|
الكعكات سخنات قرب و اشتري و اذا ماعجبك الطعم رجعهم
المسألة: اذا ظلينا عايشين.... سنة الالفين وثلاثين ما راح يظل ولا فلسطيني في البلد عايش... واذا ظل واحد راح يبكى محاصر تحت دارو وكل العالم بتفرجوا عليه... شهدا في غزة... في طولكرم... في جنين... بيت لحم... والحبل عالجرار... والعالم ساكت.. بس الحق على مين؟؟؟ لو: لو زلامنا صرخوا في وجه العالم كلو وخلولنا قيمة... كان ما حصدونا بهالطريكة... لو كباريتنا كالوا للعالم إنا شعب لازم نعيش غصبن عن اللي خلفوهم... كان ظلينا عايشين... لو الزعامة العربية... زعامة.. كان ظلينا عايشين... مصريات (السجادة) اللي اهدتونا اياها... لو رجعتوهن للي اشترى البلد منكوا... كان احنا بخير..... (اخص)...لو ما فرجينا الناس بطولاتنا الداخلية وملابسنا الداخلية (كمان اخص)... كان خافوا منا... يا عمي في زلام بتموت وهي زلام... بس في زلام لساتها عايشة وكل يوم بتموت ميت مرة هاذي زلومية بشرفك؟؟؟.... وبنظل نقول لازم إسرائيل تتحاسب... انو ؟: انو اللي بدو يحاسب اسرائيل؟؟... احنا ما بنكصر... بس اللي معنا قليل... انو بدو يحاسبها.. حاكم بطخ على ولاد بلدو مشان طالعين مظاهرات تأييد للشعب الفلسطيني؟؟؟..... حاكم بخاف يكول انو اسرائيل عنصرية وسفاحة؟؟؟ انو اللي بدو يحمي البلد اذا نص الكيادة مسافرة؟ انو بدو يحمي النسوان والولاد والشيوخ... انو بدو يوكف في وجه اسرائيل وهي بتمسك واحد واحد من شبابنا وبموتوا موت بطيء والكل بتفرج... انو بدو يحمي البلد... بدل ما نلعب فطبل ونعزم فلان وعلنتان على الغدا... مين السبب انو اسرائيل مش سائلة عن حدا... مين السبب انو الولاد تستشهد؟ مين السبب انو الشهيد يصير ارهابي؟؟؟ مين السبب انو المعتقلين يظلوا في السجون؟؟ مين السبب انو بلاد تتدمر.. مين السبب انو السور يفصل بين غرفة النوم والحمام؟ مين السبب انو الاسعاف والصحافة يموتوا؟؟؟ مين السبب مين؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟ الاتهام: السبب للاسف منا وفينا... السبب احنا والحكومة والكيادة والسلطة والرئاسة والمجلس والاجهزة والمنظمة والكيادات والاحزاب ورجال الدين المعلمين والمؤسسات وبياعين الكعك وكل البلد........ الحك علينا كلنا... لازم نبلش نصلح حالنا... يا كلنا بننزل على الشارع بنقاوم وبنموت مع بعظ ... يا بصير سلام نهائي من غير ما تتنازلوا ازود من هيك... لاكولنا حل يا جماعة الخير والكل راح يسمعلكوا اذا كانت كلمتكوا وحدة... واذا اتفكتوا على اشي واحد... الكل راح يفديكوا.. وياما فديناكوا.... وخلينايا نعيش بشرف او نموت بشرف... هذا صار حلم.. ويا ريت يتحكك... كبل ما نتحاصر ونموت كلنا... دمنا صار لعبة ضغط بتخلص من اول جلسة... المجازر بتنكتب على وركة استنكار (وعليها تحفظات) واخرتها في زبالة اهمل موظف في مجلس الامن... الشهيد صار رقم... واهلوا منبوذين حتى من الدول الشكيكة... الاسير ولا حدا سائل عنو... والجريح لساتو بنزف... والامل مات... الحل: تفظلوا اكعدوا وخلصونا من اليهود... فكروا في طريكة تتفكوا فيها واكعدوا كلكوا على كراسي احنا مش سائلين ولا داخل اشي بلا كافه في جيابنا... اصلا جيابنا مخزوكة... بدل المؤتمرات الفارطة اللي لا بتكدم ولا بتسخم... بدل ما نعلن الاظراب على بعظ ونلعن ابيات بعظ... بيعوا سيارات المرسيدس وكبظوا الشعب... واعلنوا الاظراب عن اسرائيل... والكل راح يشد معكوا... ناموا على الحواجز... زهكوهك... لحد ما يحلوا عنا... بدل ما نظل ننذل واحنا نستنى...لأ... هاذي ارظنا ومش خمس يهود بوكفوا زلام البلد كلها...اللي بسكت عن الحك تبعو.. والي بسكت لما يشلح بنطلونو... بسكت عن اشياء العن.... البهدلة: الاف الشهدا راحوا... وشباب (الهشك فشك) والهيب هوب معليين مسجلات سياراتهم والخازوك الاغاني.. اغاني يهودية... وين الاحساس الانساني... وين التربية الوطنية... تحولت مبادئ هذول الشباب لورك تواليت مستعمل... وافكار هيك جماعة بحك جوز كلساتي الممزع.... وهذا كلو من الترباية الطالحة اللي بتعلم الجيل الجديد انو طول ما انت بعيد عن المشاكل ومصروفك في جيبتك تهتمش لحدا... وزمن انو نحس ونساعد بعظ صار في خبر خواتها... الحلم: خلصنا الكعك امبارح... الناس ذبحت بعظ وهي تشتري مونة عشان اليوم اظراب.... اذا اتجمعوا العرب مرة ثانية ...(بس ما حدا يظرب الثاني تحت الكشاط)... ويصير جيش عربي واحد (على ظو... شحاطتي)... راح نجتاح المستوطنات... واللا في نص المستوطنة اللي بنوها جيراننا... لاطيح في الدبابة اسرح يمين شمال... وكل عرص بدو يمشي في الشارع بدي اسخمو.... وانادي في اعلى صوتي ... ممنوعيييم التجوليييم يا خوااااااااااااااااااااات الشششششششششششششششششششــــ ـ......................لن ...... يلا يا كعك كعك ...كعك.......................كعك كــــــــــــــــــــــــ ـــــعك كــــــــــــــــــ كعك ــــــــــــــــــــــــع ــــــــــــــــــــ ـــ كعك ــــــــــــــــــــــك |
ههههههههههههههههه
حلوة مشكور :D |
اقتباس:
و متل ما بيحكي المثل هذا فيض من غيظ |
اه والله مشكور :hart: :sosweet: :hart: :sosweet: :hart:
|
اقتباس:
هذول من مخبز عمك بياع الكعك اهلا و سهلا فيك و صحتين و عافية على الكعكات |
كلنا معك بروحنا و دمنا
|
اقتباس:
حبيبي:D |
والله زاكيات بس كعكات امي ازكى :p
|
اقتباس:
الله يخليك الوالدة يا رب ذكاتك ابعتلي شي كم كعكعه عشان العيش و الملح |
لك تكرم عيونك حبيب هيي بتسوي فيهم ;-)
|
دوق وقلي رايك :sosweet:
|
كعكات ظراف عجبوني:melody:
|
اقتباس:
|
اقتباس:
|
| الساعة بإيدك هلق يا سيدي 22:42 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون