|
صبي او بنت
هلئ هادا الموضوع كتير مهم وبمس كل شخص فينا ان كان من قريب او من بعيد
يوم بكون الزوجين عم ينتظرو مولود اول شي بقولولن الناس شو حابيب يجيكن بنت ولا صبي طبعا ذوات العقلية الحجرية والبالية فورا بقولو شو بنت ما بنت بدنا صبي بدنا فلان ابو فلان يجينا , انو الشغلة المهمة في كتر ازواج صرلن متزوجين عشرات السنين والله ماطعمن اطفال ومتمنين ظفر ولد او بنت , يعني وفي ناس بتجي بتتجبر على خلقة رب العالمين هدول مو عرفانين انو بجوز اذا اجاهن صبي ممكن يطلع عاق او ثرثري او صاحب مشاكل او حرامي وزعوري (من ازعر ابن شوارع يعني ) او يكون طنط (مابدي استعمل كلمة تانية ) وهدول الناس وغيرن بيجين اطفال معاقين ان كان جسديا او عقليا . هادا غير حكي الاهل والجيران والاصدقاء من الحكي يلي بسم البدن انو ياعمي مرتك ماعم تجيب غير البنات روح اسلخا جوازة تانية بركي بيجيك الصبي وطبعا في ناس بتسوي هيك شي بتروح احيانا بيجي الصبي واحيانا كمان بيجي بنات هلئ السؤال الاول : انو مين المسؤول عن تحديد جنس الطفل الرجل او الامرأة بعدين في مقولات قديمة عف عليها الزمن بقولو : انو هم البنات للممات يعني في اسخف واسوء من هيك حكي متل ماحكيت فوق انو ممكن يكون الصبي عاق وفي كتير بنات بألف صبي متحملين مسؤلية وقد حالن السؤال التاني : انو وجود الصبي (الاخ) ضروري ولا لاء ؟ برجع لشغلة مهمة مشان الشب او البنت انا برأيي الخاص انو اهم شي هي التربية ان كان للبنت او للشب يعني شو بتزرع بتحصد هلئ مما لاشك فيه انو البنت صار فيها تعمل او تشتغل يلي بدا ياه بس انو بضل في بعض الامور مافينا تسويها متل شغلات بدها قوة قلب او شغلات بدها مجهود عضلي وغيرو واهم شي الخلقة التامة وكلشي بيبعتو الله منيح ومشان رأيي بموضوع الصبي او البنت منحكي فيه بعدين مشان نشوف شو رأيكن بالموضوع يمكن انا اتفرعت كتير بالموضوع واتفلسفت زيادة بعتذر منكن :D |
معك حق خيو
بس ماخليتلنا حكي لنحكي المهم اللي بيجي من الله فحياه الله |
حكي معقول جدا
بس مو ممكن تطلع البنت كمان مو منيحة؟؟؟ الصبي او البنت اذا مربايين يطلعوا اوادم |
اقتباس:
وناطرين رأيك انت عن جد شكرا :D |
اقتباس:
بالنسبة لرأيي انا مو متزوج بس بقلك من هون من وضعي كااعزب انو مابتفرق معي بس احيانا بيختلف رأيي وقت بشوف عيلة مثلا مافيها شباب انو هالشب يساعد ابوه او يساعد اختو ويعني متل ماقلت بالموضوع انو في بعض الامور لابد من وجود الشب بالعيلة يعني انو برد الصوت على اهلو وكمان وجود البنت ضروري بالبيت مابعرف بتمنى يكون رأيي واضح مع انو مو كتير بعرف حالي شو كتبت وشكرا الك مرة تانية :D |
اقتباس:
:D اقتباس:
suryoyo:D |
الحمد لله علا نعمة الاولاد
واللي يبيي من الرب ماعليه زوود :D |
اقتباس:
ومع هيك في عالم بتفكّر انــو الحق على المرأة .. بيقومو بيبلشو اهل الرجل بالنق وروح تزوّج غيرها بركي الله بيرزقك الصبي ... اقتباس:
لاء عنجد ..متل ما قلت في عالم بتضل عم تستنى الصبي وبس يجي ويشب ويشوف حالو انو هو " ولي العهد " وما حدا قدّو ..بيقوم بيتجبرت وبتبدأ المشاكل ... و وقتا شو بيكونو استفادو اهلو من وجودو ؟؟ انو صار الاب اسمو ابو فلان ؟؟ حلو الموضوع ، ذكرني بــــ.....حالنا :D:lol: |
اقتباس:
بعدين يبدو الموضوع موضوع جدلي بس انو شغلة نيااااااااااالك شو مشانا ؟:lol: انو يعني اذا في صبي مو ضروري انو يتحكم بالبنت اي في بنات اقوى من سبع تالاف صبي :lol: ومشان ابو فلان في كتير رجال ماعندن صبيان بنادولن بأسماء بناتن مو مشكلة وشكرا لمشاركتك المهمة والفعالة :D |
مشان شغلة " نيالك " .. الظاهر كل اللي بعرفون دايقين الويل من ولي العهد .. او اللي بعدو .. او اللي بعدو ;-)
ع فكرة .. بعرف وحدة هنن 4 بنات واخر الشي اجى الصبي.. ومن كتر الدلال اللي دللوه ياه من فرحتهم فيه .. صار هالصبي اللي كل عمرو 13 سنة عم يتحكم باللي اكبر منّــو .. وعلى قولة هي ما بيصير وهي ممنوع ... وهيك لا تعملي وهلأ مافي طلعة :pos: ومشان شغلة ابو فلان ... اي في .. ولو انــو مو كتيرة .. او يمكن هلأ بلّشت تنتشر اكتر من قبل .. هلأ مثلا ابي ... بينادولو ابو فلان .. مع انــو هالفلان مو موجود :p |
أحلى شي بالعالم العيلة
يعني انو يكون عندك اخوة فهيدا بحد ذاته شي مهم جدا وعظيم بقا صبي وللا بنت ما بتفرق بس بدي علق ع شغلة قال في ناس بدن الصبي ليحمل اسم العيلة لك العمى تقول هالانجازات العظيمة اللي عاملينا بالعيلة لحتى بدن يخلدوا اسمهم بالتاريخ:lol: :o |
اقتباس:
اقتباس:
بعدين اصابع ايديكي مو متل بعض ;-) |
اول شي بهالمشاركة حابب اعلق على كلام لاوديسا وسيرين انجل بخصوص ان الرجل هو المسؤال عن تحديد جنس الجنين
هلاء هذا الكلام علمياً صحيح ولكن اخر الابحاث الطبية اثبتت ان بامكان المراة ان تكون هي من يتحكم بجنس الجنين وذلك من خلال الطعام الذي تاكله حتى لا تستغربوا من كلامي ليكم قراته بخصوص هذا الموضوع والقاعدة العلمية الرئيسية المتعارف عليها بأن جنس المولود يحدد بنوع الكروموسوم الذي يحمله الحيوان المنوي إما أنثويا ( X -chromosome ) أو ذكريا ( Y- chromosome ) في حين أن بويضة الأنثى لا تحمل إلا ( X-chromosome ) أي الكروموسوم الأنثوي . فإذا كان الالتقاء بين حيوان منوي يحمل الكروموسوم الأنثوي مع البويضة ( X-X ) كان نتيجة التلقيح أنثى ، وإذا كان الالتقاء بين حيوان منوي يحمل الكروموسوم الذكري ( X-Y ) مع البويضة كان الناتج ذكرا . هلاء انطلاقاً من هذا الكلام يثبت ان الرجل هو الذي يحمل الكرموسوم الذكري او الانثوي ولكن اثبت الطب اخيرا ان غذاء المرة هو من ينحكم في الكرموسوم في حذب الحيوان المنوي الذي يحمل كروموسوماً ذكرياً او انثوياً وفق التالي أثبتت الأبحاث ((بأن تغذية المرأة كان لها تأثير في عملية اختيار جنس المولود . وذلك بتأثيره على المستقبلات التي ترتبط بها الحيوانات المنوية في جدار البويضة , والتي عن طريقها تخترق الجدار ويحدث التلقيح . إن للتوازن الأيوني للصوديوم والبوتاسيوم مقابل الكالسيوم , والمغنيسيوم تأثير حيوي على هذه المستقبلات مما يؤدي إلى حدوث تغييرات على مركبات الجدار والذي بدوره يؤثر على انجذاب الحيوانات المنوية الذكرية أو الأنثوية . عن تأثير هذه الأيونات بصورة مبسطة فان زيادة نسبة الصوديوم والبوتاسيوم في الغذاء وانخفاض نسبة الكالسيوم والمغنيسيوم يحدث تغييرات على جدار البويضة لجذب الحيوان المنوي الذكري ( Y-sperm) واستبعاد الحيوان المنوي الأنثوي (X-sperm) وبالتالي نتيجة التلقيح تكون ذكرا والعكس صحيح فان زيادة نسبة الكالسيوم والمغنيسيوم في الدم وانخفاض الصوديوم والبوتاسيوم يجذب الحيوان المنوي الحامل للكروموسوم الأنثوي (X-sperm ) ويستبعد الحيوان المنوي الحامل للكروموسوم الذكري (Y-sperm) وبالتالي تكون نتيجة التلقيح والحمل أنثى هلاء راح اختصر مشاركتي هون على هذا الطرح وبمشاركات قادمة بنتحاور بالموضوع من الجوانب المختلفة يلي طرحها فلاش باك بشكرك فلاش باك الغالي على موضوعك المميز ويلي بيهمنا كلنا تحياتي الك عزيزي:D |
اي شو هالموضوع هادا عمور
شغلة جميلة بس الاجمل اني طلعت من هدولي اللي قلت عنهم عقلياتهن متحجرة هلق انا عقلي متحجر!!!!!! الله يسامحك بالنسبة للسؤال الاول: انا بعتقد الله المسؤول (سبحانة و تعالى) و بالنسبة للسؤال التاني : الاخ ضروري لانو اذا انت انجرحت و بدك تتوجع فبتقوا (أخخخخ) طيب اذا ما عندك أخ شو بدك تقول ؟؟؟ بتم ساكت؟؟ خيو مافي احلى من الاخ لانو هوي اللي بيشيلك و بدير بالو عليك وقت تكون كل العالم بدها تضرك اما البنات فيا عيني على وجع الراس بس حلوين بالبيت يا اخي بيعطو البيت حياة و طابع مرح بس اذا كانت مقتة الله لا يورجيك ساعتها محسوبك (أبو طلال) |
اقتباس:
مشاركة مميزة لعضو مميز (هلئ بقولو الصبايا انا صفيت معك لأنك شلفت الشغلة على البنات :lol: ) وبانتظار مشاركاتك وائل بيك :D |
اقتباس:
وفعلا وجود البنات بالبيت امر ضروري ومتل ماحكيت بالضبط اصدي موضوع المرح اما المقت فهادا لابد منو :lol: :p واهلين ابو طلال |
اقتباس:
ومشان الانجازات هي بترجع لحسب عقل كل شخص اي منيح رح تنقضى الشغلة بولي عهد احسن ما نصير بشغلة الاستنساخ وكل واحد يعتبر حالو فلتة زمانو :lol: :p |
اقتباس:
يمكن تقضّي كل حياتها بتعتمد بغذائها عالصوديوم والبوتاسيوم .. ومع هيك يجي صبي !! صحي ... برجع بقول المسؤول هو الرجل.. لشغلة الكروموسوم y .. ولاسباب اخرى;-) |
| الساعة بإيدك هلق يا سيدي 04:36 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون