحرب العالمية الاولى
يعني عندها مقومات تقدر تخليها تفرض وجودها
بعدين شعبون كان حر
يعني بيقدر يحكي وقدر يسقط القيصر بالمانيا
اما نحنا شو
طلعنا من احتلال وقعنا بانتداب
طلعنا من انتداب وقعنا بصراع احزاب
طلعنا من صراع الاحزاب وقعنا بشي اسمو وحدة فاشلة
طلعنا من الوحدة وقعنا شبي اسموا 8 اذار
طلعنا من 8اذار وقعنا بالتصحيح
ولسانا عن نعاني

أهاا ..

معناتا .. بغض النظر عن كل شي ..

منرجع لـ حكيي هونيكــ

أنو لازم نتمتع بالحضارة .. أول شي ..

لحتى نستحق نظام .. متل العالم والخلق ..

وبعدين هتلر على دمويته .. صنـــّــع ألمانيا .. وساواها أكبر ماكينة في العالم .

وأنا الي حبيتو من فكر السوري القومي الاجتماعي ..

هو الشق الاجتماعي .. منه

يعني لازم نشتغل عالناحية الاجتماعية .. بالأول ..


ألكـ مني ,.. بوثة .. خجولة .

بصراحة انا اممي
يعني ما حبيتها فكرة القومية
بس ما دخلني بغيري اذا كان بحب الفكرة
علما انو نص رفقاتي قوميين سوريين

هو حدا قللكـ انا عم بعمل دعوة للانتساب ؟؟

يا رجل .. ما تفرئش ..

أنا متل ما قلت من قبل ..

أنو المؤسف باللي شفته من الي تعرفت عليهون .. بالقومي السوري .

أنهون علاكين .. الله يجيرنا

ههههههههههههههههه

بسيطة

انا اول ايام الجامعة كمان كنت كتير مهتم بالحزب القومي السوري. بس مع الوقت اخي بتكتشف انو
اولا... الفكرة غير واقعية التطبيق (العراق و الكويت و قبرص؟؟؟) .. بعمرها هاي الشعوب ما كانت أمة وحدة.
تانيا .. مافي وجود جماهيري ... الجماهير هلق اتجاهها ديني
تالتا .. الفكرة مستوحاة من النازية... و هاي نقطة سلبية بنظري
رابعا و اهم شي... انا ضد بناء دولة على اسس القومية او الدين. الدول بتبنى على اسس الاقتصاد. بالاقتصاد بتقدر توحد كل أوروبا يلي طول عمرها كل دولة نازلة نتف بالتانية.. بس بالقومية فيك تعمل جارين بنفس البناية يتخانقوا

انا بشوف انو طبيعي اي شب سوري اول انفتاحو السياسي يتأثر يا بالحزب القومي يا بالشيوعية و تشي جيفارا .. بس اذا بتسحب اكتر من هيك (لأواخر العشرينات مثلا او التلاتينات).. يا بيكون عندو أسباب سياسية حتى ينتمي لهيك حزب او فكر (مثلا اهل ضهور الشوير بلبنان.. صارت القصة قصة تراث و انتماء اجتماعي)... يا انو عن جد الزلمة لسا مانو وعيان او عايش بالأحلام

و شغلة تانية... الواحد مانو مضطر ينتمي لحزب معين حتى يقول عن حالو انو سوري... او بيشوف سوريا أمة وحدة .. و لو شو ما حب يعمل حدودها
انا ضد الانتماءات الحزبية و الدينية... فيك تكون ليبرالي بدون ما تنضم لحزب يساري.. فيك تكون متطرف بدون ما تنضم لحزب يميني... (طبعا الا اذا حابب تصير زعيم سياسي هادا شي تاني)

لأن الواحد بس ينضم لحزب معين.. بصير بشكل او بآخر محدود بالأفكار يلي بتصدر عن هادا الحزب. يعني بركي مثلا انا ما وافقت على كلشي حكاه سعادة؟ بركي تصرفات الحزب صارت مشينة او اياديهم ملطخة بالفساد او الدم؟

و يعني بالذات بالذات القوميين حسيت عندهم سخف زائد شوي. يعني اذا بدهم يزينوا شجرة الكريسمس بيحطوا عليها الزوبعة. لما توصل لهيك مرحلة.. شو الفرق بينك و بين الإخونجي يلي مصر يربي دقن و يلبس دشاش قصير