|
الوجود والعدم
هيك من خلال صفناتي التأملية ... تبادر ع ذهني المتواضع هالسؤال عن الوجود والعدم...
كيف بقدر اعرّف تعريف للوجود؟ وتعريف للعدم؟ من دون ما ينتج عن هالتعريف الدور... ويا ترا هل الوجود محدد، والعدم محدد كمان أم لا؟ فيني قول عن انو الوجود خير والعدم شر؟ |
كترلي منون هالصفنات خليني شغل مخي...........:shock:
هلق بس بدي سجل مرور و سنعود ان شاء الله ...:melody: |
اقتباس:
شكرا الك :D |
اقتباس:
الدور يعني انو يوجد شيئين كل واحد منون يكون علة للتاني، وطبعاً متل ما بنعرف انو هالشي بطلانو واضح بالفلسفة لانو بيستلزم توقف الشيء ع نفسو... ارجو اني وضحت الدور ... وطبعاً ما نسى .. بشكرك ع المرور ع الموضوع وإبداء رأيك فيه... |
اول شيء بحب سلم عل الموجودين كلون وبشكر الاخ عل هل الموضوع البعيدة عن تفكير الانسان بهل الايام بسبب مشاغل الحية ومشاكلة اكيد والموضوع غامض شوي بس اكيد الواحد منا بدو يوصل بنتيجة بالنهاية ليقنع نفسو فيها ونصيحة اذا ما وصلت لا تحاول مشان تتعب مخك او فينك تقنع حالك بشي فكرة من تبعات الفلسفة
|
اقتباس:
وباب التفكير لسى مفتوح ... |
اقتباس:
فعليا العدم هو اللا وجود ؟ و الوجود هو اللا عدم؟؟:shock: يعني .. فالنفرض انو انا ما عندي تفاحه .. انا هون بحاله عدم وجود التفاحه.. صار في تفاحه .. هاد الوجود.. منين اجيت التفاحه؟؟ هاد هو الوجود اللي انت عم تسأل عنو.. بس هاد الوجود غير محدود يعني متل الفضا هيك ما بتعرف اولو من اخرو .. العلماء حاولو يشرحو و يفسرو و يجيبو نظريات .. بس ما اتفقو تماما .. يعني لسا الوجود مانو معرف تماما.؟؟ فبالتالي بيكون العدم غير معرف بما انو حاله عكس الوجود.. :larg: فدتك كتير انا مو؟؟:yahoo: :yahoo: |
اهلين بـThe morning بالفعل زدتي الامر تعقيداً ... شكراً ع المرور ...:D
|
بعدين انتي استخدمي التسلسل بالتعريف والتسلسل باطل بالفلسفة...
ع كلن محاولة جيدة للتعريف ... |
والله انا كمان بفكر كتير بهالسؤال ومالقيتلو جواب..
:shock: |
الوجود ما افتح عيني لأراه
الاوجود ما اغمض عيني لأتخيله وجميعها لا حدود له. وزي ما قالوا الشباب كثر من الصفنات :) |
اقتباس:
لكن لي مأخد ع تعريفك ... انت عم تقول انو الوجود: ما افتح عيني لأراه (طيب في موجودات موجودة لكنها لا ترى... فهل هي غير موجودة؟)... وبعدين عم تقول جميعها لا حدود له... متل ما بنعرف انو كل شي يرى بالعين له حدود ... حسب تعريفك للوجود ... ومنشان الصفنات ... عندي كم صنفة شغل 15 سنة تفكير يعني ...:p |
اسير التشرد سيدي لسؤالك جواب لكنه طوبل قليل تحملني ولكني سوف اقنعك بادلة ان خروج الشيء من القوة إلى الفعل (( اي من الوجود الى العدم وعكس ذلك)) على سبيل التدرج. يتكون من ثلاثة عناصر رئيسية هي: أ ـ الخروج من القوة. ب ـ إلى الفعل. ج ـ على سبيل التدرج. ويقصد بالقوة قابلية الشيء وإمكانيته. فإن قولنا: إن هذا الطفل طبيب بالقوة، يقصد منه أنه قابل لأن يكون طبيباً وذلك ممكن وليس بمحال. أو كقولنا: إن هذه البذرة شجرة بالقوة، ونقصد بذلك أيضاً أنها من الممكن أن تكون شجرة، أو إن لها القابلية أو الاستعداد كي تصبح شجرة. أما معنى الفعل فهو عبارة عن وجود الشيء حقيقة. ومنه اشتقت كلمة الفعلية. ومثال ذلك قولنا: إن هذه الشمعة مشتعلة بالفعل إذا كانت مشتعلة حال كلامنا عنها. أما معنى قولهم: ((على سبيل التدرج)) فهو أن هذا الانتقال من حال القابلية إلى حال الفعلية لا يكون دفعة واحدة وخارج إطار الزمن بل لابد أن يكون متدرجاً في حصوله درجة درحة. وبهذا يمكننا القول: إن الخروج من حال العدم إلى حال الوجود لا يسمى حركة وإلا لزم وجود حالة ثالثة بين الوجود والعدم كما توهمه البعض. والحقيقة إن الوجود والعدم مفهومان لا يجتمعان ((يثبتان)) ولا يرتفعان ((يسلبان)) عن موضوع واحد من جهة واحدة. هلكتني يا اخي باسئلتك ارحمني شوي :cry: :cry: اقبل تحياتي وارجو ان اكون قد اجبت على سؤالك بالشكل المنططقي الصحيح |
شكراً لك ولي عودة وتعقيب ع ردك ...:D
|
هذا اجتهاد بسيط من عندي :
الوجود : كل مايحدث سواء عرفناها او لم نعرفه كان في خيالنا او في الواقع او خارج مداركنا وعلومنا . العدم : شي غير موجود لانتخيلة لافي الواقع ولافي الخيال ولا يحدث في ايهما . |
حتى الآن السؤال مطروح لبقية الاعضاء...
|
العدم هوي عبارة عن مصطلح لغوي بـــــس.. |
| الساعة بإيدك هلق يا سيدي 13:50 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون