|
مشكلة رفض الفتاة للشاب لضعف راتبه.
مع التغيرات الإقتصادية و الإجتماعية لمعظم الدول العربية و منها البطالة , إزدياد عدد السكان , تعقيد الدخول للجامعات و إيجاد العمل المناسب للمتخرجين بالإضافة إلى قلة رواتبهم أدى ذلك إلى نشوء مشاكل و صعوبات كبيرة لدى الشباب و أحد أهم تلك المشاكل التي قد يواجهها هو رفضهم من قبل العديد من الفتيات لقلة رواتبهم و لو كانوا من أسر مقتدره . للأسف الشديد أصبحنا نعيش بعالم تتحكم المادة فيه و تتغلب على قرارات معظم أفراده . قد تجد من يفكر بمنطقية و يقدر ظروف المعيشة الصعبة و يفكر بإيمان خالص بالله و بقناعة تامة بأن المال ليس كل شيء بالحياة و إنما هو وسيلة للعيش بسهولة و راحة أكثر . و لكن ماذا لو قلة المادة أو صعب الحصول عليها هل نحكم على أنفسنا بالإعدام و نعيش بتعاسة و نندب حظنا ليل نهار ؟ لابد أن نكيَف أنفسنا على ما قسمه الله لنا و نرضى بالنصيب و نتعايش على قدر تلك القسمه . كثيرا ما يعاني الشباب من مشكلة رفض الفتيات لهم فقط لأن رواتبهم لا تكفي بغض النظر عن حسن أخلاقهم و طيب أصلهم . قد تبرر بعضهن بأن ظروف المعيشة صعبة و ليس عليهن أن يدفعن الثمن لتلك الظروف , و قد تفضل الأخريات الإنتظار حتى تتوفر لهن فرص أفضل حتى يكبرن و تمضي عليهن أحلى سنين العمر و الشباب . لذلك أطرح عليكم هذه المشكلة لا لأتقبل ردود بالشكر أو الإستحسان بل لنساهم معاً بحلها و لنتناقش بشكل موضوعي بأمرها علَنا نصل إلى حل يمكننا من القضاء على تلك المشكلة. برأيك من المسؤول عن تلك المشكلة ؟ و ممن يكون الرفض من الفتاة نفسها أم من والدها ؟ ما هو شعور الشاب عندما ترفضه الفتاة لقلة راتبه ؟ ماذا ينبغي أن يفعل حيال رفضه ؟ كيف يتعامل الشاب مع تلك المشكلة ؟ هل يرضخ لظروفه و يبحث طويلا عن من تقبل به و لو لم تعجبه ؟ أم يسعى جاهدا لتحسين أوضاعه المادية ؟ هل يتحتم على الشاب أن يعمل كثيرا و ينحت بالصخر ليحوز على من أستحوذت على قلبه أو حتى يحوز على من تتوفر فيها مطالبه أم يستسلم لواقعه و ظروفه و يكتفي بالأحلام ؟ ما نظرتك أنت للفتاة التي تشترط أن يكون راتب الشاب كبير ؟ ماهو دور الأب حيال مشكلة قلة رواتب الشباب ؟ هل يقبل بمن تتوفر فيه الأخلاق الحسنه و السمعه الطيبة و يتجاهل راتبه ؟ أم هل من واجبه أن يؤمن لإبنته رغد العيش مع شاب ذو راتب كبير ؟ أمل أن تناقشوا الموضوع بجدية و أن تساعدوا بأرائكم السديده بحل تلك المشكلة لما لها من وقع مرير على نفوس الشباب . أعتذر عن الإطالة عليكم |
انا عن نفسي لو جالي شاب محترم اخلاقيا ودينيا يبقى عندي اغلى من كنوز الدنيا لأنه هيراعيني ويحميني وهكون ماكده ان لو بقى معاه كنوز الدنيا من المال هيديهاني
اما ان واحدة ترفض شاب علشان فقير رغم انه اخلاقه كويسة فانا اقول للشاب ده هي ما تستاهلش حد بالاخلاق والدين اللي عندك انا شايفة ان الحل ان الناس تفكر صح شوية ممكن تتزوجه غني ومعاه مال قارون وبعدين يفتقر ساعتها اخلاقه اللي لاتطاق هي اللي هتفضلها والحل كمان ان الناس تعرف ان الارزاق بايد ربنا وفي الاول وفي الاخر كل شئ قسمة ونصيب موضوع متميز يا بنوتة حلب شكرا ليكي |
اي اكيد معك حق ماحدا ضمنان مستقبلو بيكون غني بيصير فقير وبيصير غني نورتي عيوني وشكرا لردك
|
كالعادة بتتحفينا بمواضيعك جدية الطرح بنوتة حلب... أكيد بشكرك:D :D عليها وبحب شارك وأوول إنه...
هلأ ما فيني كون كتير مسالية وأوول إنه المادة مو مهمة...لأا هية مهمة بس كمان... مو كل شي بالدنيي..مزبوط إنها ضرورية مشان تمشي الحياة بسلاسة.. بس في شي أهم منها... وهو الإنسان... كفكر وشخصية وإدراك.. وأخلاق ودين... يعني شو بدا الصبية بواحد غني ما بيفهم ولا عنده مبدأ ومعنجه؟!! ما بيعرف يعامل المرأة برقي...ما بيفهم كيف يحافz عليها ولا يتحف مشاعرها بأحلى إلأحاسيس السامية المخلصة... طبعا مو ضروري كل غني كتير يكون هيك!!!! بس عم أوول إنه هالأشيا أهم للمرأة...المرأة التي تعرف ماذا يعني أن تكون امرأة .... ومن تريد ليشاركها حياتها... أنا عني شخصيا.. الشخص فاحش الغنى ما برضى فيه... مو لشي.. بس لإنه المصاري الكتيرة احتمال تولد عدم استقرار أو عدم أمان بالنسبة إلي... وأنا هالشغلتين عندي أهم من أي شي تاني.. الأخلاق شي مو كتير مهم!!! لأ... هيدا شي أسااااااااااااااااااااسي... ما بيمشي الوضع بدونه... بدكن تؤولو متطلب جامعة إجباري!!!!!!:o :o :o أنا بشوف إنه إزا اقتنعت الصبية بالشب وكانت أخلاقه بالفعل وعن جد ماممكن إنه تتعوض بشخص آخر... بشوف إنه خسارة ما توافئ بس مشان راتبه... يعني بدا توازن بين الأمور وتشوف شو الأهم بالنسبة إلا... عندي مبدأ... الأخلاق رزءة سابتة.... بينما المصاري... بتجي وبتروح!!! ميرسي على الموضوع يا بنوتة حلب... رائع....:D |
معك حق عنجد القناعه اهم الشي وخير الامور اوسطها
بس الشاب لازم يحرك حالو ليكون مستقبلو ويوصل للمرحلة الوسطى يعني الوحدة منا شو بدها غير انو يكون عندها بيتها المستقل وجوزا يكون عندو شغلو الي بيطلع من مصاري يعني وسط لا جيد جدا مو لسا مو مكون حالو يتقدم لخطبة بنت ويسكنا عند بيت اهلو ولما بتصير مشاكل وقال وقلنا بيعود بيطلقا كرمال يرتاح من وجع الراس مشكورة على المرور والرد الاروع لوتس |
والله لو البنت بتحب الشب عنجد .. بتروح معاه وين ما كان
وما بتهتم لا لرابت ولا لشي وشكرا عالموضوع :D |
أولا ً شكرا جزيلا لك ِ على الموضوع الرائع والمهم ثانيا ... هذه المشكلة موجوده بكثره وخصوصا في مجتمعاتنا ولكن السبب برأي يكمن فند الأهل .. فالفتاة الذي تحب شاب ما لا يهمها كم مرتبه قليل او كثير زلكن الرفض في أغلب الحالات إن لم يكن كلها من اهل الفتاة... ومع ذلك الحق معهم فكل شخص يتمنى لبنته أو ابنه أحسن مستوى معيشة... وعلى الشاب في هذه الحالة أن لايندم على شيء ... فكل شيء قسمة ونصيب ولكن عليه بالوقت ذاته أن يحسن مستواه المعيشي بالصبر والعمل الجاد .... وسيصل إلى مايصبو إليه ولكن شبابنا مشكلتهم الكبيرة هي الصبر فإنه غير موجود لديهم... دمتم بود :D |
اقتباس:
معك حق كتير قليل من الشباب عندون صبر وفي شباب اخلاقون عاليه ومحبوبين وحلوين بس احوالون بالعدم او اكتر من العدم بشوي يا بيحبو بنت من مستوى غير مستوى معيشتون ولما بترفض حبون وبتصارحون انو مافيا تعيش بهالمستوى بيقولوا انو انت عم تتطلعي لفوق كتير وبدك واحد ملياردير بس البنت بتكون ماعم تطلب غير حقا الشرعي بالاستقلالية ولما بيتوفر هالشي عند الشب بيجي دور الاهل لاء شغلو مو ذات مستوى شغلو مابيليق فينا مع انو الشغل مو عيب بنوب شو ماكان نوعوا بس حكم القوى على الضعيف والبنت مافيا تعارض اهلا تحسبا للمستقبل مابتعرف كيف رح يكون حظا مع هالرجال شكرا على تعقيبك على الموضوع نورت |
اقتباس:
بس بهالحالة الشب لازم يقدر تضحية البنت لما بدها تعارض اهلها ويصونا من غدر الزمن لانو الاهل عم يسمعوا سمعات بيخلو يطلبو من العريس الي بيامن حيات بنتون اذا طلع الرجال مو منيح \او طلقا لانو الجازة قسمة ونصيب وكل بنت الله كاتبلا قسمتا وبيقولوا الجازة بطيخة مسكرة مابتعرفيا بيضة مابتعرفيا حمرة حلوة مشكور عالتعقيب ونورت |
انا مابتزوج حالي لو كنت مشحتف وما معي مصاري ولا برضى بحالي شلون بدا تتزوجني بنت الناسسسسسسس
:lol: |
اقتباس:
وهي الك ما تزعل :D |
اقتباس:
حيوووو الأبضايات عم تحكي دهب وألماس |
اقتباس:
على راسي ابو عبدو :ss: |
اقتباس:
كده المفهومية ولا بلاش ياعيني عليك ياريت كل الشباب هيك يفكرو ا بس ماحسبنا حساب شي انو اذا الشباب فكروا هيك البنات بتعنس خيووووووووووو هههههههه |
اقتباس:
بركي الحب بيطعمي خبز ههههههههه |
اي يعنسوا و نحنا منعزب وشو ورانا يعني :lol:
|
ياعيني ياعيني ههههههه
اي قولتك احلى من الجازة والخنقة ههههه بس مابيعمر الكون ولو |
اقتباس:
|
| الساعة بإيدك هلق يا سيدي 10:46 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون