|
هل تستطيع الفتاة أن تنسى حبها وحبيبها اذا تزوجت ؟ ؟ ؟ ادخل و أعطينا رايك. . .
هل تستطيع الفتاة أن تنسى حبها الأول إذا تزوجت ؟ ؟
خاصة إذا كان هذا الحب صادقا حقيقيا مؤثرا وجزءا من حياتها . . .؟ ؟ هل تستطيع أن تُبعد هذا الحب عن تفكيرها . . .؟ ؟ هل تستطيع الفتاة التوقف عن التفكير في حبيبها وهي برفقة زوجها. . .؟ ؟ هل تستطيع الفتاة أن تمنع قلبها على الاستمرار في حب حبيبها الغائب والبعيد عنها . . .؟ ؟ وخاصة أن تركيبة المرأة مختلفة كل الاختلاف عن تركيبة الرجل . . . فالمرأة هي عاطفة بل هي كل العاطفة والحب والحنان والرجل هو عاطفة أيضا ولكن الجزء الأكبر منه هو وظيفة . . . فالمرأة 80% من مشاعرها هي عاطفة حب وحنان ورومنسية . . . و20% من مشاعرها هي وظيفة . . . على عكس الرجل . . . فعاطفة الرجل لا تشكل شيئا مقارنة بعاطفة المرأة فـ 80% من مشاعر الرجل هي وظيفة . . و 20% من مشاعره هي عاطفة . . . * * * أنا برأيي أن الفتاة لا تستطيع نسيان الرجل الأول في حياتها . . ولا تستطيع أن تنسى حبها الأول خاصة اذا كان هذا الحب صادقاً حقيقياً. . . ولا يمكنها أبداً أبداً أن تٌبعد ذكريات هذا الحب بحلوها و مرها وحزنها وفرحها عن قلبها وعقلها . . . ولكنها تستطيع أن تجعل هذا الحب يسكن ويستوطن جزءاً كبيراً من زوايا قلبها. . وتكون هذه الزاوية بعيدة ومخفية عن أعين الجميع وتكون مكاناً خاصاً بها وتكتب على باب هذه الزاوية ممنوع الاقتراب. . . ومن المهم أن لا يعلم بهذا الحب سواها. . لأنه خاص بها وحدها حتى ولو كانت تعاني . . . ويجب على الفتاة أن تحترم الزوج الذي قدم لها حياته واسمه وبيته. . . * * * دائماً أسمع مقولة هي ( حب ينسي حب ) ولا أعلم ان كانت هذه المقولة صحيحه ولكنني أعلم بل متأكد أن الحب الحقيقي الصادق الشفاف النقي لا يُنسى حتى لو طالت السنين وبعدت المسافات . . . الحب الحقيقي لا يأتي الا مرة واحده في العمر وأي حب يأتي بعده هو اسمه حب . . فقط حب مجرد حب * * * (إن كان في الحب ضعف فانه الضعف الوحيد في الدنيا الذي لا يُذهب المروءة ولا يُذهب الكرامة بل انه الضعف الوحيد في الدنيا الذي فيه كبرياء) بقايا جروح بقايا ذكريات بقايا ألـــــــم باختصـــــــار . . . بقايا روح . . . |
ازا كان حب صادق وحبت عن جاد ما تزوجت غير ه من الاساس بس اذا تزوجت اي تقدر تنساه لانها ما فكرت فيه ابي ما تتزوج
|
*******
اقتباس:
ليش ما تئول الظروف هيي يلي ما خلتها ترتبط بحبيها والعكس صحيح.... :frown: :frown: مثلا مش على جنسيته ... في عائلات بعدا بتشوف انو الشاب ما بيتزوج إلا من نفس الجنسية ، لانو لو إتجوز على غير جنسيته ممكن يكون العادات والتقاليد .. مش مناسبه..:frown: ليش مثلا مش على الدين ... هيي مسلمة وهوه مسيحي .... ومتل ما بنعرف انو المسلمة ما بتتزوج بمسيحي:frown: ليش مثلا مش من نفس العيلة ... في أهالي .... ما بتحب البنت أو الشاب يتزوج من بره العلية .. :frown: ليش ما تئول المستوى الإجتماعي ... والمستوى الثقافي ... كمان بيلعبو دور كتير مهم ..:frown: كمان الماديات بتلعب دور... يعني الاهل بحبوا بنتهم ترتبط بشخص يعيشها في المستوى يلي هيي عيشها ... أو أكتر...:frown: كتير أسباب ممكن تخلي هيدا الحب ما ينتهي نهايه سعيده .... وإذا ما انتهى مش بضرورة أنو هيي أو هوه نسوا الحب:pos: :pos: |
انا من ناحيتي مابصور في حب قبل الزواج واذا في ماراح يدوم زي الحب بعد الزواج ممكن المراة تنسى الحب الاول اذا كان الزوج الحالي مهنيهاوموفر الها كل سبل الراحة والسعاده وبحبها بحبها
|
1 ملف مرفق .
بلا طول سيرة.. هيدا الشي..راجع لشخصية الزوج ..برأيي..
بس في شوية ملاحظات عندي ع مشاركتك..الكريمة: 1- ماذا بشأن النسب .. اللي حاططيها..هل هي دراسة..أم ماذا؟ وإذا كانت كذلك..فهل إنت عاملتيها..ومتى ..على أين..وشو المقياس أو الأجهزة المستخدمة..في هذا القياس..!؟ 2- هل سألت نفسك "مرة" لماذا الحب الأول لا ينسى..ولماذا؟.."وهيدا موضوع..قائم بذاته" ولكن لاختصار الوقت والجهد..وقتي ووقتك..جهدي وجهدك"..أرجو الإستفادة من ملاحظة..وقوع هذا "الحب الأول"..في مرحلة تسمى.."بالمراهقة"..وحتى لا نسأل..ماذا عن "الحب الأول"..في سن متقدمة..نرجو ملاحظة"أعراض المراهقة"..في حينه..وعفوا... 3- حتى لا تثير حمية الجاهلية"هنا" .. قمت بدعم هذا الموضوع..و كان ذلك في الملفات المرفقة.. 4-اتمنى ألا تكوني متورطة بتناقض ما ..دلت عليه مشاركاتك الأخيرة.. أرجو أن أكون مخطئا..وعفوا... |
أنا برأي أنو ممكن تتناسا بس تنسى مستحيل ...
لأنو الحب الأول الو طعمي غير :sosweet: |
انا بتخيل انو المراءة ( بعرف انو الاملاء غلط :frown: ) اي المراءة مخلصة بطبعها
ورح ضلها تحاول وتحاول مع حبها المفروض عليها اللي هوي الزوج وبالاخر رح تحبو ,, يعني مارح تسمح انو يخونها بمشاعرو لحبه السابق قبل الزواج متل ماهية بتعمل عشان هيك رح تنسى الحب وتعيش بالقفص الذهبي و الواقع بعدين مين قال الحب الاول ما بنتسى؟؟:shock: يعني ضلك عايش ع الاطلال؟؟ اي تسطفل:pos: |
بتنسى ومابتنسى ..التنين مع بعض
بيضل الحب الاول ذكرى خاصة ..بس مع هيك مابتقدر تضل عايشة على اطلالا كل العمر وبعدين هالشي بيرجع لشطارة الزوج ..هو لازم ينسيا الحب الاولاني ويخليا تحبو الو |
انا معك فراشة بس مابعرف ازا رح يتحمل فكرة وجود حب قائم بحياة زوجته خاصة بعد الزواج
والا شو رايك |
اكيد ماحدا بيقبل انو يكون في حب قائم بحياة شريك حياتو
بس مابعرف ..كيف ..يمكن المفروض انو هو يحاول ينسيا قبل الزواج ..وهي كمان تحاول تنسى يعني شو الفايدة من هالحب ازا انتهى وماعاد في منو امل بتعرف شغلة ....مابعرف شو الجواب او رح غير رأيي الحب الاول بيضل ذكرى جميلة وتجربة بيمر فيا معظم الناس والحب الحقيقي بيجي بعد الزواج وبس ..لانو في مواجهة حقيقة للحياة بكل ابعادا انشاء الله ماكون خبصت كتير بالكلام |
ههههههه انا اسف ازا لخبطك بس جوابك منطقي و عقلاني و حلو
انا كمان معك الحب الحقيقي بجي بعد الزواج ,, المفروض الشب و البنت الي بحبو بعض يعرفوا كل مشاعر الطرف التاني او ع الاقل يتاكد انو شريكو متقبلو و حابو الف بالمية يعني لازم يضلوا يحسسوا بعض بالحب و المشاعر الدافية مشان الواحد ما يحن لشباب و علاقات الماضي بيني و بينك ,, المجتمع الشرقي الو مساوئو |
*******
اقتباس:
من جهة الإملاء فهوه غلط ميه بالميه برافو انك عرفتها لحالك.... :clap::clap: من جهة تانية انا بشوف انو الحب الأول ما بيتنسى لأنو انت قلتى انو الحب بصير ذكرى ... وهيدا بيعني انو هيي ما نسيتو .. بالعكس هوه موجود في ذكراها بس هيي خلتو بزاويه ما حدا ممكن يئرب عليها...وما صارت تحكي عنو (( وهيدا أبداً ما بيعني انو هيي نسيتو )) من جه تالته انا متأكده انك ما جربت هيدا الشي ... :frown: :frown: وإذا جربته بعيد الشر رح تلائى حالك عايش على الاطلال :p :p :p |
*******
اقتباس:
حبيتي فراشه ... انا أول مره عم بعلئ على كلامك ، وبشرفني اني أعلئ على كلامك. :lol: :lol: انا مش معك .... صدئيني إذا انت ما بدك تنسي الحب الأول والله بسماه مش رح تنسى ولا هيي بشطارة الزوج ولا شي بالعكس هيدي فيكي انت ... انت يلي بتقرري يا انك تنسيه أو تتناسيه |
باختصار بان حبيبتي تزوجت من ثلاث سنوات وفاجئتني بان عيدتني في عيد ميلادي وهي متزوجه وقتالت لي هذا اخر تافون بيننا ولكنه تعبير مني عن حبي لك ... وباكدلك ان الحب ما بينتسى الا بحب تاني وجاي الايام وبجو ز تستكشفي هل لشي بنفسك لا سمح الله
|
*******
اقتباس:
بس انا مش معك ...... انا بشوف الحب الأول غير عن الحب التاني.. إسمه حب أول يعني مشاعر ما عمري حسيت فيها ... وأول مره عم بتحس فيها ومستحيل الحب الاول يتنسى علشان في حب تاني إذا انا ما نسيت الحب الاول فكيف رح أحب حب تاني ؟؟؟؟!!!!!!! |
احيي الحكمة في اللي قالوا ان الحب الحق هو اللي بيكون في أطار الزواج (الأطار الشرعي)
نبدأ من هاي النقطة اولاً لو تزوج اثنين وكان احدهم هو من كان يحب اخر .. هل هذا عدلاُ بحق الطرف الأخر (الشرعي)؟ الا يعتبر نوعاً من الأنانية؟ قد أعلم ان الحب هو ضرب من الأنانية .. ويدل على ذلك الغيرة.. التملك.. الخ وتأكيداً بأن الحب قبل الزوج ما هو الا لهو وعبث وايضاً تضييع وقت (انطر بداخلك ولا تهاجمني) أنظر الى الجيل السابق... وبدون الدخول في تفاصيل دراسات وشي نظري .. انظر حولك هل نسبة الطلاق في الجيل السابق اقل ام اكثر من الجيل الحالي؟ على ما يدل ذلك؟ ايضاً انظر الى العنف بين الزوجين في الجيل السابق .. والحالي.. ما رأيك أيهما اكثر عنفاً ؟ والأن ... عامل الأخرين كما تُحب ان تعامل.. نم هذا المبدأ .. بأي حق ترى نفسك يا من تحب غير زوجك .. الست تعاملة بأزدواجية المعايير! هل ستقبل لو كان شريكك مثلك ويحب شخص غيرك؟ اذا نرجع الى النقطة الأولى هي اصلح وانفع لنا جميعاً أتمنى ان ارتبط بـ فلان... لا مانع... ولكن لا أبني مستقبلي عليه.. قد لا يكون هو زوج/ة المستقبل... يجب أن ادع مكان فراغاً محجوزاً الى ذلك الشخص الذي سيكون شريكاً لحياتي لكي أهنىء في هذه الحياة واكون محترماً لهذه العلاقة الشرعية.. يدخل في حياتنا اشخاص كُثر ... وقليل منهم سيأثرون بها سلباً او ايجاباً ... وهرلاء لا نستطيع نسيانهم ولكن نضعهم في مكانهم الصحيح اللائق. والسلام عليكم |
الحب الاول بكون صادق خاصة اذا كان الحب الاول عند البنت والشب معا , ومن الصعب ان ينسى ..
ولايوجد داعي لكي ينسى لأنه ذكرى جميلة من العمر .......ز:larg: |
في بعض الاحيان وع الاغلب نعم يمكن الفتاة تنسى حبها وحبيبها اذا تزوجت ... وهالشي كمان ع الشب ...
طبعاً راجع للحب ولقوة العلاقة بينهم ... فإذا كانت العلاقة سطحية فأكيد رح تنسى بسرعة ... اما اذا كانت العلاقة قوية ... فتحتاج الى وقت اطول... بالمحصلة هي رح تشوف حياتها مع اولادها بعد زواجها... ويا هلا |
| الساعة بإيدك هلق يا سيدي 13:49 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون